26-Apr-2024

ବଲାଙ୍ଗିର (ପ୍ରେରଣା ଖବର ):  ବଲାଙ୍ଗିର ସରକାରୀ ପୁରୁଣା ବାଳିକା ଉଚ୍ଚ ବିଦ୍ୟାଳୟ ସମ୍ମୁଖସ୍ଥ  ଜେ ଏସ୍ ଏମ୍ ଆର୍ଟସ ଏଣ୍ଡ କମର୍ସ କଲେଜ ତରଫରୁ ଜନସାଧାରଣ ଓ ପଥଚାରୀ ମାନଙ୍କ ପାଇଁ ଏକ ଜଳଛତ୍ର ଆରମ୍ଭ କରାଯାଇଛି l ପ୍ରଚଣ୍ଡ ଗ୍ରୀଷ୍ମପ୍ରବାହ କୁ ଦୃଷ୍ଟିରେ ରଖି ଏହି  କଲେଜ ପକ୍ଷରୁ ଆରମ୍ଭ କରାଯାଇଥିବା ଏହି ଜନହିତକର କାମକୁ ସାଧାରଣରେ ପ୍ରଶଂସା କରାଯାଇଛି l ପଥଚାରୀଙ୍କ ପାଇଁ ପ୍ରତ୍ୟେହ ଏଠାରେ ଦହି ପାଣି ର ବ୍ୟବସ୍ଥା

କରାଯିବ ବୋଲି କଲେଜ ର ନିର୍ଦ୍ଦେଶକ ସି .ଏ ଶ୍ରୀକାନ୍ତ ଶର୍ମl ସୂଚନା ଦେଇଛନ୍ତି l ମହାବିଦ୍ୟାଳୟ ର କର୍ମଚାରୀ ଓ ସ୍ଥାନୀୟ ବାସୀନ୍ଦାଙ୍କ ଉପସ୍ଥିତିରେ ଏହି ଜଳଛତ୍ରକୁ କଲେଜ ପରିଚାଳନା କମିଟିର ମୁଖ୍ୟ ମନୋରଞ୍ଜନ ସାହୁ ଉଦଘାଟନ କରିଥିଲେ l ସ୍ଥାନୀୟ ବାସିନ୍ଦା ନିର୍ମଳେନ୍ଦୁ ହୋତା, ଜ୍ଞାନରଞ୍ଜନ ମିଶ୍ର ଓ ଅଭିଳାଷ

ହୋତା ପ୍ରଥମରେ ଜଳଛତ୍ରରୁ ପାଣି ପିଇ ଥିଲେ l ସ୍ଥାନୀୟ ବାସିନ୍ଦା ଅନୁପ ଚୋପଦlର, ନସୀର ଖାନ ଙ୍କ ସମେତ କଲେଜର କର୍ମଚାରୀ ଶେଷାଦ୍ରୀ ସ୍ଵାଇଁ , ନମିତା ମିଶ୍ର , ତନୁଜା ମିଶ୍ର, ଲଳିତ ମୋହନ ମିଶ୍ର , ରାଜେଶ ପ୍ରଧାନ, ରତିକାନ୍ତ ଦଲେଇ, ଗୀତାଞ୍ଜଳି ପ୍ରଧାନ, ବିମଳା ଦେବୀ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ l