29-Jan-2024

ବୌଦ୍ଧ ( ପ୍ରେରଣା ଖବର ) : ବୌଦ୍ଧ ଜିଲ୍ଳା  କଣ୍ଟାମାଳ ବ୍ଲକ ଅନ୍ତର୍ଗତ ଘଣ୍ଟାପଡ଼ା  ସମଲେଶ୍ଵରୀ ସରକାରୀ ଉଚ୍ଚ ବିଦ୍ୟାଳୟ ପରିସରରେ  ଦୁଇ ଦିନ ଧରି ଚାଲିଥିବା କନିଷ୍ଠ ରେଡ଼କ୍ରସ ପ୍ରଶିକ୍ଷଣ ଶିବିର ଉଦଯାପିତ ହୋଇଯାଇଛି। ଜିଲ୍ଳା ଶିକ୍ଷା ଅଧିକାରୀ ଗେନ୍ଦ୍ରା କୁଜୁରୁଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟ ଅତିଥି କଣ୍ଟାମାଳ ବିଧାୟକ ତଥା ଜିଲ୍ଲା ଯୋଜନା ବୋର୍ଡ଼ ଅଧ୍ୟକ୍ଷ  ମହିଧର ରଣା ଓ ସମ୍ମାନୀତ ଅତିଥି ଭାବରେ ଜିଲ୍ଲା ପରିଷଦ ସଦସ୍ୟ ଶ୍ରୀମତୀ ସୁମିତ୍ରା ସାହୁ, ବୌଦ୍ଧ ଗୋଷ୍ଠୀ ଶିକ୍ଷା ଅଧିକାରୀ ଉପେନ୍ଦ୍ର ପ୍ରଧାନ, ଆୟୋଜକ କମିଟିର ସମ୍ପାଦକ ତଥା ବିଦ୍ୟାଳୟର ପ୍ରଧାନ ଶିକ୍ଷକ ପିତବାସ ପଣ୍ଡା, ଜିଲ୍ଲା ଶାରୀରିକ ଶିକ୍ଷା ଅଧିକାରୀ ଆନନ୍ଦ କୁମାର ବେହେରା, ଜିଲ୍ଲା କନିଷ୍ଠ ରେଡ଼କ୍ରସ ଅଧିକାରୀ ନବ କୁମାର ଦୀପ ସମ୍ମାନୀତ ଅତିଥି ଭାବରେ ଯୋଗଦେଇ ସ୍ୱାସ୍ଥ୍ୟ, ସେବା, ଓ ବିଶ୍ବବନ୍ଧୁତା ର ଗୁରୁତ୍ୱ ଉପରେ ଆଲୋକପାତ କରିଥିଲେ। 

ଅନୁଷ୍ଠିତ ଶିବିରରେ ନାଚ, ଗୀତ, ବକୃତା, ଆଦି ବିଭିନ୍ନ ପ୍ରତିଯୋଗୀତାରେ  କୃତି ଛାତ୍ରଛତ୍ରୀ ପ୍ରତ୍ୟାଶା ପ୍ରିୟଦର୍ଶିନୀ କୁମ୍ଭାର, ପ୍ରତିଭା ସାହୁ, ଚନ୍ଦ୍ରମା ସାହୁ, ରାନୁ ଭୋଇ, ଅନୁଭବ ମେହେର, ଅଙ୍କିତ ପ୍ରଧାନ, ରେଶ୍ମା ମାଝୀ, ପ୍ରିୟମ୍ବଦା ସାହୁ, ପ୍ରିୟଙ୍କା ଭୁକ୍ତା, ସ୍ଵସ୍ତିକ ରଣା, ଦେବାନନ୍ଦ ବିଶି ଓ ଅରୁଣ ମିଶ୍ର  ରାଜ୍ୟ ସ୍ତରୀୟ କନିଷ୍ଠ ରେଡ଼କ୍ରସ ପାଇଁ ମନୋନୀତ ହୋଇଛନ୍ତି।  ସାଧନ କର୍ମୀ ଭାବରେ ସୁବର୍ଣ୍ଣପୁର ଜିଲ୍ଲା ଜୁନିଅର୍ ରେଡକ୍ରସ୍ ଅଫିସର ରବିଚନ୍ଦ୍ର ପଶାୟତ,  ବଲାଙ୍ଗିର ଜିଲ୍ଲାର  ରେଡକ୍ରସ୍ କର୍ମୀ ରେଡକ୍ରସ୍  ରାମ ନାରାୟଣ ଦାସ, ସୁବର୍ଣ୍ଣପୁର ଜିଲ୍ଲାର ରେଡକ୍ରସ୍ କର୍ମୀ ଚନ୍ଦ୍ରମଣି ବାଘ ଓ ଚନ୍ଦ୍ରଶେଖର ମହାପାତ୍ର ଯୋଗ ଦେଇଥିଲେ ।

କଣ୍ଟାମାଳ ହାଇସ୍କୁଲ ର ଜୁନିଅର୍ ରେଡ଼କ୍ରସ୍ କାଉନସିଲର ବନମାଳୀ ମେହେର ମଞ୍ଚ ପରିଚାଳନା କରିଥିବାବେଳେ ବୌଦ୍ଧ ଜିଲ୍ଳା ଜୁନିଅର୍ ରେଡ଼କ୍ରସ୍ ଅଫିସର ନବ କିଶୋର ଦୀପ  ଧନ୍ୟବାଦ ଅର୍ପଣ କରିଥିଲେ।  ଶିବିରରେ ସ୍ଥାନୀୟ ବିଦ୍ୟାଳୟର ସମସ୍ତ  ଶିକ୍ଷକ , କର୍ମଚାରୀ ଓ ଜିଲ୍ଲାର ବିଭିନ୍ନ ବିଦ୍ୟାଳୟରୁ ଆସିଥିବା ରେଡକ୍ରସ୍ କାଉନସିଲର ଉପସ୍ଥିତ ଥିଲେ।