10-Dec-2023

ସୁବର୍ଣ୍ଣପୁରର(ମନୋରଞ୍ଜନ ତ୍ରିପାଠୀ ): ଆଜି ସକାଳ ୭ଘଣ୍ଟା ସମୟରେ ରୟାଲ ପଡିଆ ଠାରୁ ଆର୍ଥିକ ସାକ୍ଷରତା ଓ ସଚେତନତା ଉପରେ ଏକ ଗଣ ପଦଯାତ୍ରା ଅନୁଷ୍ଠିତ ହୋଇ ଯାଇଛି। ଏହି ପଦଯାତ୍ରାକୁ ସୁବର୍ଣ୍ଣପୁର ଜିଲ୍ଲାପାଳ ବିମଳେନ୍ଦୁ ରାୟ ପତାକା ଦେଖେଇ ଉଦ୍ଘାଟନ କରି ହଜାର ଯୁବକ ଯୁବତୀ ସମସ୍ତଜନ ସାଧାରଣଙ୍କୁ ସଚେତନ କରିଥଲେ l ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ମଧୁକର  ଆନନ୍ଦ ଡି ଜି ଏମ୍  ରିଜର୍ଭ ବ୍ୟାଙ୍କ ଓଡିଶା, ଅତିରିକ୍ତ ଆରକ୍ଷୀ ଅଧିକ୍ଷକ ହେମନ୍ତ କୁମାର ପାଢ଼ୀ, ଏଡିଏମଓ ଡ଼ା.  ଦୁର୍ଗାଦତ୍ତ ଦାଶ ଓ ଲିଡ ବ୍ୟାଙ୍କ ମ୍ୟାନେଜର କାମରାଜ ଦୋରାଙ୍କ ଉପସ୍ଥିତରେ ଏ ଗଣ ପଦଯାତ୍ରା ଆରମ୍ଭ ହୋଇ ଥିଲା। ଏହି ଗଣ ପଦଯାତ୍ରାରେ ମିଡ଼ିଆ,  ସ୍ଵୟଂ ସହାୟକ ଗୋଷ୍ଠୀ ମହିଳା, ସ୍କୁଲ ଓ କଲେଜର ଛାତ୍ରଛାତ୍ରୀ, ବରିଷ୍ଠ ନାଗରିକ, କୃଷକ, ବିଭିନ୍ନ ବ୍ୟବସାୟୀ ଓ ସାମାଜିକ ସଂଗଠନର କର୍ମକର୍ତ୍ତା ପ୍ରମୁଖ ଉପସ୍ଥିତ ଥିଲେ । ଏହି ଗଣ ପଦଯାତ୍ରା ସହର ସାରା ପରିକ୍ରମା କରି ନୂଆ ଟାଉନ ହଲ୍ ରେ ଏକ ସଚେତନତା ସଭା ର ଅୟୋଜନ କରା ଯାଇ ଥିଲା  । ସଭାରେ ରିଜର୍ଭ ବ୍ୟାଙ୍କ ତରଫରୁ ଆର୍ଥିକ ସାକ୍ଷରତା ଓ ଆର୍ଥିକ ଠକେଇ ରୁ କିପରି ସୁରକ୍ଷିତ ରହିବା ସେ ବିଷୟରେ ପରାମର୍ଶ ଦେଇଥିଲେ।

ଅଭିଷେକ  ପରମାଣିକ ଓ ମହମ୍ମଦ ଅବଜାଲ ସରିଫ ଆର ବି ଆଇ ର ବ୍ୟବସ୍ଥାକୁ ଉପସ୍ଥାପନ କରାଇଥିଲେ ଓ ଲୋକଙ୍କ ବିଭିନ୍ନ ପ୍ରଶ୍ନ ର ଉତ୍ତର ରଖିଥିଲେ । ସମସ୍ତ ବ୍ୟାଙ୍କ ତରଫରୁ ଷ୍ଟଲ୍ ରେ ବିଭିନ୍ନ ଡେମୋ ମାଧ୍ୟମରେ ଲୋକଙ୍କୁ ଆର୍ଥିକ ସାକ୍ଷରତା ଓ ବିଭିନ୍ନ ବ୍ୟାଙ୍କ ର ଯୋଜନା ବିଷୟ ରେ ପରାମର୍ଶ ଦେଇଥିଲେ। ସମସ୍ତ କାର୍ଯକ୍ରମକୁ ଏଲ ଡି ଏମ କାମରାଜ ଦୋରା ସୁଚାରୁ ରୂପେ ପରିଚାଳନା କରିଥିଲେ ଓ ସମସ୍ତଙ୍କୁ ଧନ୍ୟବାଦ୍ ଦେଇ ସଭାକୁ ସାଙ୍ଗ କରି ଥିଲେ ।