29-Dec-2023

ମୁରିବାହାଲ(ସୁଦାମ ଚରଣ ବଘାର ): ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ବିରାଟ ଧନୁଯାତ୍ରା ମହୋତ୍ସବ ଉଦଘାଟନ ହୋଇଯାଇଛି l ପଞ୍ଚମ ବର୍ଷ ପାଇଁ ଅନୁଷ୍ଠିତ ହୋଇଥିବା ଏହି ଧନୁଯାତ୍ରା ମହୋତ୍ସବ ରେ ଏହି ବର୍ଷ ଅତି ଯାକଜାମକ ରେ ଉଦ୍ଘାଟନୀ ହୋଇଛି l ମୁରିବାହାଲ ଧନୁଯାତ୍ରା କମିଟି ସଭାପତି ଶ୍ରୀବତ୍ସ ବେହେରା ଙ୍କ ସଭାପତିତ୍ୱ ରେ ଅନୁଷ୍ଠିତ ଏହି ଉଦ୍ଘାଟନୀ ସମାରୋହରେ ମୁଖ୍ୟ ଅତିଥି ଭାବରେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ଓ ସମ୍ମାନିତ ଅତିଥି ଭାବରେ କଣ୍ଟାବାଞ୍ଜି ଏସ. ଡ଼ି. ପି. ଓ ଗୌରାଙ୍ଗ ସାହୁ, ମୁରିବାହାଲ ତହସିଲଦାର ଆୟୁବ ମଣ୍ଡଳ, ମୁରିବାହାଲ ବନଖଣ୍ଡ ଅଧିକାରୀ ନୀଳାଦ୍ରି ଭୋଇ,ମୁରିବାହାଲ ଵି.ଇ.ଓ ଶାନ୍ତନୁ ପଢିଆରି,ଯୁକ୍ତ ଦୁଇ ପ୍ରିନସିପାଲ ରମେଶ ମହାନନ୍ଦ ଯୋଗଦେଇ ଏହି କାର୍ଯ୍ୟକ୍ରମ କୁ ଉଦଘାଟନ କରିଥିଲେ l ଏହି କାର୍ଯ୍ୟକ୍ରମ ରେ ବିଶିଷ୍ଟ କଳାକାର ଯୁଗଳ କିଶୋର ସାହୁ ଙ୍କୁ ସମ୍ବର୍ଦ୍ଧନା କରାଯାଇ ଥିଲା l ଏହି ଦିବସରେ ପ୍ରଥମେ ଏକ ମଶାଲ ଯାତ୍ରା ରାଧାକୃଷ୍ଣ ମନ୍ଦିରରୁ ଆରମ୍ଭ ହୋଇ ସ୍ୱାମୀ ବିବେକାନନ୍ଦ ଛକ ଦେଇ ହେଇ ମୁରିବାହାଲ ବଜାର ଅରିକ୍ରମ କରି ଧନୁଯାତ୍ରା ପଡିଆ କୁ ପହଂଚି ଥିଲା ଏହି ମଶାଲ ଯାତ୍ରା ରେ ଧନୁଯାତ୍ରା କମିଟି ର ତରୁଣ ପୋଢ଼ ଓ ଚିନ୍ତାମଣି ମହାରଣା ମଶାଲ ପୂଜନରେ ଉପସ୍ଥିତ ଥିଲେ ଏହା ସହିତ ମଞ୍ଚ ପୂଜନରେ କର୍ତା ଭାବରେ ଚିନ୍ତାମଣି ମହାରଣା ଓ ପୂଜକ କାଶୀନାଥ ଦାସ ଉପସ୍ଥିତ ଥିଲେ l ସହଯୋଗ ରେ ଉପସଭାପତି ଲଷ୍ମୀକାନ୍ତ ଧାରୁଆ, ଶ୍ୟାମସୁନ୍ଦର ଝାଙ୍କର, କୋଷାଦକ୍ଷ ପଦ୍ମଲୋଚନ ସାହୁ, ସମ୍ପାଦକ ତରୁଣ ପୋଢ଼, ସଂଯୋଜକ ସୁଧାଂଶୁ ଶେଖର ପୋଢ଼, କାର୍ଯ୍ୟକାରୀ ସଭାପତି ରାଜୀବ ମହାନ୍ତି ପ୍ରମୁଖ ମଞ୍ଚ ରେ ସହଯୋଗ କରିଥିଲେ ଲ ପ୍ରଥମ ଦିନରେ ଗୋପପୁର ବାନ୍ଧବହାଲ ଓ ମୁରିବାହାଲ ରେ ଅନେକ ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ମିନାବଜାର ଓ ବିଭିନ୍ନ ସାଂକୃତିକ କାର୍ଯ୍ୟକ୍ରମ ଯୋଗୁଁ ପ୍ରବଳ ଲୋକଙ୍କ ଭିଡ ଦେଖିବାକୁ ମିଳିଥିଲା l