08-Dec-2023

ବୌଦ୍ଧ(ଦୁର୍ଯ୍ଯୋଧନ ବିଶି): ବୌଦ୍ଧ ସ୍ଥିତ ଆଦର୍ଶ ଡ଼ିଗ୍ରୀ ମହାବିଦ୍ୟାଳୟ ରେ ନୁଆଁ -ଓ, ଯୁବ ଓଡିଶା, ନବୀନ ଓଡିଶା କାର୍ଯ୍ୟକ୍ରମ ତରଫରୁ ସାଂସ୍କୃତିକ ଉତ୍ସବ ଓ ପୁରସ୍କାର ବିତରଣ ଅନୁଷ୍ଠିତ ହୋଇଯାଇଛି. ଏହି ସମାରୋହରେ ଓଡିଶା ସରକାରଙ୍କର ମାନ୍ୟବର ମନ୍ତ୍ରୀ, ଜଙ୍ଗଲ ପରିବେଶ, ଜଳବାୟୁ ପରିବର୍ତନ, ପଂଚାୟତ୍ତିରାଜ, ପାନୀୟ ଜଳାଯୋଗଣ ଓ ସୂଚନା ଓ ଲୋକସମ୍ପର୍କ ବିଭାଗ, ଶ୍ରୀଯୁକ୍ତ ପ୍ରଦୀପ କୁମାର ଅମାତ, ମୁଖ୍ୟ ଅତିଥି ରୂପେ ଯୋଗଦେଇ, ମାନ୍ୟବର ମୁଖ୍ୟମନ୍ତ୍ରୀ ଙ୍କର ଜନହିତକର ଯୋଜନା ଓ ଯୁବ ଓ ଛାତ୍ରଛାତ୍ରୀ ମାନଙ୍କ ପାଇଁ ନେଇଥିବା ବିଭିନ୍ନଯୋଜନା ଉପରେ ଆଲୋକପାତ କରିବା ସହ ମହାବିଦ୍ୟାଳୟ ର ଉନ୍ନତି ପାଇଁ ବିଭିନ୍ନ ପଦକ୍ଷେପ ନେବେ ବୋଲି କହିଥିଲେ. ସାନମାନିତା ଅତିଥି ଭାବେ, ବୟାନିକା ର ସଭାପତି, ଶ୍ରୀଯୁକ୍ତ ପ୍ରକାଶ ଚନ୍ଦ୍ର ମେହେର, ଯୋଗଦେଇ ଛାତ୍ରଛାତ୍ରୀ ଙ୍କୁ ଉତ୍ସlହିତ କରିଥିଲେ, ଅନ୍ୟତମ ସାନମାନିତା ଅତିଥିଭାବେ, ମହାବିଦ୍ୟାଳୟ ର ପରିଚାଳନା କମିଟି ର ସଭାପତି, ଡ଼କ୍ଟର ସୁବର୍ଣା ମିଶ୍ର ଯୋଗଦେଇ ନୁଆଁ -ଓ କାର୍ଯ୍ୟକ୍ରମ ର ସଫଳତା ଉପରେ ଆଲୋକପlତ କରିଥିଲେ, ମହାବିଦ୍ୟାଳୟ ର ଅଧ୍ୟକ୍ଷ, ଶ୍ରୀଯୁକ୍ତ ରବୀନ୍ଦ୍ର କୁମାର ସାହୁ, ପ୍ରାରମ୍ଭିକ ବିବରଣୀ ପାଠ କରିବା ସହ, ନୁଆଁ -ଓ କାର୍ଯ୍ୟକ୍ରମ ର ମହାବିଦ୍ୟାଳୟ ର ନୋଡାଲ ଅଫିସର, ଶ୍ରୀଯୁକ୍ତ ପ୍ରମୋଦ ମେହେର ସ୍ୱାଗତ ଭାଷଣ ଦେଇଥିଲେ. ସଭା ଶେଷରେ ମୁଖ୍ୟ ଅତିଥି ଓ ଅନ୍ୟମାନେ କୃତି ଛାତ୍ରଛାତ୍ରୀ ଙ୍କୁ ପୁରସ୍କାର ବିତରଣ କରିଥିଲେ, ଶେଷରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଛାତ୍ରଛାତ୍ରୀ ଙ୍କ ଦ୍ୱାରା ପରିବେଷଣ କରାଯାଇଥିଲାl ମହାବିଦ୍ୟାଳୟ ର ସାଂସ୍କୃତିକ ବିଭାଗର ମୁଖ୍ୟ ଶୁଭକାନ୍ତ ସ୍ୱାଇଁ, ପରିଚାଳନା କରିବା ସହ ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ ଓ ଛାତ୍ରଛାତ୍ରୀ ବହୁସଂଖ୍ୟାରେ ଯୋଗଦାନ କରିଥିଲେ.