31-Jan-2024

ବିନିକା(ହିମାଂଶୁ ଶେଖର ପୁଟେଲ)ପ୍ରଜାମଣ୍ଡଳ ଆନ୍ଦୋଳନରେ ନେତୃତ୍ବ ନେଇ ଅଞ୍ଚଳର ପ୍ରଜାଙ୍କ ପାଇଁ ବଳିଦାନ ଦେଇଥିବା ପଶ୍ଚିମ ଓଡ଼ିଶାର ପ୍ରଥମ ତଥା ବିନିକା ମାଟିର ବିପ୍ଳବୀ ନେତ୍ରୀ ଗୁରୁବାରୀ ମେହେରଙ୍କୁ ମନେ ପକେଇବା ପାଇଁ ଆଜି ସନ୍ଧ୍ୟାରେ ବିନିକା ସହର ମହିମା ପଡ଼ା ସ୍ଥିତ ମଦନ ମୋହନ ମନ୍ଦିର କମ୍ୟୁନିତି ସେଣ୍ଟର ଠାରେ ସହିଦ ଦିବସ ପାଳିତ ହୋଇଯାଇଛି ।ଗୁରୁବାରି ମେହେର ସ୍ମୃତି କମିଟି ସଭାପତି ମାନ ଗୋବିନ୍ଦ ମେହେରଙ୍କ ଅଧ୍ୟକ୍ଷତା ଓ ହିମାଂଶୁ ଭୂଷଣ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ ସଭାରେ ଡକ୍ତର ସୁବାସ ମେହେର ମୁଖ୍ୟ ଅତିଥି,ଓଡ଼ିଶା ଗବେଷକ ଡଃ ଅନିରୁଦ୍ଧ କୁରକୁରିଆ ମୁଖ୍ୟ ବକ୍ତା,ସାମ୍ବାଦିକ ସ୍ଵାଧୀନ ମେହେର,ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ,ବିନିକା ଏନଏସି ଉପାଧ୍ୟକ୍ଷା ତପସ୍ୱିନୀ ମେହେର ସମ୍ମାନିତ ଅତିଥି ଭାବେ ଯୋଗଦେଇ ସହିଦ ଗୁରୁବାରି ମେହେରଙ୍କ ଅବଦାନ ଉପରେ ଆଲୋକପାତ କରିଥିଲେ । ପ୍ରକାଶ ଯୋଗ୍ୟ ଯେ ବ୍ରିଟିଶ ଅମଳରେ ରାଜା ରାଜୁଡ଼ା ଶାସନ ଚାଲିଥିଲା ।ମନମୁଖୀ ଭାବରେ ସାଧାରଣ ଲୋକଙ୍କ ଠୁଁ କର ଆଦାୟ କରାଯାଉଥିଲା ଯାହା ଫଳରେ ଲୋକେ କର ପୈଠ କରି ଶୋଷଣର ଶିକାର ହେଉଥିଲେ ।ପ୍ରତିବାଦ ପାଇଁ ସେତିକି ବେଳେ ପ୍ରଜା ମେଳି ଗଠନ ହୋଇଥିଲା ।ପ୍ରଜାମଣ୍ଡଳର ନେତୃତ୍ୱ ନେଇଥିଲେ ଗୁରୁବାରୀ ମେହେର ।୧୯୪୭ମସିହାରେ ଆନ୍ଦୋଳନ ଜୋର ଧରିଲା ପ୍ରତିବାଦ ପାଇଁ ପ୍ରଜା ମାନେ ଏକତ୍ରିତ ହେଲେ ।ପୋଲିସ ଥାନା ଘେରାଉ କରାଗଲା ।ହେଲେ ବ୍ରିଟିଶ ପୋଲିସ ପ୍ରଜାଙ୍କ ପ୍ରତିବାଦ କୁ ଶୁଣିଲା ନାହିଁ  ଓଲଟା ପ୍ରଜାଙ୍କ ଉପରେ ଜୁଲମ ଆରମ୍ଭ ହେଲା । ଶେଷରେ ବ୍ରିଟିଶ ପୋଲିସର ବ୍ୟାନେଟ ମାଡ଼ରେ ସେହି ବର୍ଷ ଜାନୁଆରୀ ୩୦ତାରିଖରେ ଗୁରୁବାରୀ ମେହେର ସହିଦ ହୋଇଥିଲେ ।ଅନୁଷ୍ଟିତ ସ୍ମୃତି ଦିବସରେ ଅବସରପ୍ରାପ୍ତ ଶିକ୍ଷକ ନୀଳାଚଳ ମେହେର ସ୍ଵାଗତ ଭାଷଣ,କମିଟି ସଦସ୍ୟ ସୃଜନ ପଣ୍ଡା ଅତିଥି ପରିଚୟ ପ୍ରଦାନ କରିଥିବା ବେଳେ ଶେଷରେ କମିଟି ଉପ ସଭାପତି ହିମାଂଶୁ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ l