04-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): କଣ୍ଟାମାଳ ବ୍ଲକ ବରଗାଁ ପଞ୍ଚାୟତରେ ପ୍ରଥମ ବିଶ୍ବ ଓଡ଼ିଆ ଭାଷା ସମ୍ମିଳନୀ ଅନୁଷ୍ଠିତ ହୋଇଯାଇଛି l ସରପଞ୍ଚ ରଶ୍ମିତା ରଣାଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ  ପଞ୍ଚାୟତ ଅନ୍ତର୍ଗତ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ଯୋଗଦେଇ ବକୃତା, ରଚନା, ଚିତ୍ରାଙ୍କନ ଆଦି ପ୍ରତିଯୋଗିତାରେ ଭାଗ ନେଇଥିଲେ l

ସତ୍ୟନାରାୟଣ ବାଘ, ଶିକ୍ଷକ ପ୍ରଶାନ୍ତ ବେହେରା ଏବଂ ଗ୍ରାମ ରୋଜଗାର ସେବକ ପ୍ରେମାନନ୍ଦ ସାହୁ ବିଚାରକ ଭାବରେ ଦାୟିତ୍ୱ ତୁଲାଇ ଥିଲେ l ପ୍ରତିଯୋଗିତାର ବିଭିନ୍ନ ବିଭାଗରେ ପ୍ରଥମ ଦ୍ବିତୀୟ, ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା l କାର୍ଯ୍ୟ ନିର୍ବାହୀ ଅଧିକାରୀ ଭୂଲେଶ୍ୱର ନାଗ କାର୍ଯ୍ୟକ୍ରମକୁ ପରିଚାଳନା କରିଥିଲେ l ଯୋଗାଣ ସହାୟକ ରାଜମୋହନ ରଣା ଧନ୍ୟବାଦ ଦେଇଥିଲେ l ଅଙ୍ଗନବାଡି କର୍ମୀ, ଏମବିକେ, ସିଆରପି ସଭ୍ୟସଭ୍ୟା ଉପସ୍ଥିତ ଥିଲେ l