27-Mar-2024

ବଲାଙ୍ଗୀର- ଶିଶୁ ଓ ମହିଳା ବିକାଶ ସୋସାଇଟି ତରଫରୁ ବଲାଙ୍ଗିର ସଦର ସ୍ଥିତ ଶାସ୍ତ୍ରୀନଗର ଠାରେ ଦିବ୍ୟାଙ୍ଗ ଶିଶୁମାନଙ୍କ ଆଶ୍ରା ଠାରେ ହୋଲି ଖେଳ ପାଳନ ହୋଇଯାଇଛି । ଶିଶୁ ଓ ମହିଳା ବିକାଶ ସୋସାଇଟିର (ସିଡବ୍ଲୁଡିଏସ୍‌) ର ଅଧ୍ୟକ୍ଷ ମେଜର ଡ. କଳ୍ପନା ଦାଶଙ୍କର ପ୍ରତ୍ୟକ୍ଷ ତତ୍ତ୍ୱାବଧାନ ରେ ଅନୁଷ୍ଠିତ କାର୍ଯ୍ୟକ୍ରମକୁ ଶିଶୁ ଓ ମହିଳା ବିକାଶ ସୋସାଇଟିର ସଭ୍ୟ ରାମ ନାରାୟଣ ଦାଶ ସଂଯୋଜନା କରିଥିଲେ । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସମାଜସେବୀ ଅକୁର ସାହୁ ଓ ସମ୍ମାନିତ ଅତିଥି

ଭାବରେ ଶିକ୍ଷକ ରବିଚନ୍ଦ୍ର ପଶାୟତ ଯୋଗ ଦେଇଥିଲେ । ଏହି ଅବସରରେ ଶିଶୁମାନଙ୍କ ଅବେଗ ବିକାଶ ନିମନ୍ତେ ସଂଗୀତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଅନ୍ତେବାସୀମାନଙ୍କୁ ହାତଧୁଆର ୬ଟି ସୋପାନ ପ୍ରଦର୍ଶନ ମାଧ୍ୟମରେ ବୁଝାଯାଇଥିଲା । ପରେ ଅନ୍ତେବାସୀ ମିଷ୍ଟାନ୍ନ ଓ ଦୈନନ୍ଦିନ ବ୍ୟବହୃତ ସ୍ୱଚ୍ଛତା ଉପଯୋଗୀ

ସାମଗ୍ରୀ ବଣ୍ଟନ କରାଯାଇ ସାମୟିକ ଭାବରେ ହୋଲି ଖେଳ ହୋଇଥିଲା । କାର୍ଯ୍ୟକ୍ରମରେ ଆଶ୍ରା ଅନୁଷ୍ଠାନର ମୁଖ୍ୟ ରଂଜନ ପ୍ରସାଦ ମହାନ୍ତି, ରୂପେଶ କୁମାର ସାହୁ ତଥା ଶିଶୁ ଓ ମହିଳା ସୋସାଇଟିର ସଭ୍ୟମାନେ ଉପସ୍ଥିତ ଥିଲେ । କାର୍ଯ୍ୟକ୍ରମକୁ ଶିଶୁ ଓ ମହିଳା ବିକାଶ ସୋସାଇଟିର ସଭ୍ୟ ଯଦୁମଣୀ ବଗର୍ତ୍ତି ପରିଚାଳନା କରିଥିବା ବେଳେ ବନମାଳି ମେହେର ଧନ୍ୟବାଦ ଦେଇଥିଲେ ।