04-Dec-2023

ବଲାଙ୍ଗିର(ପ୍ରେରଣା ଖବର)- ନାଗରିକ କମିଟି ବଲାଙ୍ଗିର ଆନୁକୂଲ୍ୟରେ ଏକ ସ୍ମରଣିକା ‘ସୌରଭ’ ର ଉନ୍ମୋଚନ ସଭା ସ୍ଥାନୀୟ ଟାଉନ୍ ବାଳିକା ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି । ଇଂ. ବେଲାରସିଂ ଭୋଇଙ୍କ ସଭାପତିତ୍ୱରେ ମୁଖ୍ୟ ଅତିଥି ରୂପେ ପୂର୍ବତନ ଆୟକର କମିଶନର ତଥା ସ୍ତମ୍ଭକାର ଶ୍ରୀକାନ୍ତ ଚାଟାର୍ଜି ଯୋଗ ଦେଇ ବିଭିନ୍ନ ଉଦାହରଣ ମାଧ୍ୟମରେ ସାଧାରଣ ବ୍ୟକ୍ତିମାନେ ମଧ୍ୟ ଅସଧାରଣ କାମ କରି ସମାଜ ପାଇଁ ତ୍ୟାଗ, ପରିଶ୍ରମ ଓ ପ୍ରତିବଦ୍ଧତା ବଳରେ ସେବା କରି ପାରିବେ ବୋଲି ମତବ୍ୟକ୍ତ କରିଥିଲେ । ଅନ୍ୟତମ ଅତିଥି ରୂପେ ପ୍ରଫେସର ମଧୁସୂଦନ ପତି ଯୋଗ ଦେଇ ସମାଜ ପ୍ରତି ଅଧିକାର ଯେତିକି ଅଛି କର୍ତ୍ତବ୍ୟ ମଧ୍ୟ ସେତିକି ବୋଲି ସମ୍ବିଧାନର ଧାରା ୫୧ ରେ ଉଲ୍ଲେଖ ଅଛି ବୋଲି କହିଥିଲେ । ଅନ୍ୟତମ ଅତିଥି ରୂପେ ପଦ୍ମଶ୍ରୀ ଶ୍ରୀନିବାସ ଉଦ୍‌ଗାତା ଯୋଗଦେଇ ଆର୍ଶିବଚନ ପ୍ରଦାନ କରିଥିଲେ । ତା ପରେ ନାଗରିକ କମିଟି ତରଫରୁ ପ୍ରକାଶିତ ଏକ ସ୍ମରଣିକା ‘ସୌରଭ’ ସାଧାରଣରେ ଉନ୍ମୋଚିତ ହୋଇଥିଲା ।

କମିଟିର ସାଧାରଣ ସଂପାଦକ ମନୋରଂଜନ ସାହୁ ବିବରଣୀ ପାଠ କରି ସଭାକୁ ପରିଚାଳନା କରିଥିଲେ । ସମ୍ପାଦକୀୟ କମିଟିର ମୁଖ୍ୟ ଅଖିଳ ଚନ୍ଦ୍ର ହୋତାଙ୍କୁ ମେମୋଣ୍ଟୋ ପ୍ରଦାନ କରାଯାଇଥିବା ବେଳେ, ସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ଯୋଗୁଁ ଭୀମଭୋଇ ମେଡିକାଲର  କର୍ମଚାରୀ ରମେଶ ଚନ୍ଦ୍ର ପୋଢ ଓ ପୌରସଂସ୍ଥାର ଝାଡୁଦାର ଖତୁ ଭରାସାଗରଙ୍କୁ ଉପଢୈାକନ ଦେଇ ସମ୍ବର୍ଦ୍ଧିତ କରାଯାଇଥିଲା । ସେହିପରି ସବିତା ଚାଟାର୍ଜିଙ୍କୁ ମଧ୍ୟ ସମ୍ମାନିତ କରାଯାଇଥିଲା । ‘ପ୍ରେରଣା’ ର ସଂପାଦକ ରଘୁନନ୍ଦନ ସିଂଙ୍କ ପରିଚାଳନାରେ ସମ୍ବର୍ଦ୍ଧିତ ସଭାରେ ଶିକ୍ଷୟତ୍ରୀ ନନ୍ଦିନୀ ସାହୁ ସହାୟତା କରିଥିଲେ ।

ସଭା ଆରମ୍ଭରେ କମିଟିର ବରିଷ୍ଠ ସଭ୍ୟ ଗୋପଭୂଷଣ ନାଥ ସ୍ୱାଗତ କରିଥିବା ବେଳେ ଜୟରାମ ମିଶ୍ର ଧନ୍ୟବାଦ ଅର୍ପଣ କରିଥିଲେ । ସ୍ମରଣିକା ସଂପାଦନା ମଣ୍ଡଳୀର ସଭ୍ୟ ପୀତବାସ ପଣ୍ଡା, ବିମଳ କୁମାର ଚୋପଦାର, ମନୋରଂଜନ ପୁରୋହିତ ଙ୍କ ବ୍ୟତିତ ଉପସଭାପତି ନିତ୍ୟାନନ୍ଦ ମିଶ୍ର, ସହସଂପାଦକ ଚକ୍ରପାଣି ଦାଶ, ଗଜେନ୍ଦ୍ର ଭମର, ବିକ୍ରମ ବହିଦାର, ପଙ୍କଜିନୀ ପଣ୍ଡା, ଧର୍ମବ୍ରତ ରଥ, ଦିବାକର ହୋତା, ପର୍ଶୁରାମ ନାୟକ, ସଲିମ ଖାନ, ଗୋପବନ୍ଧୁ ପୁରୋହିତ, ସରୋଜ ଚୋପଦାର, ସୁନିଲ ବିଶ୍ୱାଲ ଓ ଅନ୍ୟାନ୍ୟମାନେ ଉପସ୍ଥିତ ରହି ସହଯୋଗ କରିଥିଲେ ।