15-Jan-2024

କଣ୍ଟାମାଳ(ଜୟ କୁମାର ମହାରଣା): କଣ୍ଟାମାଳ ବ୍ଲକ ବନ୍ଧଗୋରା ଖଡ଼ଙ୍ଗ ନଦୀ କୂଳରେ ପଞ୍ଚମ ଖଡ଼ଙ୍ଗ ଲୋକ ମହୋତ୍ସବର ତୃତୀୟ ସନ୍ଧ୍ୟାରେ ରୁକୁ ସୁନା ଙ୍କ ସମ୍ବଲପୁରୀ ସଂଗୀତ ଧମାଲରେ ହଜାର ହଜାର ଦର୍ଶକ ଝୁମିଲେ l କମିଟି ସଭାପତି ମନୋଜ ଦାଶଙ୍କ ସଭାପତିତ୍ବରେ ଅନୁଷ୍ଠିତ ସାଂସ୍କୃତିକ ସଭାରେ ମୁଖ୍ୟଅତିଥି ଭାବେ ରାଜ୍ୟ ବୟାନିକା ସଭାପତି ପ୍ରକାଶ ଚନ୍ଦ୍ର ମେହେର,ସମାଜସେବୀ ଲକ୍ଷ୍ମଣ ମେହେର ମୁଖ୍ୟବକ୍ତା ଓ ସମ୍ମାନୀତ ଅତିଥିଭାବେ ଜିଲ୍ଲା ସାମ୍ବାଦିକ ଫୋରମ ସଭାପତି ଦିବ୍ୟଶଙ୍କର ରାଉତ, ବିଜେଡି ରାଜ୍ୟ କାର୍ଯ୍ୟକାରିଣୀ ସଦସ୍ୟା ଶ୍ରଦ୍ଧାଞ୍ଜଳି ବାରିକ ରାଜ୍ୟ, ଅମ୍ବଗାଁ ସରପଞ୍ଚ ପ୍ରତିମା ରଣା, କୁଲୁତାଜୋର ସରପଞ୍ଚ ଚୁମୁକି ଭୋଇ, ନାରାୟଣ ପ୍ରସାଦ ସରପଞ୍ଚ ପ୍ରତିନିଧି ସତ୍ୟନାରାୟଣ ମାଝୀ, କଣ୍ଟାମାଳ ସରପଞ୍ଚ ଦୀପାଞ୍ଜଳି ଖଟୁଆ ,ବିଜେଡି ନେତ୍ରୀ ସୁଷମା ବେହେରା, ଅଜିତ ସାହୁ ଉପାଧ୍ୟକ୍ଷ ଫିରିଙ୍ଗିଆ ବ୍ଲକ, ଆଦିବାସୀ ନେତା  ପୀତାମ୍ବର ଭୋଇ, ସୁରଥ ମେଣ୍ଡିଲି, ରାମସିଂ ପାତ୍ର ବରିଷ୍ଠ ଆଇନଜୀବୀ ପ୍ରମୁଖ ଯୋଗଦେଇ ବକ୍ତବ୍ୟ ରଖିଥିଲେ l  ପ୍ରଶାନ୍ତ ରଣା ମଞ୍ଚ ପରିଚାଳନା କରିଥିବାବେଳେ ଅଭିରାମ ରଣା ଧନ୍ୟବାଦ ଅର୍ପଣ କରିଥିଲେ  l  କଣ୍ଟାମାଳ ବିଧାୟକ ମହୀଧର ରଣା ଉପସ୍ଥିତ ରହି କଳାକାରମାନଙ୍କୁ ଉତ୍ସାହିତ କରିଥିଲେ l ସାଂସ୍କୃତିକ କାର୍ଯ୍ୟକ୍ରମ ରେ ମୋହନଗିରି କଳାକାରଙ୍କ ସମ୍ବଲପୁରୀ ଡାଲଖାଇ ନୃତ୍ୟ

ଓ ସ୍ଥାନୀୟ ଅଞ୍ଚଳର କଳାକାର ମାନଙ୍କ ନୃତ୍ୟଗୀତ  ଅନୁଷ୍ଠିତ ହୋଇଥିଲା l ପରେ ଓଡ଼ିଶାର ସ୍ୱନାମଧନ୍ୟ ମେଲୋଡି କିଙ୍ଗ ଓ ରକଷ୍ଟାର ରୁକୁ ସୁନା ଓ ସାଥି କଳାକାରଙ୍କ ରଙ୍ଗାରଙ୍ଗ ଧମାଲ କାର୍ଯ୍ୟକ୍ରମ ସମଗ୍ର ମହୋତ୍ସବ ଅଂଚଳକୁ ଉତ୍ସବମୁଖର କରିଥିଲେ  l  ମଧ୍ୟରାତ୍ରୀ ପର୍ଯ୍ୟନ୍ତ ଲୋକେ ସାଂସ୍କୃତିକ କାର୍ଯ୍ୟକ୍ରମକୁ ମନଭରି ଉପଭୋଗ କରିଥିଲେ l କାର୍ଯ୍ୟକ୍ରମ ପରିଚାଳନାରେ ଖଡ଼ଙ୍ଗ ଲୋକ ମହୋତ୍ସବ କମିଟିର ସମସ୍ତ ସଦସ୍ୟ ସହଯୋଗ କରିଥିଲେ l