27-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ )ବୌଦ୍ଧ ଜିଲ୍ଲା କଣ୍ଟାମାଳ -ମନମୁଣ୍ଡା 41ନଂ ରାଜ୍ୟ ରାଜପଥର ପଲସାଗୋରା ଠାରେ ଧାନବିକ୍ରୀ ସମସ୍ୟା କୁ ନେଇ ବୁଧବାର ସକାଳ6ଟା ଠାରୁ ଶତାଧିକ ଚାଷୀ ରାଜପଥ ଅବରୋଧ କରି ରାସ୍ତା ଉପରେ ଧାରଣାରେ ବସିଛନ୍ତି |  ସୂଚନା ଅନୁସାରେ ବ୍ଲକର ଲୋକାପଡ଼ା ଓ ରୁଣ୍ଡିମହୁଲ ସେବା ସମବାୟ ସମିତି ର ଶତାଧିକ ଚାଷୀ ଖରିଫ ଧାନ ବିକ୍ରୀ କରିବା ପାଇଁ ସରକାରଙ୍କ ନୀୟମ ଅନୁସାରେ ଅନଲାଇନ ମାଧ୍ୟମରେ ପଞ୍ଜିକରଣ

କରିଥିଲେ  l   ତେବେ ଅନଲାଇନ ରେ ପଞ୍ଜିକରଣ କରିଥିବା ଚାଷୀମାନଙ୍କ ମଧ୍ୟରୁ କିଛି ଚାଷୀଙ୍କ ଟୋକନ ଆସିଥିଲେ ହେଁ ଅଧିକାଂଶ ପଞ୍ଜିକୃତ ଚାଷୀ ଧାନ ବିକ୍ରୀ କରିବା ପାଇଁ ଟୋକନ ପାଇନଥିଲେ |ଟୋକନ ନପାଇବାରୁ ଏ ବିଷୟରେ ଚାଷୀମାନେ ବିଭାଗୀୟ ଅଧିକାରୀଙ୍କୁ ଲିଖିତ ଭାବେ ଜଣାଇଥିଲେ l   ଅଭିଯୋଗ ପରେ ଚାଷୀ ମାନଙ୍କ ସମସ୍ୟାର ସମାଧାନ ପାଇଁ ବିଭାଗୀୟ ଅଧିକାରୀମାନେ କର୍ଣ୍ଣପାତ ନ କରିବାରୁ ଶେଷରେ ବାଧ୍ୟ ହୋଇ ଚାଷୀମାନେ ମଙ୍ଗଳବାର ସନ୍ଧ୍ୟାରେ ଏକ ବୈଠକ କରି ବୁଧବାର ଭୋର ସକାଳୁ ପଲଶାଗୋରା ହାଇସ୍କୁଲ ଛକ ଠାରେ ରାସ୍ତାରେ ଧାନବସ୍ତା ପକାଇ ରାସ୍ତାରୋକ କରିଥିଲେ |ପରେ ଲୋକାପଡ଼ା ସେବା ସମବାୟ ସମିତିର ସମ୍ପାଦକ ନିର୍ମଳ ବିଶ୍ବାଳ ଓ କର୍ମଚାରୀ ଧାରଣା ସ୍ଥଳରେ ପହଞ୍ଚି ବିକ୍ଷୋଭକାରି ଚାଷୀମାନଙ୍କ ସହ ଆଲୋଚନା କାରିଥିଲେ  l ତେବେ କୌଣସି ଜିଲ୍ଲା ଅଧିକାରୀ ନ ଆସିବା ପର୍ଯ୍ୟନ୍ତ ରାସ୍ତାରୋକ ରୁ 

ହଟିବୁ ନାହିଁ ବୋଲି ଆନ୍ଦୋଳନକାରୀ ମାନେ ଜିଦ ରେ ଅଟଳ ଥିଲେ l  ପରେ ଘଟଣା ସ୍ଥଳରେ ଏଆରସିଏସ ହାଡିବନ୍ଧୁ ମହାକୁଡ଼ ଓ ଅତିରିକ୍ତ ଜିଲ୍ଲା ଯୋଗାଣ ଅଧିକାରୀ ଜାନକୀ ସିଂ ପହଞ୍ଚି କଲ୍ୟାଣ ମଣ୍ଡପ ଠାରେ ଚାଷୀ ମାନଙ୍କ ସହ ଆଲୋଚନା କରିଥିଲେ l    ଟୋକନ ରୁ ବାଦ ପଡ଼ିଥିବା ସମସ୍ତ ପଞ୍ଜିକୃତ

ଚାଷୀ ମାନଙ୍କ ନାମ ପୁନଃ ପଞ୍ଜିକରଣ ପାଇଁ ଲିଖିତ ପ୍ରତିଶୃତି ଦେଇଥିଲେ  l   ଲିଖିତ ପ୍ରତିଶୃତି ଦେବାପରେ ରାସ୍ତାରୋକ ହଟିଥିଲା |ସକାଳ 6ଟାରୁ ଅପରାହ୍ନ 1.30ଘଣ୍ଟା ପର୍ଯ୍ୟନ୍ତ ଦୀର୍ଘ ସାଢେ ସାତ ଘଣ୍ଟା ରାସ୍ତାରୋକ ହେବାରୁ ରାସ୍ତାର ଉଭୟ ପାର୍ଶ୍ୱରେ ବହୁ ଯାନବାହାନ ଚଳାଚଳ ଠପ ହୋଇଥିଲା | ରାସ୍ତାରୋକ ରେ ଯୁବନେତା ଓମ ପ୍ରକାଶ ମିଶ୍ର, ମୁନା ମିଶ୍ର, ଚାଷୀ ନେତା ପୂର୍ଣ୍ଣ ଚନ୍ଦ୍ର ପଣ୍ଡା,ରବୀନ୍ଦ୍ର ପ୍ରଧାନ,ଅସୀମ ଅଭିଷେକ ପଣ୍ଡା, ରଞ୍ଜନ ପଣ୍ଡା,ଲୋକାପଡା ଫ୍ୟାକ୍ସ ସଭାପତି ପିତାମ୍ବର ସାହୁ,ଆଦିତ୍ୟ ପ୍ରଧାନ,ମୁନା ସାହୁ, ସଂକେତ ସାହୁ, ପୁରୁଷୋତ୍ତମ ଦଳବେହେରା,ଦିଲ୍ଲୀପ ମହାକୁଡ଼,ନବୀନ ମହାପାତ୍ର, ଗୋପାଳ ପୁରୋହିତ,ଆଲୋକ ଖେତୀ ,ଅଚ୍ୟୁତ ଖମାରୀ,ପ୍ରମୋଦ ପ୍ରଧାନ,ଧନମାଳୀ କର୍ଣ୍ଣ  ଆଦି ଙ୍କ ସମେତ ବହୁ ଚାଷୀ ଓ ଚାଷୀ ପ୍ରତିନିଧି ଙ୍କ ନେତୃତ୍ୱ ରେ ଚାଷୀ ମାନେ ଏହି ରାସ୍ତାରୋକରେ ସାମିଲ ଥିଲେ |