08-Dec-2023

ତୁରେକେଲା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ତୁରେକେଲା ରାଜୀବଗାନ୍ଧୀ ପଞ୍ଚାୟତ ସମିତି ଉଚ୍ଚ ମାଧ୍ୟମିକ ବିଦ୍ୟାଳୟ ରେ ଯୁବ ଓଡ଼ିଶା ନବୀନ ଓଡ଼ିଶା (ନୂଆଁ ଓ) ଆନୁକୁଲ୍ୟରେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ପ୍ରଥମେ ଛାତ୍ରଛାତ୍ରୀ ମାନଙ୍କର ଏକ ବିରାଟ ରେଲି ଅନୁଷ୍ଠିତ ହୋଇଥିଲା। ଛାତ୍ରଛାତ୍ରୀ ମାନେ ପ୍ଳା କାର୍ଡ ବେନର ଧରି ସ୍ବଛତା, ସଡ଼କ ସୁରକ୍ଷା,ପ୍ଳାଷ୍ଟିକ ବ୍ୟବ‌ହାର ର ଅପକାରିତା ସମ୍ପର୍କ ରେ ବିଭିନ୍ନ ସ୍ଳୋଗାନ ଦେଇ ସ‌ହର ପରିକ୍ରମା କରିଥିଲେ ଏବଂ ସଫାଇ କାର୍ଯ୍ୟକ୍ରମ ମଧ୍ୟ କରାଯାଇଛି।ପରେ ଜଗନ୍ନାଥ ମନ୍ଦିର ସାମନାରେ ଏକ ସଭା ଅନୁଷ୍ଠିତ ହୋଇଥିବା ବେଳେ ଏଥିରେ ଅଧ୍ୟକ୍ଷ ଅଶ୍ବିନୀ କୁମାର ମେହେର ସଭାପତିତ୍ବ କରିଥିଲେ। ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କଣ୍ଟାବାଞ୍ଜି ଏନ୍, ଏ, ସି

ଅଧ୍ୟକ୍ଷ  ବରିଆମ ସିଂ ସାଲୁଜା ଯୋଗଦାନ କରିଥିଲେ। ସମ୍ମାନୀତ ଅତିଥି ଭାବେ ବ୍ୟାଙ୍କ୍ ମ୍ୟାନେଜର ଧନଞ୍ଜୟ ପୁଝାରୀ,ସି ଡି ପି ଓ ଶ୍ରୀମତି ରତ୍ନା ବରାଡ, ସମିତି ସଭ୍ୟ ପ୍ରମୋଦ କୁମାର ମହାପାତ୍ର ଯୋଗଦାନ କରିଥିଲେ। ଛାତ୍ରଛାତ୍ରୀ ମାନେ ମହିଳା ସଶକ୍ତିକରଣ ଉପରେ ଏକ ନୃତ୍ୟ ପରିବେଷଣ କରିଥିଲେ। ଅପରାହ୍ନରେ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏଥିରେ ଅଧ୍ୟାପକ ରୁଦ୍ରମଣୀ ମେହେର, ପ୍ରବୀର କୁମାର ସାହୁ,ମାନସ କୁମାର ନାଗ, ବେଣୁପାଣୀ କୁମ୍ଭାର, ସନ୍ତୋଷ ଛତ୍ରିଆ, ଘନଶ୍ୟାମ ଶବର, ସଞ୍ଜୟ ପାଣିଗ୍ରାହୀ, ଅଧ୍ୟାପିକା ଶ୍ରାବଣୀ ବାରିକ ପ୍ରମୁଖ କାର୍ଯ୍ୟକ୍ରମ ପରିଚାଳନା ରେ ସକ୍ରିୟ ଅଂଶ ଗ୍ରହଣ କରିଥିଲେ।