07-Feb-2024

କଟକ (ପ୍ରେରଣା ଖବର ): ପ୍ରଥମ ବିଶ୍ବ ଭାଷା ସମ୍ମିଳନୀ  ଆରମ୍ଭ ହେବା ପୂର୍ବରୁ ମିଶନ ଶକ୍ତି ଓଡ଼ିଆ କବି ସମ୍ମିଳନୀ ଜିଲ୍ଲାପାଳଙ୍କ ସମ୍ମିଳନୀ ଗୃହ ରେ ଅନୁଷ୍ଠିତ ହେlଇଯାଇଛି।

ଏଥିରେ ମୁଖ୍ୟ ଅତିଥି ଭାବେ ମୁଖ୍ୟ ଉନ୍ନୟନ ଅଧିକାରୀ ସୁବାସ ଚନ୍ଦ୍ର ରାୟ ଯୋଗ ଦେଇ  ଭାଷାର ସୁରକ୍ଷା ପାଇଁ ସମସ୍ତଙ୍କର ଉଦ୍ୟମ ଆବଶ୍ୟକ ବୋଲି କହିଥିଲେ। ଜିଲ୍ଲା ସମାଜ ମଙ୍ଗଳ ଅଧିକାରୀ ଉପମା ଗନ୍ତାୟତ ଙ୍କ ପୌରହିତ ରେ ଆୟୋଜିତ କାର୍ଯ୍ୟକ୍ରମରେ ସ୍ଵୟଂ ସହାୟକ ଗୋଷ୍ଠୀ ର ସଦସ୍ୟ ମାନେ  ସ୍ୱରଚିତ କବିତା ପାଠ କରିଥିଲେ।ସେମାନଙ୍କ ମଧ୍ୟରେ

ପୁଷ୍ପାଞ୍ଜଳି ସିଂହ ପ୍ରଥମ ରଶ୍ମିତା ନାୟକ ଦ୍ଵିତୀୟ ଓ ମୀନାକ୍ଷୀ ଦାସ ଙ୍କୁ ତୃତୀୟ ଶ୍ରେଷ୍ଠ କବି ଭାବେ ବିବେଚିତ କରାଯାଇ ପୁରସ୍କୃତ କରଯାଇଥିଲା। ପ୍ରଫେସର ବିଶ୍ଵନାଥ ନାୟକ, ପ୍ରଧାନ ଶିକ୍ଷକ ଅକ୍ଷୟ କୁମାର ଷଡଙ୍ଗୀ  ଓ ଲେଖିକା ସ୍ତମ୍ଭକାର ମୀରା ବେଉରା  ବିଚାରକ ଅତିଥି ଭାବରେ ଯୋଗଦେଇ

ମୂଲ୍ୟାୟନ କରିଥିଲେ। ମିଶନ ଶକ୍ତି ର ଜିଲ୍ଲା ପ୍ରକଳ୍ପ ସଂଯୋଜିକ ସ୍ୱାଗତିକା ପରିଡା କାର୍ଯ୍ୟକ୍ରମ ସଂଯୋଜନl କରିଥିଲେ। ଅତିରିକ୍ତ ଜିଲ୍ଲା ସମାଜ ମଙ୍ଗଳ ଅଧିକାରୀ ବବିତା ଜେନା ଓ ଜିଲ୍ଲା ସଂସ୍କୃତି ଅଧିକାରୀ  ନଳିନୀ କାନ୍ତ ସାହୁ ଙ୍କ ସମେତ ସମସ୍ତ ଅଧିକାରୀ ଉପସ୍ଥିତ ଥିଲେ। ଶେଷରେ ଅତିଥି ମାନେ ମିଶନ ଶକ୍ତି ର ମହିଳାମାନେ ଆଗକୁ ଆହୁରି କିଭଳି ଭାଷାକୁ ସୁରକ୍ଷା ଦେଇ ସୁନ୍ଦର କବିତା ରଚନା କରି ପାରିବେ ସେ ସଂପର୍କରେ ଅଭିଭାଷଣ ପ୍ରଦାନ କରି ଶ୍ରେଷ୍ଠ କବି ମାନଙ୍କୁ ଉତ୍ସାହିତ କରି ପୁରସ୍କାର ପ୍ରଦାନ କରିଥିଲେ ।