28-Dec-2023

ବଲାଙ୍ଗୀର(ଚିତ୍ରସେନ ବେହେରା) -ବଲାଙ୍ଗୀର କଳିଙ୍ଗଇନଷ୍ଟିଚ୍ୟୁଟ ଅଫ ସୋସିଆଲ ସାଇନ୍ସ(କିସ୍‌) ପରିସରରେ ଗତ ୫ଦିନ ଧରି ଚାଲିଥିବା ଦ୍ୱିତୀୟ ସର୍ବଭାରତୀୟ ବଲାଙ୍ଗୀର ଓପନ ଫିଡେ ରେଟିଂ ଚେସ ପ୍ରତିଯୋଗୀତା ଆଜି ଉଦଯାପିତ ହୋଇଯାଇଛି । ଉଦଯାପନୀ ଉତ୍ସବରେ  ମୁଖ୍ୟଅତିଥି ଭାବରେ ବଲାଙ୍ଗୀର ଲୋକସଭା ସାଂସଦ ସଂଗୀତାକୁମାରୀ ସିଂଦେଓ ଯୋଗଦେଇ ବିଜୟୀ ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ । କିସର ପ୍ରମୋଦ ସାହୁ,ଜିଲ୍ଲା ଚେସ ଏସୋସିଏସନର ସଭାପତି ଶୁକଦେବ ଗୁରୁ ଓ ସଂପାଦକ ପ୍ରୀୟବ୍ରତ ପଣ୍ଡା ମଞ୍ଚାସୀନ ଥିଲେ । ଏହି ପ୍ରତିଯୋଗୀତାରେ ତପନ ବଡମୁଣ୍ଡି(ପ୍ରଥମ),ଆହିଲ ପାତ୍ର(ଦ୍ୱିତୀୟ) ଓ  ନୀଲସୁ ପଟ୍ଟନାୟକ ତୃତୀୟସ୍ଥାନ ଅଧିକାର କରି ପୁରସ୍କୃତ ହୋଇଥିଲେ । ବଲାଙ୍ଗୀରର ବିରଞ୍ଚି ସାହୁ,ସୁଶୀଳ ତ୍ରୀପାଠୀ,କମ୍ବୁପାଣୀ ପୂଜାହାରୀ,ଶ୍ରେୟସ ପାଣିଗ୍ରାହୀ,ଧରୀତ୍ରୀ ପଣ୍ଡା ନିଜ ନିଜ ବର୍ଗରେ ପୁରସ୍କୃତ ହୋଇଥିଲେ ।

କ୍ଷୀରୋଦ୍ର ଦଳାଇ,କରୁଣାକର ପାତ୍ର,ରାକେଶ ପାଣିଗ୍ରାହୀ,ଶେଷଦେବ ନାଏକ,ଅମିତ ତ୍ରୀପାଠୀ,ସୁଶିଳ ତ୍ରୀପାଠୀ,କମ୍ବୁପାଣୀ ପୂଜାହାରୀ,ଗୋବିନ୍ଦଚନ୍ଦ୍ର ସାହୁ,ସସ୍ମିତା ପଣ୍ଡା ପ୍ରମୁଖ ପ୍ରତିଯୋଗୀତାରେ ସହଯୋଗ କରିଥିଲେ । ସୁରେଶଚନ୍ଦ୍ର ସାହୁ ମୁଖ୍ୟଅର୍ବିଟର ଭବେଶ ମହାନ୍ତି,ସନ୍ତୋଷ ମହାପାତ୍ର,କ୍ଷିରୋଦ ଦଳାଇ,ଦେବେନ୍ଦ୍ର ଯୋଷୀ,ବିଷ୍ଣୁ ପୁରୋହିତ ଆର୍ବିଟର ଦାୟିତ୍ୱ ତୁଲାଇଥିଲେ । ଗତ ୨୩ ତାରିଖରେ ଏହି ଟୁର୍ଣ୍ଣାମେଣ୍ଟକୁ ପୂର୍ବତନସାଂସଦ ତଥା ରାଜ୍ୟ ହାଉସିଂବୋର୍ଡ ଅଧ୍ୟକ୍ଷ କଳିକେଶନାରାୟଣ ସିଂଦେଓ ଉଦଘାଟନ କରିଥିଲେ । ରାଜ୍ୟର ବିଭିନ୍ନ ଅଞ୍ଚଳରୁ ଚେସ ଖେଳାଳୀ ଆସି ଏହି ଟୁର୍ଣ୍ଣାମେଣ୍ଟରେ ଯୋଗଦାନ କରିଥିଲେ ।