11-Apr-2024

ବାଲାଙ୍ଗୀର(ପ୍ରେରଣା ଖବର): ବଲାଙ୍ଗୀର, ସୋନପୁର, କଳାହାଣ୍ଡି ଓ ନଗରଙ୍ଗପୁର ଜିଲ୍ଲାର ବିଭିନ୍ନ ଅଞ୍ଚଳରୁ ମୋବାଇଲ ଚୋରିକରି ବିକ୍ରୀକରୁଥିବା ଜଣେ ଆନ୍ତଃଜିଲ୍ଲା ଚୋରକୁ ବଲାଙ୍ଗୀର ପୋଲିସ ଧରିବାରେ ସଫଳ ହୋଇଛି । ଆଜି ସକାଳେ ଜେଲପାଖ ଚାରିଛକରେ ପୋଲିସର ଚେକିଂବେଳେ ଏହି ଚୋର ଧରାପଡିଥିଲା । ଚୋରଜଣକ ଗଞ୍ଜାମ ଜିଲ୍ଲା ଆସ୍କାର ଶିବ ପଧାନ(୪୦) ବୋଲି ଜଣାପଡିଛି । ସେ ଆସ୍କାରୁ ଆସି ବିଭିନ୍ନ ଜିଲ୍ଲାରେ ଜନଗହଳିସ୍ଥନରେ ଲୋକଙ୍କଠାରୁ ମୋବାଇଲ ଚୋରିକରି ଫେରାର ମାରୁଥିଲା । ତା ପାଖରେ ୨୨ଟି ସ୍ମାର୍ଟଫୋନ ଜବତ କରାଯାଇଛି । ସେ ଯେଉଁ ବାଇକଟି ବ୍ୟବହାର କରୁଥିଲା ତାହା ମଧ୍ୟ ବଲାଙ୍ଗୀରରୁ ଚୋରୀ କରିଥିବା ବାଇକ ବୋଲି ଆଜି ଟାଉନଥାନାଠାରେ ଆୟୋଜିତ ଏକ ସାମ୍ବାଦିକ ସମ୍ବିଳନୀରେ ସଦର ଏସଡିପିଓ ପ୍ରଦୀପକୁମାର ସାହୁ ସୂଚନା ଦେଇଛନ୍ତି । ଆଜିର ଏହି ସାମ୍ବାଦିକ ସମ୍ବିଳନୀରେ ଆଦର୍ଶଥାନାର ଆଇଆଇସି ବିଶ୍ୱଜିତ ମନବୋଧ ଓ ଲକ୍ଷ୍ମୀ ଯୋର ଥାନାର ଆଇଆଇସି ବିନୋଦିନୀ ପ୍ରଧାନ ଉପସ୍ଥିତ ରହିଥିଲେ ।