24-Dec-2023

ବଲାଙ୍ଗୀର(ଦେବାଶିଷ ବହିଦାର) ଗତକାଲି  ବଲାଙ୍ଗୀର ଭିଜିଲାନ୍ସ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ରାୟ ପ୍ରକାଶ ପାଇଛି । ବଲାଙ୍ଗୀର ଜିଲ୍ଲା ଆଗଲପୁରର ପୂର୍ବତନ ବିଡିଓ ସେଲଭାନସ ଲାକ୍ରାଙ୍କୁ ଓଡ଼ିଶା ଭିଜିଲାନ୍ସ ପକ୍ଷରୁ ଦୋଷୀ ସାବ୍ୟସ୍ତ କରାଯାଇଛି । ଆୟବର୍ହିଭୁତ ସଂପତ୍ତି ଠୁଳ ଅଭିଯୋଗରେ ଶ୍ରୀ ଲାକ୍ରା ଙ୍କୁ ବଲାଙ୍ଗୀର ସ୍ୱତନ୍ତ୍ର ଭିଜିଲାନ୍ସ ଜଜ୍ ୨ବର୍ଷ ସଶ୍ରମ କାରାଦଣ୍ଡଦେଶ ଓ ୫ଲକ୍ଷ ଟଙ୍କା ଜରିମାନା ନିର୍ଦ୍ଦେଶ ଦେଇଛନ୍ତି । ଅନାଦେୟ  ଆହୁରି ୫ ମାସ କାରାଦଣ୍ଡାଦେଶ ଶୁଣାଇଛନ୍ତି । ଭିଜିଲାନ୍ସ କେଶ ନମ୍ବର (ଟି.ଆର୍ ନମ୍ବର୧୦/୨୦୧୨ ରେ ଏହି ମାମଲାର ଶୁଣାଣି କରି କୋର୍ଟ ଅବସରପ୍ରାପ୍ତ ବିଡିଓ ଶ୍ରୀ ଲାକ୍ରାଙ୍କ ପେନ୍‌ସନ୍ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି । ସମ୍ବଲପୁର ଭିଜିଲାନ୍ସ ଡିଭିଜନର ପୂର୍ବତନ ଡିଏସ୍‌ପି ରାଧାକୃଷ୍ଣ କାନୁନଗୋ ଏହି ମାମଲାର ତଦନ୍ତ ଭାର ନେଇଥିବା ବେଳେ ସରକାରଙ୍କ ତରଫରୁ ବରିଷ୍ଠ ଆଇନଜୀବୀ ଜୟକୃଷ୍ଣ ସାହୁ ମୁକଦ୍ଦମା ପରିଚାଳନା କରୁଥିଲେ ।