27-Dec-2023

ବଲାଙ୍ଗିର (ପ୍ରେରଣା ଖବର ): ଡିଗ୍ରୀ କଲେଜ କୁଶଙ୍ଗ ନିକଟବର୍ତ୍ତୀ କୁଶମେଲ ଗ୍ରାମରେ ଚାଲିଥିବା ଶୀତଦିନିଆଁ ଜାତୀୟ ସେବା ଶିବିର ଉଦଯାପିତ ହୋଇଯାଇଛି l ଏହି ଗ୍ରାମରେ ସାତ ଦିନ ଧରି ପଚାଶ ଜଣ ସ୍ବେଛାସେବକଙ୍କ ଦ୍ୱାରା ଅଞ୍ଚଳର ସ୍ୱଛତା, ସ୍ୱାସ୍ଥ୍ୟ ସଚେତନା, ନାରୀଶିକ୍ଷାର ପ୍ରସାର, ଅନ୍ଧ ବିଶ୍ୱାସ ଦୂରୀକରଣ ଇତ୍ୟାଦି ଉପରେ କାମ କରା ଯାଇଥିଲା l ଶେଷ ଦିନରେ ସ୍ବେଛାସେବୀଙ୍କ ଦ୍ୱାରା ଏକ ରେଲି ର ଆୟୋଜନ କରାଯାଇ ସମାଜ ସଂସ୍କାର ଉପରେ ବିଭିନ୍ନ ସ୍ଲୋଗାନ ଦେଇ ଜନ ସମାଜକୁ ସଚେତନ କରା ଯାଇଥିଲା l ଏହା ସହିତ ବୀଣାକାଳିଆ ନାଚ ପରିବେଷଣ ମାଧ୍ୟମରେ ଦୁର୍ନୀତିମୁକ୍ତ ସମାଜ ଗଠନ ପାଇଁ ପ୍ରେରଣା ଗର୍ଭିତ ବାର୍ତ୍ତା ପ୍ରଚାର କରା ଯାଇଥିଲା l ପରିଶେଷରେ ଡ. ଅଜିତ ଭୋଇଙ୍କ ସଭାପତିତ୍ବ ରେ ଏକ ସଭାର ଆୟୋଜନ କରାଯାଇ ସମସ୍ତ ଛାତ୍ରଛାତ୍ରୀଙ୍କୁ ସାର୍ଟିଫିକେଟ ପ୍ରଦାନ କରାଯାଇଥିଲା l ଏଥିରେ ସ୍ଥାନୀୟ ସରପଞ୍ଚ କୌସ୍ତୁଭ ସାହୁ, ସମିତି ସଭ୍ୟ ମହାଦେବ ବିଶ୍ୱାଲ, ବରିଷ୍ଠ ଅଧ୍ୟାପକ ଶମ୍ଭୁ ପ୍ରସାଦ ସାହୁ, ଅନନ୍ତ ଆର୍ଯ୍ୟ, ପ୍ରୋଗ୍ରାମ ଅଫିସର ଲକ୍ଷ୍ମଣ ମେହେର ମଞ୍ଚାସିନ ହୋଇ ବକ୍ତବ୍ୟ ରଖିଥିଲେ l ସଭା ଶେଷରେ ବର୍ଷାରାଣୀ ମେହେର ଧନ୍ୟବାଦ ଅର୍ପଣ କରିଥିଲେ l ସମଗ୍ର କାର୍ଯ୍ୟକ୍ରମ ଭିତରେ ସ୍ବେଛାସେବୀଙ୍କ ଦ୍ୱାରା ପରିବେଷିତ ସାଂସ୍କୃତିକ ବିଚିତ୍ରା ସମସ୍ତଙ୍କ ହୃଦୟକୁ ସ୍ପର୍ଶ କରିଥିଲା l