04-Jan-2024

ତୁଷୁରା(ପଞ୍ଚାନନ ନାଏକ )ବଲାଙ୍ଗୀର ଜିଲ୍ଲା ଗୁଡଭେଲା ବ୍ଳକ ଅନ୍ତର୍ଗତ ଜାମୁଟ ସରକାରୀ ଉଚ୍ଚ ବିଦ୍ୟାଳୟର ଅତିରିକ୍ତ ଶ୍ରେଣୀ ଗୃହ ସଂପୂର୍ଣ୍ଣକରଣ ଦାବିରେ ପୁରାତନ ଛାତ୍ର ସଂଘ ପକ୍ଷରୁ  ସ୍କୁଲ ମୁଖ୍ୟ ଗେଟ୍ କୁ ତାଳା ଦେଇ ଧାରଣ ଦେଇଥିବା ସୂଚନା ମିଳିଛି ।ପ୍ରକାଶ ଯେ ଜାମୁଟ ସରକାରୀ ଉଚ୍ଚ ବିଦ୍ୟାଳୟରେ ନବମ ଓ ଦଶମ ଶ୍ରେଣୀରେ ମୋଟ ୧୮୭ ଜଣ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ହେଲେ ଆବଶ୍ୟକ ଅନୁସାରେ ଶ୍ରେଣୀ କୋଠରୀ ନଥିବାରୁ ଛାତ୍ରଛାତ୍ରୀମାନେ ଅଧ୍ୟୟନ କରିବାରେ ଅନେକ ଅସୁବିଧା ସମ୍ମୁଖୀନ ହେଉଛନ୍ତି । ଯାହା

ଦ୍ୱାରା  ଗତ ୨୦୨୨-୨୩ ଆର୍ଥିକ ବର୍ଷରେ ରାମସା ମାଧ୍ୟମରେ ଟ- ୯.୫ ଲକ୍ଷ୍ୟରେ ଅତିରିକ୍ତ ଶ୍ରେଣୀ ଗୃହ କୋଠରୀ ର ନିର୍ମାଣ ପଞ୍ଚାୟତ ସମିତି,ଗୁଡଭେଲା ଦ୍ବାରା ଗତ ମାର୍ଚ୍ଚ ୨୦୨୩ ରେ ଆରମ୍ଭ ହୋଇ ଏପର୍ଯ୍ୟନ୍ତ ଅର୍ଦ୍ଧନିର୍ମିତ ଅବସ୍ଥାରେ ପଡ଼ିଅଛି । କାର୍ଯ୍ୟ ସଂପୂର୍ଣ୍ଣ ନିମନ୍ତେ ପୁରାତନ ଛାତ୍ର ସଂଘ ତରଫରୁ ବାରମ୍ବାର ବ୍ଲକ ପ୍ରଶାସନ ଙ୍କୁ ଲିଖିତ ଦୃଷ୍ଟି ଆକର୍ଷଣ କରିବା ସତ୍ତ୍ୱେ ଅନୁଦାନ ଥାଇ ମଧ୍ୟ କାର୍ଯ୍ୟ ସଂପୂର୍ଣ୍ଣ କରାଯାଉ ନାହିଁ ଯାହା ଫଳରେ ବିଦ୍ୟାଳୟ ର ଛାତ୍ର ଛାତ୍ରୀ ମାନଙ୍କ ର ଶୈକ୍ଷିକ କାର୍ଯ୍ୟ ରେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି । ଯାହା ଦ୍ୱାରା ଗତ ୨୧ ଡିସେମ୍ବର ମଧ୍ୟ ୩୧ ତାରିଖ ସୁଦ୍ଧା କାମ ଆରମ୍ଭ କରି ଯଥାଶୀଘ୍ର ସଂପୂର୍ଣ୍ଣ କରିବା ଯାଉ ନଚେତ ଜାନୁଆରୀ ୩ ତାରିଖରେ ସ୍କୁଲ ଫାଟକରେ ତାଳା ଦେଇ ଧାରଣ ଦେବାକୁ ଗୁଡଭେଲା ବିଡ଼ିଓଙ୍କୁ ଲିଖିତ ଭାବରେ ଜଣାଇଥିଲେ ମଧ୍ୟ ବ୍ଳକ ପ୍ରଶାସନର କୌଣସି ଧ୍ୟାନ ନ ଦେବାରୁ ବାଧ୍ୟ ହୋଇ ପୁରାତନ ଛାତ୍ର ସଂଘ ପକ୍ଷରୁ ବୁଧବାର ଦିନ  ବିଦ୍ୟାଳୟ ମୁଖ୍ୟ ଗେଟକୁ  ତାଳା ଦେଇ ଧାରଣ ଦେଇଥିବା ସଂଘ ପକ୍ଷରୁ ସୂଚନା ମିଳିଛି । ଏହାର ପରେ ଗୁଡଭେଲା ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ରାମେଶ ସମାର୍ଥ ଓ ସିଆର୍ସିସି ସମୀର ପଧାନ ଆସି ବୁଝାସୁଝା କରିଥିଲେ ମଧ୍ୟ ଆନ୍ଦୋଳନ କରି ଧାରଣ ଓହରି ନଥିଲେ ।

ଏହାପରେ ଗୋଷ୍ଠୀ ଶିକ୍ଷା ଅଧିକାରୀ ଋଷିଆ ମେହେର ଓ ସହକାରୀ ଯନ୍ତ୍ରୀ ଅମିତ ମୁର୍ମୁ ଆସି ଅନ୍ୟ ଯନ୍ତ୍ରୀଙ୍କୁ କାମର ଦାଇତ୍ଵ ଦେଇ ଆସନ୍ତା କାଳିଠୁ କାମ ଆରମ୍ଭ କରି ୨ ମାସ ମଧ୍ୟରେ କାମ ଶେଷ କରିବା ପାଇଁ ଲେଖିତ ପ୍ରତିଶ୍ରୁତି ଦେବା ପରେ ସାଢେ ୧୨ଟା ଧାରଣା ଓହରିଥିଲେ ।

ଧାରଣରେ ପୁରାତନ ଛାତ୍ର ସଂଘସଭାପତି ହେମନ୍ତ ମହାକୁର, ସମ୍ପାଦକ ମହେନ୍ଦ୍ର ନନ୍ଦ,ସଦସ୍ୟ ସମ୍ବିତ ଭୋଇ,ୱାରଫ ଖାଁ,କୁବେର ବେହେରା, ଅମିତ ଖାଁ,ଇରିସାତ ଖାଁ,ଆଶିଷ ବେହେରା, ପିଣ୍ଟୁ ବେହେରା ,ନଜିବୁଲ୍ଲା ଖାଁ,ଦୁର୍ଯ୍ୟୋଧନ ମୁଦୁଲି, ରିକେଶ ମୁଦୁଲି, ସିଦ୍ଧାନ୍ତ ଘିଭେଲା,ରିପୁନ ମହାକୁର,ନୂଆଖାଇ ରଣା,କୁନା ମାଝୀ, କାହ୍ନୁ ମାଝୀ,ଜତନ ରଣା,ଗୌତମ ବେହେରା, ସୁଚିବନ୍ତ ମୁଦୁଲି ପ୍ରମୁଖ ସାମିଲ ହୋଇଥିଲେ ।