15-Jan-2024

ବିନିକା(ହିମାଂଶୁ ଶେଖର ପୁଟେଲ) ଯା ଦେବୀ ସର୍ବ ଭୂତେଷୁ ଶକ୍ତି ସ୍ୱରୂପଣୀ ନମସ୍ତେ ନମସ୍ତେ ନମୋ ନମୋ......ଜୟ ମାଁ ଦୁର୍ଗା ଧ୍ବନିରେ ସାରା ବିନିକା ସହର କମ୍ପି ଉଠିଥିଲା ।ଆଜିଠାରୁ ଆରମ୍ଭ ହୋଇଛି ଦେବୀ ଦୁର୍ଗାଙ୍କ ଭବ୍ୟ ମନ୍ଦିର ପ୍ରତିଷ୍ଠା ଉତ୍ସବ ।ବିନିକା ପୁରୁଣା ବସଷ୍ଟାଣ୍ଡ ଦୁର୍ଗାପୂଜା କମିଟି,ଅଞ୍ଚଳବାସୀ ଓ ଶ୍ରଦ୍ଧାଳୁ ଭକ୍ତଙ୍କ ସହଯୋଗରେ ନିର୍ମାଣ ହୋଇଛି ଦୁର୍ଗାଙ୍କ ଭବ୍ୟ ମନ୍ଦିର । ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମ ଚଳିତ ମାସ ୨୫ତାରିଖ ପର୍ଯ୍ୟନ୍ତ ଚାଲିବ ।ଦୀର୍ଘ ୫୨ବର୍ଷ ଧରି ମାଁ ଶକ୍ତିରୂପା ଅସ୍ଥାୟୀ ମଣ୍ଡପରେ ପୂଜା ପାଉଥିଲେ । ଏଣିକି ସ୍ଥାୟୀ ମଣ୍ଡପରେ ପୂଜା ପାଇବେ ଜଗତ ଜନନୀ ମାଁ ଦୁର୍ଗା ।ସେଥିପାଇଁ ଶ୍ରଦ୍ଧାଳୁ ଭକ୍ତ ମହଲରେ ଉତ୍ସାହର ବାତାବରଣ ସୃଷ୍ଟି କରିଛି।ପ୍ରତିଦିନ ମାଁ ଙ୍କ ଦର୍ଶନ ପାଇଁ ଭକ୍ତ ଚାତକ ପରି ଅପେକ୍ଷା କରିଛନ୍ତି ।ଆଜି

ପ୍ରତିଷ୍ଠା ଉତ୍ସବର ପ୍ରାରମ୍ଭରେ ମାଁ ଙ୍କ ମନ୍ଦିର ପ୍ରାଙ୍ଗଣରେ ଅଞ୍ଚଳର ହଜାର ହଜାର ମହିଳାଙ୍କ ସମାବେଶ ହୋଇଥିଲା ପରେ ଏକ ବିରାଟ ଶୋଭାଯାତ୍ରାରେ ପୂଜା କର୍ତାଙ୍କ ସହ ମହିଳା ମାନେ ସହର ପରିକ୍ରମା କରିଥିଲେ ।ଶୋଭାଯାତ୍ରାରେ  ଘଣ୍ଟ,ଶଙ୍ଖ,ହୁଳହୁଳି ସହ ଭକ୍ତଙ୍କ ଜୟ ଧ୍ୱନିରେ ସହର ପ୍ରକମ୍ବିତ ହୋଇଥିଲା ।ଯେଉଁ ଆଡେ ଦେଖିବ ଶ୍ରଦ୍ଧାଳୁ ଭକ୍ତଙ୍କ ଭକ୍ତିମୟ ସମାବେଶରେ ସାରା ସହର ଉତ୍ସବ ମୁଖରିତ ହୋଇ ପଡ଼ିଥିଲା । ଭକ୍ତଙ୍କ କୋଳାହଳରେ ରାସ୍ତା ଗୁଡିକରେ ଯିବା ଆସିବା କରୁଥିବା ଯାନ ବାହନ କିଛି ସମୟ ପାଇଁ ଅଟକି ରହିଥିଲା ।କଳସ ଧରି ଶୋଭାଯାତ୍ରା କାରି ମନ୍ଦିରକୁ ପହଞ୍ଚିବା ପରେ ରୀତିନୀତି ଅନୁଯାୟୀ ପୂଜକ ମାନଙ୍କ ଦ୍ଵାରା ପୂଜାର୍ଚ୍ଚନା କରାଯାଇ ମଣ୍ଡପରେ କଳସ ସ୍ଥାପନ କରାଯାଇଥିଲା ।