04-Jan-2024

କଳାହାଣ୍ଡି,କୋକସରା (ତ୍ରିନାଥ ବେଶ୍ରା )
 କଳାହାଣ୍ଡି ଜିଲ୍ଲା ର କେସିଙ୍ଗା ବ୍ଲକ, ଲାଞ୍ଜିଗଡ଼ ବ୍ଲକ ଠାରେ ଦେଶ ର ପ୍ରଥମ ମହିଳା ଶିକ୍ଷୟତ୍ରୀ ସାବିତ୍ରୀ ବାଇ ଫୁଲେ ଙ୍କ ଜନ୍ମ ଜୟନ୍ତୀ ପାଳନ କରୁଥିବାବେଳେ,କୋକସରା ବ୍ଲକ୍ ଅନ୍ତର୍ଗତ ଖୁଣ୍ଟିଆ ମିଶନ ଶକ୍ତି ଗୃହ ପରିସରରେ ସାବିତ୍ରୀ ବାଇ ଫୁଳେଙ୍କ ୧୯୩ ତମ ଜନ୍ମ ଜୟନ୍ତୀ ପାଳିତ ହୋଇଥିବା ଦେଖିବାକୁ ମିଳିଛି । ଏଠାରେ ନାଗରିକ ବିକାଶ ସଙ୍ଗଠନ କୋକସରା ଓ ଖୁଣ୍ଟିଆ ମିଶନ ଶକ୍ତି ମହିଳାମାନଙ୍କ ଉଦ୍ୟମ କ୍ରମେ ଆୟୋଜିତ ହୋଇଥିବା ଏହି ଜନ୍ମ ଜୟନ୍ତୀ ପାଳନରେ ମୁଖ୍ୟ ଅତିଥି ଭାବେ ଖୁଣ୍ଟିଆ ଗ୍ରାମ ପଞ୍ଚାୟତ ସରପଞ୍ଚ ଶ୍ରୀମତୀ ମାଧବୀ ଧରୁଆ ଯୋଗଦାନ କରି ଥିବା ବେଳେ ସମ୍ମାନୀତ ଅତିଥି ଭାବରେ ଖୁଣ୍ଟିଆ ଗ୍ରାମ ପଞ୍ଚାୟତର  ପୂର୍ବତନ ସରପଞ୍ଚ ତଥା ମିଶନ ଶକ୍ତିର ଗ୍ରାମ ପଞ୍ଚାୟତ ସ୍ତରୀୟ ସଭାପତି ଶ୍ରୀମତୀ ପଙ୍କଜିନୀ ମେହେର, ସ୍ୱୟଂ ସହାୟକ ଗୋଷ୍ଠୀ ସଭା ନେତ୍ରୀ ସୁଶୀଳା ନାଏକ, କଳିଙ୍ଗ 24 ନିଉଜ୍ ସାମ୍ୱାଦିକ ରୁପେନ୍ଦ୍ର ସୁନାନୀ , ଖୁଣ୍ଟିଆ ଉପ ସ୍ବାସ୍ଥ୍ୟ କେନ୍ଦ୍ର - ସ୍ବାସ୍ଥ୍ୟ କର୍ମୀ ସୁକାନ୍ତି ଦେବୀ ଯୋଗଦାନ କରିଥିଲେ। କାର୍ଯ୍ୟକ୍ରମର ପ୍ରାରମ୍ଭରେ ସମସ୍ତ ଅତିଥି ସାବିତ୍ରୀ ବାଇ ଫୁଲେ ଓ ଆମ୍ବେଦକରଙ୍କ ଫଟୋ ଚିତ୍ରରେ ପୁଷ୍ପ ମାଲ୍ୟ ଦେଇ ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ। ତା ପରେ ପରେ ଭାରତର ପ୍ରଥମ ନାରୀ ଶିକ୍ଷୟିତ୍ରୀ ସାବିତ୍ରୀ ବାଇଙ୍କ ଜୀବନୀ ଓ ନାରୀ ଶିକ୍ଷା ,ନାରୀ ମାନଙ୍କ ଅଧିକାର ପାଇଁ ଥିବା ତାଙ୍କ ଉତ୍ସର୍ଗୀକୃତ କାର୍ଯ୍ୟକଳାପ ଉପରେ ଉପସ୍ଥିତ ଥିବା ଅତିଥି ମାନେ ନିଜ ନିଜ ବକ୍ତବ୍ୟରେ ପରିପ୍ରକାଶ କରିଥିଲେ। ତତ୍ ସହିତ ସମସ୍ତେ ସାବିତ୍ରୀ ବାଇ ଫୁଲେଙ୍କ ଆଦର୍ଶରେ ଅନୁପ୍ରାଣୀତ ହୋଇ ସମାଜ ପାଇଁ ଜୀବନରେ କିଛି କରିଯିବାକୁ ଅତିଥି ମାନେ ସମସ୍ତଙ୍କୁ ଅବଗତ କରିଥିଲେ । ପାଲିତ ହୋଇଥିବା ଏହି ଜନ୍ମ ଜୟନ୍ତୀକୁ  ସଙ୍ଗଠନର ଓମେନ୍ ଫେଡରେସନ ମେନେଜର କଲ୍ୟାଣୀ ଦାସ ଓ ବ୍ଲକ୍ ସଂଯୋଜକ ଉପେନ୍ଦ୍ର ସୁନାନୀ,ମୁକ୍ତା ଠାକୁର, ପ୍ରେମସିଲା ପାଣିଗ୍ରାହି, ବୀଣାପାଣି ସୁନାନି, ଟିକେମଣି ସୁନାନୀ, ଗୀତାଞ୍ଜଳି ଗୋପାଲ, କେତକୀ ମେହେର, ରୋହିତା ପଟ୍ଟନାୟକ ପରିଚାଳନାରେ ସହଯୋଗ କରିଥିଲେ।