24-Apr-2024

ବଲାଙ୍ଗୀର/ଟିଟିଲାଗଡ: ବଲାଙ୍ଗୀର ଜିଲ୍ଲା ଲାଠୋର ଗ୍ରାମ ର ବାବୁଲାଲ ଭୋଇ ନାମକ ଜଣେ ୩୫ ବର୍ଷୀୟ ବ୍ୟକ୍ତି ଙ୍କ ଗତ କାଲି ଅଂଶୁଘାତ ର ଶିକାର ହୋଇ ମୃତ୍ୟୁ ବରଣ କରିଥିବା ଜଣା ଯାଇଛି* ।

 ଗତକାଲି ମଙ୍ଗଳବାର ଦିନ ଟିଟିଲାଗଡ ରେଳ ଷ୍ଟେସନ ରେ ଅପରାହ୍ନ ୪ ଟା ସମୟ ରେ ଗୁରୁତର ଅବସ୍ଥାରେ ପଡ଼ି ଥିବା ଦେଖା ଯାଇ ଥିଲା । ରେଳ ଷ୍ଟେସନ ଜି ଆର ପି ପୋଲିସ କର୍ମଚାରୀ ତାଙ୍କୁ ଷ୍ଟେସନ ରୁ ଟିଟିଲାଗଡ ଜିଲ୍ଲା ଉପଖଣ୍ଡ ମୁଖ୍ୟ ଚିକିତ୍ସାଳୟରେ ରେ ଆଣି ପହଞ୍ଚେଇ ଥିବା ବେଳେ ପ୍ରାୟ ଏକ ଘଣ୍ଟା ପରେ ତାଙ୍କର ଶୋଚନୀୟ ମୃତ୍ୟୁ ଘଟିଥିଲା*। 

ଖରାରେ ସେ ଟିଟିଲାଗଡ ସହର ର ଏକ କୋଠା ଘରେ କାମ କରି ତାଙ୍କ ଘର କୁ  ଯିବା ପାଇଁ ଷ୍ଟେସନ ରେ ପହଞ୍ଚି ଥିଲେ ।
ଅଂଶୁଘାତ ଯୋଗୁଁ ତାଙ୍କର ମୃତ୍ୟୁ ଘଟି ଥିବା ବେଳେ ତାଙ୍କ ଚାରୋଟି ଛୋଟ ସନ୍ତାନ ଥିବା ଓ ସେ ରାଜ୍ୟ ତଥା ରାଜ୍ୟ ବାହାର କୁ ଦାଦନ ଖଟି ଯାଇଥାନ୍ତି ଓ ତାଙ୍କ ପରିବାର ଲୋକ ଙ୍କୁ କିଛି ସହାୟତା ପାଇଁ ପରିବାର ଲୋକେ ଦାବି କରିଛନ୍ତି।
ଏ ନେଇ ଜି ଆର ପି ପୋଲିସ ଏକ ମାମଲା ରୁଜ୍ଜୁ କରି ଶବ ବ୍ୟବଚ୍ଛେଦ ପରେ ତାଙ୍କ ଶବ ହସ୍ତାନ୍ତର କରାଯିବ ବୋଲି ପ୍ରକାଶ କରିଛନ୍ତି।
ରିପୋର୍ଟ, ସନ୍ତୋଷ କୁମାର ନାୟକ