24-Apr-2024

ବଲାଙ୍ଗିର (ପ୍ରେରଣା ଖବର )
ରାଜ୍ୟ ସରକାର ଏବଂ ବଲାଙ୍ଗିର ପୌର ପରିଷଦ ଦିର୍ଘ ଦିନ ଧରି ବିଜେଡି ଅଧିନରେ । ପୁଣି ଏଠାକାର ବିଜେଡି ନେତାମାନେ ୨୪ ବର୍ଷ ଧରି ଲଗାତାର କ୍ଷମତାରେ ଥିଲେ । ଏତେ ଲମ୍ବା ସମୟ କ୍ଷମତାରେ ଥିବା ସତ୍ତ୍ୱେ ବଲାଙ୍ଗିର ର କୌଣସି ଆଖି ଦୃଶିଆ ଯୋଜନା କରିପାରିଲେ ନାହିଁ ଓଲଟା ପୌର ପରିଷଦ ଅଧିନରେ ଥିବା ଡ୍ରେନ, ରାସ୍ତା ଅତି ଶୋଚନୀୟ । ପୌର ପରିଷଦ ଦୁର୍ନିତି ଚରମସୀମାରେ ପହଞ୍ôଚଛି । କିଛି ଉନ୍ନତି କରିବା ପରିବର୍ତ୍ତେ ଏଠିକାର ରାଜ ପରିବାର ଅନେକ କ୍ଷମତାରେ ଥାଇ ମଧ୍ୟ ଆମ ଯୁବକମାନଙ୍କ ଭବିଷ୍ୟତକୁ ଅନ୍ଧାର ମଧ୍ୟକୁ ଠେଲିଛନ୍ତି । ଆମର ପିଲାମାନଙ୍କ ଭବିଷ୍ୟତକୁ ଚୋରି କରିଥିବା ଏହି ନେତାମାନେ ବର୍ତ୍ତମାନ ବଲାଙ୍ଗିର ର ମାନ୍ୟବର ବିଧାୟକଙ୍କ ଦ୍ୱାରା କରାଯାଇଥିବା ଏଠାକାର ବିକାଶ କୁ ଚୋରି କରିବାର ଅପଚେଷ୍ଟା କରୁଛନ୍ତି । ଏଣୁ ଆଗାମୀ ନିର୍ବାଚନରେ ଏପରି ବିକାଶ କୁ ଚୋରୀ କରୁଥିବା ନେତାଙ୍କୁ ଆମର ମାଁ ମାଉସୀ ଛାତ୍ର ଯୁବକ ସାଧାରଣ ଜନତା ଉଚିତ ଜବାବ ଦେବେ ବୋଲିି ପୌରାଂଚଳ ଅନ୍ତର୍ଗତ ବିଷ୍ଣୁମୁଣ୍ଡା ଓ ସୁଦପଡା ଠାରେ ଅନୁଷ୍ଠିତ ମହିଳା ସମାବେଶରେ ବଲାଙ୍ଗିର ବିଧାୟକ ପ୍ରାର୍ଥୀ ସମରେନ୍ଦ୍ର ମିଶ୍ର ନିଜ ବକ୍ତବ୍ୟରେ କହିଛନ୍ତି । ସେ କହିଛନ୍ତି ଏଠାକାର ବିଜେଡି ନେତାମାନଙ୍କୁ ହାରିବାର ଭୟ ଘାରିଲାଣି । ଭୟରେ ସେମାନେ ତାଙ୍କ ଅଧିନରେ ଥିବା ପୌରପରିଷଦର ଅପବ୍ୟବହାର କରୁଛନ୍ତି । ତାଙ୍କ ଅଧିନରେ କାମ କରୁଥିବା କାର୍ଯ୍ୟକାରୀ ସଂସ୍ଥାମାନଙ୍କୁ ତାଙ୍କ ଦଳ ପାଇଁ କାମ କରିବା ଧମକ ଦେଉଛନ୍ତି । ଆମେ ସ୍ପଷ୍ଟ ଭାବେ କହିବାକୁ ଚାହୁଁଛୁ ଏହି ଦୁର୍ନିତିଘୋର ପିସି ବାବୁଙ୍କର ଗୁଣ୍ଡାଗର୍ଦି କୁ ଉଚିତ ଜବାବ ଦିଆଯିବ । ଯେତେ ଶିଘ୍ର ହେବ ଏମାନେ ସାଧାରଣ ଜନତାଙ୍କୁ ଧମକ ଦେବାରୁ ନିବୃତ ରୁହନ୍ତୁ ନ ହେଲେ ଲୋକେ ତାର ଉଚିତ ଜବାବ ଦେବେ ବୋଲି ସମରେନ୍ଦ୍ର କହିଥିଲେ । ଏଠାରେ ସୂଚନାଯୋଗ୍ୟ ଯେ ପୌର ପରିଷଦକୁ ନିଜ ଅକ୍ତିଆରରେ ରଖିଥିବା ବିଜେଡି ନେତା ମହିଳା ସ୍ୱୟଂ ସହାୟକ ଗୋଷ୍ଠି ନାଁ ରେ ସହରର ସମସ୍ତ ଠିକାକାମ ନିଜେ କରୁଛନ୍ତି । ଠିକ୍ ସମୟରେ ଲୋକେ ତାର ଜବାବ ଦେବେ ବୋଲି କହିଥିଲେ । ମହିଳା ସମବେଶରେ ମାନ୍ୟବର ବଲାଙ୍ଗିର ବିଧାୟକ ନରସିଂହ ମିଶ୍ର କଂଗ୍ରେସ ର ଉଭୟ ସାଂସଦ ଓ ବିଧାୟକ ପ୍ରାର୍ଥୀଙ୍କୁ ଦୁଇଟି ଭୋଟ ହାତ ଚିହ୍ନରେ ଦେବାକୁ ନିବେଦନ କରିବା ସହ ନିର୍ବାଚନରେ ଭୁଲ ବ୍ୟକ୍ତି କୁ ନ ଦେବାକୁ ନିବେଦନ କରିଥିଲେ କାରଣ ଠିକ୍ ଲୋକ ନିର୍ବାଚିତ ହେଲେ ବିକାଶ ପ୍ରକ୍ରିୟା ନିରନ୍ତର ଜାରି ରହିବ । ଭୁଲ ଲୋକଙ୍କ ହାତରେ କ୍ଷମତା ରହିଲେ ବଲାଙ୍ଗିର ପୁଣି ୨୪ ବର୍ଷ ତଳକୁ ଫେରିଯିବ ବୋଲି କହିବା ସହ କଂଗ୍ରେସ ସରକାରକୁ ଆସିଲେ ଧାନ କ୍ୱିଣ୍ଟାଲ ୩ହଜାର ଟଙ୍କା, ମାସିକ ୨୦୦ ୟୁନିଟ ପର୍ଯ୍ୟନ୍ତ ବିଜୁଲି ବିଲ ମାଫ, ଏସ୍‌ଏଚ୍‌ଜି ଗୋଷ୍ଠିଙ୍କୁ ବ୍ୟାଙ୍କ ଋଣ ଛାଡ, ମହିଳାଙ୍କୁ ମାସିକ ଭତ୍ତା ୨ହଜାର ଟଙ୍କା, ଦଳିତ ମହିଳାଙ୍କୁ ୩ହଜାର ଟଙ୍କା, ମାସକୁ ୫୦୦ ଟଙ୍କାରେ ଗୋଟିଏ ଗ୍ୟାସ ସିଲିଣ୍ଡର, ସାମାଜିକ ସୁରକ୍ଷା ଅନ୍ତର୍ଗତ ମାସିକ ଭତ୍ତା ୨ହଜାର ଟଙ୍କା, ବେକାରୀ ଭତ୍ତା ୩ହଜାର ଟଙ୍କା ଓ ୫ଲକ୍ଷ ଯୁବକ ଯୁବତିଙ୍କ ପାଇଁ ନିଯୁକ୍ତି ଦିଆଯିବ ବୋଲି ବିଧାୟକ ଶ୍ରୀ ମିଶ୍ର କଂଗ୍ରେସ ତରଫରୁ ଗ୍ୟାରେଣ୍ଟି ଦେଇଥିଲେ । ଆଜିର ଏହି ମହିଳା ସମବେଶ ନଗର କଂଗ୍ରେସ ସଭାପତି ବୁଲୁ ଦାନିଙ୍କ ସଂଯୋଜନା ଓ ମହିଳା କଂଗ୍ରେସ ସଭାନେତ୍ରୀ ମିଳନୀ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା ।