28-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): କଣ୍ଟାମାଳ ବ୍ଲକ ଖମନମୁଣ୍ଡା ପଞ୍ଚାୟତ ଅନ୍ତର୍ଗତ ଦେଓଗାଁ ଖେଳ ପଡିଆରେ ପାଞ୍ଚଦିନ ଧରି ଚାଲିଥିବା ୧୦ମ ମାଁ କନ୍ଧେନବୁଢି କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି l ଟୁର୍ଣ୍ଣାମେଣ୍ଟର ଅନ୍ତିମ ଖେଳ ବନ୍ଧଗୋରା ଓ ଜାମୁଟ ଦଳ ମଧ୍ୟରେ ଅନୁଷ୍ଠିତ ହୋଇଥିଲା l ବନ୍ଧଗୋରା ଦଳ ଟସ ଜିଣି ବ୍ୟାଟିଂ ଆରମ୍ଭ କରିଥଲା ଏବଂ ନିର୍ଦ୍ଧାରିତ ୬ ଓଭର ଖେଳରେ ୪ ୱିକେଟ୍ ହରାଇ ୧୦୦ ରନ ସଂଗ୍ରହ କରିଥିଲା l ଜବାବରେ ଜାମୁଟ ଦଳ ନିର୍ଦ୍ଧାରିତ ଓଭରରେ ୪ ୱିକେଟ୍ ହରାଇ ୬୦ ରନ ସଂଗ୍ରହ ପୂର୍ବକ ପରାଜିତ ହୋଇଥିଲା l କୁନା କହଁର ଓ ସଦାନନ୍ଦ ଭୋଇ ଖେଳ ପରିଚାଳନା କରିଥିଲେ l ନରୋତ୍ତମ ନାଗ ସ୍କୋରର ଏବଂ ରାମଦାସ ରଣା ଖେଳର ଧାରାବିବରଣୀ ପ୍ରଦାନ କରିଥିଲେ l ଆଜିର ଖେଳରେ କଣ୍ଟାମାଳ ବିଧାୟକ ମହୀଧର ରଣା ମୁଖ୍ୟଅତିଥି ଏବଂ ସମାଜସେବୀ ସମାରୁ ରଣା, ନାରାୟଣପ୍ରସାଦ ସରପଞ୍ଚ ପ୍ରତିନିଧି ସତ୍ୟନାରାୟଣ ମାଝୀ, ଆଦିବାସୀ ନେତା ନୀଳାଞ୍ଚଳ ଭୋଇ, ଶିକ୍ଷକ ଗୋବର୍ଦ୍ଧନ ପ୍ରଧାନ, ଖମନମୁଣ୍ଡା ସମିତି ସଭ୍ୟା ପ୍ରତିନିଧି ରବି ମହାନନ୍ଦ, ସମାଜସେବୀ ରସୁଲ ଖାଁ, ସାମ୍ବାଦିକ ବଂଶୀଧର ମାଝୀ, ଆଦିବାସୀ ନେତା ବିବଛ ଭୋଇ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ l ବନ୍ଧଗୋରା ଦଳକୁ ଚାମ୍ପିଅନ ଓ ଜାମୁଟ ଦଳକୁ ଉପବିଜେତା ଭାବେ ଅତିଥି ମାନଙ୍କ ଦ୍ୱାରା ଟ୍ରଫି ସହିତ ଅର୍ଥରାଶି ପ୍ରଦାନ କରାଯାଇଥିଲା l ରବିନ୍ଦ୍ର କହଁର, ତପେଶ୍ୱର ବାଘ, ସତ୍ୟନାରାୟଣ ଘିଭେଲା, ଯଶୋବନ୍ତ ମେଣ୍ଡିଲି, ବିକାଶ ବାଘ ଏବଂ କନ୍ଧେନବୁଢି କ୍ରିକେଟ କ୍ଲବର ସମସ୍ତ ସଦସ୍ୟ ଖେଳ ପରିଚାଳନାରେ ସହଯୋଗ କରିଥିଲେ l