06-Feb-2024

ସଇଁତଳା (ପ୍ରେରଣା ଖବର ): ପୂର୍ବ ଶତ୍ରୁତାକୁ କେନ୍ଦ୍ର କରି ସମ୍ପର୍କୀୟ ଭାଇଙ୍କ ଆକ୍ରମଣର ଶିକାର ହେଲେ ବଡ ଭାଇ l ବଡ ଭାଇ ଲହୁଲୁହାଣ ହୋଇ ହସ୍ପିଟାଲ ରେ ଭର୍ତ୍ତି ହୋଇଛନ୍ତି l ଏପରି କିଛି ଅଭାବନୀୟ ଘଟଣା ଘଟିଛି ସଇଁତଳା ଥାନା ଅନ୍ତର୍ଗତ ମଙ୍ଗଳlମୁଣ୍ଡା ଗାଁ ରେ l ସୂଚନାରୁ ପ୍ରକାଶ ଯେ, ଏହି ଗାଁ ର ଲଷ୍ମୀ ପ୍ରସାଦ ପ୍ରଧାନ (୫୫) ଘରୁ ବାହାରି ଯାଉଥିବା ସମୟରେ ଲଷ୍ମୀ ପ୍ରସାଦଙ୍କ ସମ୍ପର୍କୀୟ ଭାଇ ବିଶ୍ୱ ରାଜ ପ୍ରଧାନ ତାଙ୍କୁ ଲୁହା ରଡ଼ ରେ ମରଣାନ୍ତକ ଆକ୍ରମଣ କରି ଲହୁଲୁହାଣ କରିଦେଇଥିଲା l ଜମିବାଡି ଗଣ୍ଡଗୋଳକୁ କେନ୍ଦ୍ର କରି ଏହି ଆକ୍ରମଣ ହୋଇଥିବା ଜଣାପଡିଛି l ଆକ୍ରମଣରେ ଲଷ୍ମୀପ୍ରସାଦ ଙ୍କ ମୁଣ୍ଡରେ ଗୁରୁତର ଆଘାତ ଲାଗିଛି ଗୁରୁତର ଭାବେ ଆହତ ହୋଇଥିବା ଜଣାପଡିଛି l ଘଟଣା ପରେ ସଇଁତଳା ଥାନାରେ ଲିଖିତ ଅଭିଯୋଗ ହୋଇଥିଲେ ମଧ୍ୟ ଏ ପର୍ଯ୍ଯନ୍ତ ଆକ୍ରମଣକାରୀଙ୍କୁ ପୋଲିସ ଗିରଫ କରି ପାରି ନାହିଁ l     ଆକ୍ରମଣର ଶିକାର ହୋଇଥିବା ଲଷ୍ମୀପ୍ରସାଦ    ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲ ସର୍ଜରୀ ୱାର୍ଡରେ ଭର୍ତ୍ତି ହୋଇଛନ୍ତି  l