26-Apr-2024

ବୀରମହାରାଜପୁର,(ବିନୋଦ ପାଣ୍ଡେ ):ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଯୁବରାଜପୁର  ଗ୍ରାମରେ ପାଳନ ହେଉଥିଲା ଶ୍ରୀ ରାମଲୀଳା ମହୋତ୍ସବ। ଦୀର୍ଘ ୪୦ ବର୍ଷ ଧରି ପାଳନ ହେଉଛି ଏଠାକାର ଏହି ଶ୍ରୀରାମ ଲୀଳା ମହୋତ୍ସବ। ଚଳିତ ବର୍ଷ ମଧ୍ୟ ଏହା ଆନନ୍ଦ ଓ ଉତ୍ସାହ ର ସହିତ ପାଳନ ହୋଇଛି । ଚଳିତ ବର୍ଷ ଉକ୍ତ ମହୋତ୍ସବ ପାଳନ ପାଇଁ ସର୍ବସମ୍ମତି କ୍ରମେ ଗଠିତ ହୋଇଥିଲା ଏକ ପରିଚାଳନା କମିଟି। ଏଥିରେ ସର୍ବସମ୍ମତି କ୍ରମେ ବ୍ରଜବିହାରୀ ପଧାନ  ଙ୍କୁ ସଭାପତି କୃଷ୍ଣ ଚନ୍ଦ୍ର ଧଳ   ଙ୍କୁ ଉପ ସଭାପତି ଓ ଏକାଦୁଶୀ ଧଳ ଙ୍କୁ ସମ୍ପାଦକ ଓ ହେମନ୍ତ ସାହୁ ଙ୍କୁ ସହ ସମ୍ପାଦକ ଭାବେ ଚୟନ କରାଯାଇଥିଲା  । ଶ୍ରୀରାମ ନବମୀ ଠାରୁ ଗ୍ରାମ ରେ ଏକ ପ୍ରକାର ଆଧ୍ୟାତ୍ମିକ ପରିବେଶ ହୋଇଥିଲା । ଗ୍ରାମବାସୀ ଙ୍କ ନିଷ୍ପତ୍ତି କ୍ରମେ ଗ୍ରାମରେ ଆମିଷ ଓ ନିଶା ଦ୍ରବ୍ୟ ବ୍ୟବହାର ସମ୍ପୂର୍ଣ୍ଣ ବନ୍ଦ କରାଯାଇଥିଲା । ଗ୍ରାମର ଶ୍ରୀରାମ ମନ୍ଦିର ରେ ପ୍ରତ୍ୟହ ପୂଜାର୍ଚ୍ଚନା କରାଯାଉଥିଲା । ପ୍ରାୟ ୯୦ ରୁ ଅଧିକ ବ୍ରତାଧାରି ନିଷ୍ଠା ଓ କାଷ୍ଠାର ସହିତ ବ୍ରତ ଧାରଣା କରି ପୂଜାର୍ଚ୍ଚନା କରିଥିଲେ । ମନ୍ଦିର ରେ ଭୋଗ ଲାଗିଲା ପରେ ସମୂହ ପ୍ରସାଦ ସେବନ କରୁଥିଲେ । ସନ୍ଧ୍ୟା ରେ ସନ୍ଧ୍ୟା ଆଳତି କରାଯାଉଥିଲା । ଶ୍ରଦ୍ଧାଳୁ ମାନେ ସନ୍ଧ୍ୟା ଆଳତି ସହିତ ସନ୍ଧ୍ୟା ଦର୍ଶନ କରୁଥିଲେ । ଗ୍ରାମର ରଘୁନାଥ ନାଟ୍ୟ ସାଂସଦ ର ଆନୂକୁଲ୍ୟ ରେ ପ୍ରତ୍ୟହ ରାତ୍ରୀ ରେ ପରିବେଷଣ ହେଉଥିଲା ଶ୍ରୀରାମ ଲୀଳା ନାଟକ। ଦୀର୍ଘ ୧୦ ଦିନ ଧରି ରାତ୍ରୀରେ ଲୀଳା ନାଟକ ପରିବେଷଣ ହୋଇଥିଲା । ରାମ ଜନ୍ମ,ସୀତା ବିବାହ,ସୀତା ଚୋରି,ସୀତା ଠାବ, ଶେଷରେ ଲଙ୍କାପଡ଼ି  ଆଦି ଲୀଳା ନାଟକ ପରିବେଷଣ ହୋଇଥିଲା । ଏଥିରେ ଶ୍ରୀରାମ ଭୂମିକାରେ ସନ୍ତୋଷ ପଧାନ, ଲଷ୍ମଣ  ଭୂମିକାରେ ଭକ୍ତ ଚରଣ ଧଳ,  ସୀତା ଭୂମିକାରେ ପ୍ରମୋଦ ଧଳ ,ରାବଣ -  କିଶୋର ପଧାନ, ହାସ୍ୟ ଅଭିନେତା ଭାଗ୍ୟରଥୀ ପଧାନ  ଙ୍କ ସହ ନିତ୍ୟାନନ୍ଦ ପଧାନ, ସୋମିତ୍ରୀ ପଧାନ, ବୁଲୁ ପଧାନ, ଚିତ୍ରାଙ୍ଗଦ ଦେହେରୀ, କୃଷ୍ଣ ଚନ୍ଦ୍ର ପଧାନ, ପବିତ୍ର ପଧାନ, କନ୍ଦର୍ପ ପଧାନ, ଗୋପବନ୍ଧୁ ବେରିଆ, ଗରିବ ପଧାନ, କୁଞ୍ଜବିହାରୀ ଧଳ, ସୁଶୀଲ ପଧାନ, ପ୍ରମୁଖ ବିଭିନ୍ନ  ଭୂମିକାରେ ଅଭିନୟ କ