05-Oct-2020

           ସମ୍ବଲପୁର, 5/10 - ଓଡିଶାର ରାଜନୈତିକ ଆକାଶ ରୁ ଆଜି ପୁଣି ଲିଭି ଯାଇଛି ଏକ ଉଜ୍ବଳ ତାରକା । ପୁରୀ ଜିଲ୍ଲା ପିପିଲି ବିଧାନସଭା ନିର୍ବାଚନ ମଣ୍ଡଳୀ ରୁ ୭ ଥର ବିଜୟ ଲାଭ କରି ଓଡିଶା ସରକାରରେ ବିଭିନ୍ନ ସମୟରେ ଗୁରୁତ୍ୱପୂର୍ଣ୍ଣ ଦାୟିତ୍ୱ ବହନ କରିଥିବା ପୂର୍ବତନ ମନ୍ତ୍ରୀ ତଥା ବର୍ତ୍ତମାନର ବିଧାୟକ ଶ୍ରୀଯୁକ୍ତ ପ୍ରଦୀପ ମହାରଥୀ ଙ୍କ ଗତକାଲି ବିଳମ୍ବିତ ରାତ୍ରରେ ସ୍ୱର୍ଗବାସ ହୋଇଯାଇଛି । ତାଙ୍କର ମୃତ୍ୟୁ ପରେ ଗଣମାଧ୍ୟମରେ ଓ ସାମାଜିକ ଗଣମାଧ୍ୟମ ରେ ଖବର ପ୍ରକାଶ ପାଇଲା ପରେ ସମଗ୍ର ରାଜ୍ୟରେ ଖେଳି ଯାଇଛି ଶୋକ ର ଛାୟା । ବିଜୁ ପଟ୍ଟନାୟକଙ୍କ ଅନୁଗତ ତଥା ନବୀନ ପଟ୍ଟନାୟକଙ୍କ ବିଶ୍ୱସ୍ତ ଶ୍ରୀଯୁକ୍ତ ମହାରଥୀ ଓଡିଶା ରାଜନୀତି ର ଏକ ଚର୍ଚ୍ଚିତ ଚେହେରା । ରାଜନୈତିକ ବିଚାରାଧାରରୁ ଉର୍ଦ୍ଧ୍ଵ କୁ ଉଠି ଆଜି ବହୁ ରାଜନୈତିକ ବ୍ୟକ୍ତି ବିଶେଷ ଆଜି ତାଙ୍କର ଶେଷ ଦର୍ଶନ କରିଛନ୍ତି ଓ ନିଜର ଶୋକ ପ୍ରକାଶ କରିଛନ୍ତି । 
             ପୂର୍ବତନ ମନ୍ତ୍ରୀ ତଥା ସମ୍ବଲପୁର ବିଧାୟକ ଶ୍ରୀଯୁକ୍ତ ଜୟ ନାରାୟଣ ମିଶ୍ର ମଧ୍ୟ ଆଜି ତାଙ୍କର ଶୋକ ବାର୍ତ୍ତା ରେ କହିଛନ୍ତି ଯେ.....
ଶ୍ରୀଯୁକ୍ତ ମହାରଥୀ ଙ୍କ ଦେହାନ୍ତ ରେ ମୁଁ ଅତ୍ୟନ୍ତ ଦୁଃଖିତ ଓ ମର୍ମାହତ । ବହୁତ ସମୟ ଧରି ଆମେ ଏକା ସାଙ୍ଗରେ ସରକାର ରେ ଓ ବିଧାନସଭା ରେ କାମ କରିଛୁ । ସେ ସରକାର ରେ ମୁଖ୍ୟ ସଚେତକ ଥିବା ସମୟରେ ମୁଁ ଉପମୁଖ୍ୟ ସଚେତକ ଦାୟିତ୍ୱ ରେ ଥିଲି । ସେ ସବୁବେଳେ ମୋର ବଡ଼ ଭାଇ ଭଳି ବ୍ୟବହାର କରୁଥୁଲେ ଓ ମୋର ମାର୍ଗଦର୍ଶନ ମଧ୍ୟ କରୁଥୁଲେ । ସେ ଜଣେ ମେଳାପୀ, ହସମୁଖ, ମଜାକିଆ ମଣିଷ ସଙ୍ଗେ ସଙ୍ଗେ ସୁଦକ୍ଷ ସଙ୍ଗଠକ ଥିଲେ । ଓଡିଶା ରାଜନୀତି ରେ ତାଙ୍କର ବିୟୋଗ ଏକ ଅପୁରଣୀୟ ଶୂନ୍ୟସ୍ଥାନ ଅଟେ । ଇଷ୍ଟଦେବୀ ମାଁ ସମଲେଶ୍ବରୀ ଓ ପ୍ରଭୁ ଜଗନ୍ନାଥ ଙ୍କ ଠାରେ ତାଙ୍କର ପବିତ୍ର ଅମର ଆତ୍ମାର ଶାନ୍ତି ଓ ସତଗତି ପାଇଁ ପ୍ରାର୍ଥନା କରୁଛି । ତତ୍ ସଙ୍ଗେ ସଙ୍ଗେ ଶୋକ ଶନ୍ତପ୍ତ ପରିବାର ଓ ପିପିଲି ନିର୍ବାଚନ ମଣ୍ଡଳୀ ର ଜନସାଧାରଣ ଙ୍କୁ ସମବେଦନା ଜଣାଉଛି ।