05-Dec-2023

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଳକ ଧୁବଲପଡା ପଞ୍ଚାୟତ ରେଙ୍ଗଟାସିଲ ଗାଁ ରେ ଚାଲିଥିବା ୮ ତମ ଫୁଟବଲ ଟୁର୍ଣ୍ଣାମେଣ୍ଟ ଆଜି ଫାଇନାଲ ମ୍ୟାଚ ହୋଇଥିବା ବେଳେ ଏଥିରେ ମୁଖ୍ୟ ଅତିଥି ଭାବେ ପାଟଣାଗଡ଼ ବିଧାୟକ ସରୋଜ କୁମାର ମେହେର ଯୋଗ ଦେଇ କାର୍ଯ୍ୟର ଶୁଭାରମ୍ଭ କରିଥିଲେ। ସମ୍ମାନୀତ ଅତିଥି ଭାବେ ଜିଲ୍ଲା ପରିଷଦ ବାଲିକା ମାଝୀ, ଜୋନ୍ ସଭାପତି ପ୍ରେମା ବରିହା, ହାଇସ୍କୁଲ ଶିକ୍ଷକ ଶରତ ନନ୍ଦ ଯୋଗଦାନ କରି ଖେଳାଳୀ ମାନଙ୍କୁ ଉତ୍ସାହିତ କରିଥିଲେ। ଉକ୍ତ ଫୁଟବଲ ମ୍ୟାଚ ସାତ ଦିନ ଧରି ଚାଲିଥିବା ବେଳେ ଏଥିରେ ୧୬ ଗୋଟି ଦଳ ଅଂଶଗ୍ରହଣ

କରିଥିଲେ ଏବଂ ସମସ୍ତ ଙ୍କୁ ପରାସ୍ତ କରି ରେଙ୍ଗଟାସିଲ ଓ ରୁଗଡିମୁଣ୍ଡା ମଧ୍ୟରେ ସଂଘର୍ଷ ହୋଇଥିଲା। ଏଥିରେ ରେଙ୍ଗଟାସିଲ ଦଳ ବିଜୟୀ ହୋଇଥିଲା। ଜଳନ୍ଧର ସାହୁ, ଦୀପକ ସାହୁ, ସୁରେଶ ପାଣ୍ଡେ ଖେଳ ପରିଚାଳନା କରୁଥିଲେ। ଟିମ୍ ମୂଖ୍ୟ ଜଗନ୍ନାଥ ବରିହା,ତପି କୁମରା, ରଘୁନାଥ ମଲ୍ଳିକ, ଉପେନ୍ଦ୍ର ମଲ୍ଳିକ, ଗୋପାଳ ବାଗ, ଘନଶ୍ୟାମ ମଲ୍ଳିକ, ସରୋଜ ଷଡ଼ଙ୍ଗୀ ପ୍ରତିଯୋଗିତା ର ଆୟୋଜନ କରିଥିଲେ। ଶେଷରେ ମୁଖ୍ୟ ଅତିଥି ବିଧାୟକ ସରୋଜ କୁମାର ମେହେରଙ୍କ ଠାରୁ ବିଜୟୀ ଦଳ ଓ ଉପ ବିଜେତା ଦଳ ପୁରସ୍କାର ନେଇଥିବା ବେଳେ ମେନ୍ ଅପ୍ ଦ ମ୍ୟାଚ୍ ଜଗତ ଧରୁଆ, ମେନ୍ ଅପ୍ ଦ ସିରିଜ ପ୍ରଶାନ୍ତ ମଲ୍ଳିକ ପାଇଥିବା ଜଣାପଡିଛି।