04-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ):ଯୁବଗୋଷ୍ଠୀଙ୍କ ମଧ୍ୟରେ ଥିବା ଅନ୍ତର୍ନିହିତ ଗୁଣର ପରିପ୍ରକାଶ ହେବା ସହ ସେମାନଙ୍କ ଆତ୍ମମନୋବଳ ସୁଦୃଢ ହେଲେ ଏକ ବିକଶିତ ଓ ପ୍ରଗତିଶୀଳ ଓଡିଶା ଗଠନ ହୋଇପାରିବ ବୋଲି କଣ୍ଟାମାଳ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ମହୀଧର ରଣା ଆଜି ପଂଚାୟତ ମହାବିଦ୍ୟାଳୟ କଣ୍ଟମାଳ ଠାରେ ନୂତନ ଓଡିଶା,ଯୁବ ଓଡିଶା ଓ ନବୀନ ଓଡିଶା ପକ୍ଷରୁ ଆୟୋଜିତ ନୂତନ ଉନ୍ନତ ଅଭିଳାଷl ଓଡିଶା କାର୍ଯ୍ୟକ୍ରମ ର ଉଦ୍ଘାଟନୀ ଉତ୍ସବରେ ମୁଖ୍ୟଅତିଥି ଭାବେ ଯୋଗଦେଇ ନିଜ ବକ୍ତବ୍ୟରେ

କହିଥିଲେ  l ସେ ଆହୁରିମଧ୍ୟ ଯୁବପିଢ଼ି ଙ୍କ ଜୀବନର ପ୍ରଗତି ରେ ତିନୋଟି 'ସି' ର ମୂଲ୍ୟବୋଧ ଓ ଆବଶ୍ୟକତା ସମ୍ପର୍କରେ ଛାତ୍ର ଛାତ୍ରୀ ମାନଙ୍କୁ ମାର୍ଗଦର୍ଶନ କରିଥିଲେ l  କଲେଜ ପରିଚାଳନା କମିଟି ସଭାପତି ଭବାନୀଶଙ୍କର ରାଉତ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ନୂତନ ଉନ୍ନତ ଅଭିଳାଷl  ଓଡିଶା କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ କଣ୍ଟାମାଳ ପଞ୍ଚାୟତ ସମିତି ଅଧ୍ୟକ୍ଷା ଶ୍ରୀମତୀ ସସ୍ମିତା ସେନାପତି, କଣ୍ଟାମାଳ ତହସିଲଦାର ଶ୍ୱେତପଦ୍ମା ଯୋଶୀ, କଲେଜ ଅଧ୍ୟକ୍ଷା ପ୍ରଭାସିନୀ ଖଟୁଆ ପ୍ରମୁଖ ସମ୍ମାନୀତ ଅତିଥିଭାବେ ଯୋଗଦେଇ  ଯୁବ

ସମାଜ କେବଳ ଶିକ୍ଷା ରେ ନିବୃତ ନ ରହି ସେମାନେ ସାମାଜିକ କାର୍ଯ୍ୟକଳାପ, ସଂସ୍କୃତି ଓ ଖେଳକୁଦ ର ଅଭିବୃଦ୍ଧି କଲେ ଅଞ୍ଚଳ ର ଉନ୍ନତି ପ୍ରଗତି ହେବା ସହ ଏକ ବିକଶିତ ରାଷ୍ଟ୍ର ଗଠନ ହେବା ସହ ଯୁବସମାଜ ପାଇଁ ନବୀନ ସରକାର ଙ୍କ ସୁଦୂର ପ୍ରସାରି ଯୋଜନା ସଫଳ ହେବ ବୋଲି କହିଥିଲେ  l  ଅଧ୍ୟାପକ ପୌଲସ୍ତି ପ୍ରଧାନ ଅତିଥି ପରିଚୟ ଓ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ଛାତ୍ରୀ ଝିଲିରାଣୀ ବେହେରା ମଞ୍ଚ ସଂଯୋଜନା କରିଥିଲେ  l  ଆରମ୍ଭରେ ମୁଖ୍ୟଅତିଥି ଓ ସମ୍ମାନୀତ ଅତିଥିମାନେ ପତାକା ଉତ୍ତୋଳନ କରି କାର୍ଯ୍ୟକ୍ରମ କୁ ଉଦଘାଟନ କରିବା ପରେ କଲେଜ ଛାତ୍ରୀମାନଙ୍କ ଦ୍ୱାରା ସ୍ୱାଗତ ସଙ୍ଗୀତ ପରିବେଷଣ ହୋଇଥିଲା l  ସେହିପରି 5-ଟି ଯୋଜନାରେ ଏହି ମହାବିଦ୍ୟାଳୟ ରେ ଏକ ଶହେ ଶଯ୍ୟା ବିଶିଷ୍ଟ ଓବିସି ଛାତ୍ରlବାସ ପାଇଁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଞ୍ଜୁରୀ ପ୍ରଦାନ କରିଥିବା ନେଇ ବିଧାୟକ ଶ୍ରୀ ରଣା ଘୋଷଣା କରିଥିଲେ  l  ଆଜିଠାରୁ ପନ୍ଦର ଦିନ ଧରି ଚାଲିବାକୁ ଥିବା ଏହି କାର୍ଯ୍ୟକ୍ରମ ରେ ବିଭିନ୍ନ କ୍ରୀଡ଼ା ପ୍ରତିଯୋଗିତା, ସାଂସ୍କୃତିକ ଓ ସାମାଜିକ ସଚେତନତା କାର୍ଯ୍ୟକ୍ରମ ହେବ ବୋଲି ଅଧ୍ୟକ୍ଷା ଶ୍ରୀମତୀ ଖଟୁଆ ସୂଚନା ଦେଇଥିଲେ ଲ ପରେ ଛାତ୍ର ଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ରେ ନୃତ୍ୟ ଗୀତ ଅନୁଷ୍ଠିତ ହୋଇଥିଲା  ।