09-Jan-2024

(ମିହିର ଶଙ୍କର ପାତ୍ର,)
 ନବରଙ୍ଗପୁର:ଡାବୁଗାଁ ଥାନା ସଦର ପାତ୍ର ସାହି ନିକଟ ରେ ଥିବା ଅର୍ଥ ଲଗାଣ କାରି ବେସରକାରୀ ସଂସ୍ଥା ବନ୍ଧନ ବ୍ୟାଙ୍କ ର ବ୍ୟାଙ୍କ ମେନେଜର  ବେକରେ ରଶି ଦେଇ ଆତ୍ମହତ୍ୟା କରିଛନ୍ତି। ମୃତ ବ୍ୟାଙ୍କ ମେନେଜର କଳାହାଣ୍ଡି ଜିଲ୍ଲା କେଗାଁ ଥାନା ଅନ୍ତର୍ଗତ କାନ୍ଦୁଲ ଝର ଗ୍ରାମ ର ନୀଳାମ୍ବର ଜୁଆଡ ( ୨୫) ବୋଲି ଜଣା ପଡିଛି। ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ଘଟଣା ସ୍ଥଳରେ ଡାବୁଗାଁ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ସୂଚନା ଅନୁଯାୟୀ ଡାବୁଗାଁ ସଦର ପାତ୍ର ସାହି ନିକଟ ଏକ ଗୃହରେ ୬ ମାସ ତଳେ ଏକ ଅର୍ଥ ଲଗାଣ କାରୀ ବେସରକାରୀ ସଂସ୍ଥା ବନ୍ଧନ ବ୍ୟାଙ୍କ ଖୋଲି ବ୍ୟବସାୟ ଆରମ୍ଭ କରିଥିଲା। ଏ ଅଞ୍ଚଳ ର ବିଭିନ୍ନ ଗ୍ରାମରେ ଗ୍ରୁପ ମାଧ୍ୟମରେ ମହିଳା ମାନଙ୍କୁ ଲୋନ ଦିଆଯାଇ ସପ୍ତାହ ରେ ଲୋନ ଆଦାୟ କରାଯାଉଥିଲା। ଏହି ବନ୍ଧନ ବ୍ୟାଙ୍କ ର ବ୍ୟାଙ୍କ ମ୍ୟାନେଜର ଭାବେ କଳାହାଣ୍ଡି ଜିଲ୍ଲା କେଗାଁ ଥାନା ଅନ୍ତର୍ଗତ କାନ୍ଦୁଲ ଝର ଗ୍ରାମ ର ନୀଳାମ୍ବର ଜୁଆଡ (୨୫) କାର୍ଯ୍ୟ କରୁଥିଲେ । ସାଥିରେ ଉମରକୋଟ ଥାନା ବୁର୍ଜା ନିକଟ ପୂଜାରୀ ଗୁଡା ଗ୍ରାମ ର ରାମଧର ଭତରା ରିଲେସନ ଶିପ ଅଫିସର ଭାବେ କାର୍ଯ୍ୟ କରି ମିଳିତ ଭାବେ ଅଫିସ ରେ ରହୁଥିଲେ। ତେବେ ରିଲେସନ ସିପ ଅଫିସର ରାମଧର ଭତରା ନିକଟ ବରିପଦର ଗ୍ରାମ ଯାଇ ଅର୍ଥ ଆଦାୟ ପରେ ଦିନ ୧ ଘଣ୍ଟ ସମୟରେ କାର୍ଯ୍ୟାଳୟ କୁ ଫେରିଥିଲେ। ତେବେ କାର୍ଯ୍ୟାଳୟ ମଧ୍ୟରେ ବ୍ୟାଙ୍କ ମେନେଜର ବେକରେ ରଶି ଦେଇ ଆତ୍ମହତ୍ୟା କରିଥିବା ଦେଖିଥିଲେ। ଏ ନେଇ ରାମଧର ଭତରା ଡାବୁଗାଁ ଥାନାରେ ଖବର ଦେଇଥିଲେ। ଖବର  ପାଇ ଡାବୁଗାଁ  ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ। ନୀଳାମ୍ବର ଜୁଆଡ ଙ୍କ ମୃତ୍ୟୁ ଖବର ଶୁଣି ପରିବାର ଲୋକେ   କଳାହାଣ୍ଡି ରୁ ଡାବୁଗାଁ ପହଞ୍ଚି ଥିବା ବେଳେ ଆଜି ଶବ ବ୍ୟେବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଗଲା । ତେବେ ଅର୍ଥ ଲଗାଣ କାରୀ ବେସରକାରୀ ସଂସ୍ଥା  ର ବ୍ୟାଙ୍କ  ମେନେଜର ନୀଳାମ୍ବର ଜୁଆଡ ଙ୍କ ଏଭଳି ଅକସ୍ମାତ ଆତ୍ମହତ୍ୟା ର କାରଣ ଅସ୍ପଷ୍ଟ ରହିଛି। ପୋଲିସ ର ତଦନ୍ତ ଜାରି ରହିଛି ଏବଂ ପୋଲିସ ର ତଦନ୍ତ ପରେ ପ୍ରକୃତ ଘଟଣା ଟି ଜଣା ପଡିବ।