18-Apr-2024

ବଲାଙ୍ଗିର(ଚିତ୍ରସେନ ବେହେରା ): ନିର୍ବାଚନ ଯେତେ ପାଖେଇ ଆସୁଛି ବିଜେପି ତାର ନିର୍ବାଚନୀ ପ୍ରଚାରକୁ ସେତେ ଜୋରଦାର୍ କରିବାରେ ଲାଗିଛି l ତୃଣମୂଳସ୍ତରରେ ଭୋଟର ମାନଙ୍କୁ ରାଜ୍ଯ ସରକାର ଙ୍କ ଅପାରଗତା ସମ୍ପର୍କରେ ଅବଗତ କରିବା ସହ ଆଗାମୀ ଦିନରେ ଭ୍ରଷ୍ଟାଚାରୀ ବିଜେଡି ସରକାରଙ୍କୁ ଭୋଟର ଉଚିତ ଜାବାବ ଦେବେ ବୋଲି ବିଜେପି ଦୃଢୋକ୍ତି ପ୍ରକାଶ କରିଛି l ଏହି କ୍ରମରେ ଆଜି ସକାଳେ ବଲାଙ୍ଗିର ବିଧାନସଭା ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ଗୋପାଲଜୀ

ପାଣିଗ୍ରାହୀ    ଭଇନଶା, ରାନୀପାଲି ଫାସଡ଼, ସକମା,ମନହୀରା ,କୁତୁରାପାଲି, ରାଇପାଲି ଏବଂ ନିକଟବର୍ତ୍ତୀ ଅନ୍ୟାନ୍ୟ ଗ୍ରାମର ଘରକୁ ଘର ବୁଲି ଆଗାମୀ ନିର୍ବାଚନରେ ତାଙ୍କୁ ଭୋଟ ଦେବାପାଇଁ ନିବେଦନ କରିଥିଲେ l ରାଜ୍ୟରେ ଡବଲ ଇଂଜିନ୍ ସରକାର ଆସିଲେ କେନ୍ଦ୍ର ସରକାରଙ୍କ ବିଭିନ୍ନ ଗରିବ କଲ୍ୟାଣକାରୀ ଯୋଜନା ଲୋକଙ୍କ ପାଖରେ ପହଞ୍ଚି ପାରିବ ବୋଲି ଶ୍ରୀ ପାଣିଗ୍ରାହୀ କହିଥିଲେ l କେନ୍ଦ୍ର ସରକାରଙ୍କ 'ହର  ଘର ନଲ'  ଯୋଜନା ଆଜି ରାଜ୍ୟରେ ଲୋକଙ୍କ ପାଇଁ ଅପହଞ୍ଚ ହୋଇଛି । ବଲାଙ୍ଗିର ଜିଲ୍ଲାରେ ଦୁଇ ପ୍ରମୂଖ ରାଜନୈତିକ ଦଳ କେବଳ ନିଜର ପାରିବାରିକ ସ୍ୱାର୍ଥ ପାଇଁ

ରାଜନୀତି କରୁଥିବା ବେଳେ ଏକ ସାଧାରଣ ପରିବାରରୁ ଆସିଥିବା ଜଣେ ସଂଗ୍ରାମୀ ତଥା ଗରିବ ନିଷ୍ପେଷିତ ଙ୍କ ନେତାଙ୍କୁ ଆପଣ ନିର୍ବାଚନରେ ବିଜୟ କରlନ୍ତୁ ବୋଲି ଶ୍ରୀ ପାଣିଗ୍ରାହୀ ଲୋକଙ୍କୁ ନିବେଦନ କରିଥିଲେ l ପ୍ରତ୍ୟେକ ଗ୍ରାମର ଶତାଧିକ ଜନସାଧାରଣ ବିଧାୟକ ପ୍ରାଥୀ ଗୋପାଲଜୀ ଙ୍କୁ ଉଚ୍ଛ୍ୱସିତ ସମ୍ବର୍ଦ୍ଧନା ଦେବା ସହ ଆଗାମୀ ନିର୍ବାଚନ ରେ  ବଲାଙ୍ଗିର ରେ ବିଜେପି  ର ବିଜୟ ବାନା ଉଡାଇବାକୁ ଶପଥ ନେଇଥିଲେ l ବିଜେପି ବିଧାୟକ ପ୍ରାର୍ଥୀ ଶ୍ରୀ ପାଣିଗ୍ରାହୀଙ୍କ ଗସ୍ତ ବେଳେ  ବରିଷ୍ଠ ବିଜେପି କର୍ମୀ ନୀଳମଣି ସେଠ୍ ,ମଣ୍ଡଳ ସଭାପତି ବିଶ୍ଵଜିତ ବେହେରା , ନରେଶ ଅଗ୍ରୱାଲ , ଅଜିତ ବେହେରା, ପରମେଶ୍ଵର ସ୍ଵାଇଁ , ଶ୍ରୀକାନ୍ତ ବେହେରା ,  ଋତୁରାଜ ପ୍ରଧାନ, ରାହୁଲ ପାଣିଗ୍ରାହୀ, ବିଭାଷ ଘଡେଇ, ସୁଶାନ୍ତ ରାଉତ , ରିତେଇ ପଟେଲ , ରଞ୍ଜନ ସିଂହ ଶତାଧିକ ବିଜେପି ସମର୍ଥକ ସାମିଲ ହୋଇଥିଲେ l