24-Apr-2024

ତୁଷୁରା (ପଞ୍ଚାନନ ନାଏକ)ବଲାଙ୍ଗୀର ଜିଲ୍ଲା ଗୁଡଭେଲାବ୍ଲକ ଅନ୍ତର୍ଗତ ରୁଷୁଡା ଓ ଚିଞ୍ଜେଡ ଗ୍ରାମପଞ୍ଚାୟତର ଚାଣ୍ଟିପଦର, ଲଖାରପଦର, ଶାସନପାଳି, କନ୍ଦେନବାହାଲି, ବୁଢାଖମନ, ତୁର୍ଲା, ଚିଞ୍ଜେଡ,ଚନ୍ଦନପାଳି, ମାଳପଡା,ରୁଷୂଡା, ଦେଶେଇମୁଣ୍ଡା, ପିପଳମୁଣ୍ଡା ଗ୍ରାମରେ ମଙ୍ଗଳବାର ବିଜେଡି ପକ୍ଷରୁ ପ୍ରଚାର କରାଯାଇଛି। ରାଜ୍ୟ ଜଳସମ୍ପଦ, ବାଣିଜ୍ଯ ଓ ପରିବହନ ମନ୍ତ୍ରୀ ତଥା ଟିଟିଲାଗଡ ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ଟୁକୁନି ସାହୁ ସମସ୍ତ ଗ୍ରାମରେ ଆଯୋଜିତ ସଭାରେ ଯୋଗ ଦେଇ ରାଜ୍ୟ ସରକାରଙ୍କ ଜନହିତକର ଯୋଜନା ସମ୍ପର୍କରେ ଅବଗତ କରିବା ସହ ନବୀନ ପଟ୍ଟନାୟକ ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ହେଲେ ବିକାଶ ଧାରା ଦ୍ବିଗୁଣିତ ହୋଇ ପାରିବ। ମୁଁ ଏ ଅଞ୍ଚଳର ବହୁ ଉନ୍ନୟନ ମୂଳକ କାର୍ଯ୍ୟ ଗୁଡିକକୁ ପ୍ରାଥମିକତା ଦେଇ କାର୍ଯ୍ୟ କରି ଆସିଛି ।

ପାନୀୟ ଜଳ, ଶିକ୍ଷା, ରାସ୍ତାଘାଟ ଉନ୍ନତିକରଣ ହେଇଛି । ଏଣୁ ଦୁଇଟି ଶଙ୍ଖ ଚିହ୍ନରେ ଭୋଟ ଦୋବାକୁ ଜନସାଧାରଣଙ୍କୁ ଅନୁରୋଧ କରିଥିଲେ ଶ୍ରୀମତୀ ସାହୁ। ଚାଣ୍ଟିପଦର ଗ୍ରାମରେ ବିଜେଡିର ଏକ ନୂତନ କାର୍ଯ୍ୟାଳୟକୁ ଶ୍ରୀମତୀ ସାହୁ ଉଦଘାଟନ କରିଥିବା ବେଳେ ଶତାଧିକ କଂଗ୍ରେସ ଦଳର କର୍ମୀ ମାନେ ମୁଖ୍ୟମନ୍ତ୍ରୀଙ୍କ ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ଯୋଗଦାନ କରିଥିଲେ।  ସମସ୍ତଙ୍କୁ ଶ୍ରୀମତୀ ସାହୁ ସ୍ଵାଗତ କରିବା ସହ ଦଳୀୟ ଉତ୍ତରାୟଣ  ଦେଇଥିଲେ। ତୁଷୁରା ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ବାଳ,ଜିଲାପରିଷଦ ସଭ୍ଯ ପ୍ରଦୀପ ପଣ୍ଡା,  ଯୁବ ନେତା ବିକାଶ ଶର୍ମା, ପୃଥୀରାଜ ନନ୍ଦ, ରବିନ୍ଦ୍ର ସେଠ, ବିଭୂତି ଥନାପତି,ରମେଶ ବେହେରା, ଉଦିତ ବୁଡେକ,  ସ୍ବାଧିନ ପ୍ରଧାନ,ତରୁଣ ପୁଟେଲ, ବିଶ୍ନରାଜ ଭୋଇ,  ରାମ ଶଙ୍କର ବାଗ,   ତୁଷୁରା ଏନଏସି ପର୍ଯ୍ୟବେକ୍ଷକ ଚିରାଗ ସିଂଦେଓ,  ଜ୍ୟୋତି  ମହାପାତ୍ର, ପପିନ ପ୍ରଧାନ  ଆଦି ଉପସ୍ଥିତ ଥିଲେ।