03-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ) : ଘଣ୍ଟାପଡା ଥାନା ଅନ୍ତର୍ଗତ ଦେଢ଼େଣମାଳ ଗ୍ରାମ ନିକଟ ପୁତ୍ତ ବିଭାଗ ରାସ୍ତାରେ ଦିବାଲୋକରେ ଡକାୟତି l ସୂଚନାଯୋଗ୍ୟ ଯେ ଆମ୍ବଗାଁ ପଞ୍ଚାୟତ ଅନ୍ତର୍ଗତ କୁରୁକୁପା ଗ୍ରାମର ଅଳକାନାଥ ମହାପାତ୍ର ବିଭିନ୍ନ ସାପ୍ତାହିକ ହାଟକୁ ଯାଇ ସୁନାରୂପା ଗହଣା ବେପାର କରି ପରିବାର ପ୍ରତିପୋଷଣ କରନ୍ତି l ଅନ୍ୟଦିନ ଭଳି ଶୁକ୍ରବାର ଉମା ସପ୍ତାହିକ ବଜାରକୁ ଯାଇ ଫେରିବା ସମୟରେ ଦେଢ଼େଣମାଳ ଗ୍ରାମ ନିକଟ ସିଙ୍ଗଭଙ୍ଗା ନାଳ ନିକଟରେ ସାଢେ ୧୧ଟା ସମୟରେ ତିନିଜଣ ଅଚିହ୍ନା ବ୍ୟକ୍ତି ଠେଙ୍ଗା ଦ୍ୱାରା ମୁହଁକୁ ଆକ୍ରମଣ କରିଥିଲେ l ଫଳରେ କପାଳ ଓ ନାକରେ ମାଡ଼ ହେବା ଯୋଗୁଁ ବାଇକରୁ ତଲେ ପଡି ଯାଇଥିଲେ l ଏହାପରେ ଦୁର୍ବୃତ୍ତମାନେ ଗହଣାଗଣ୍ଠିନେଇ ପଳାଇ ଯାଇଥିଲେ l ସର୍ଗିପଡା ଓ ତଳବେଡା ଗ୍ରାମର କିଛି ବ୍ୟକ୍ତି ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିଥିଲେ l ଡକାୟତି ଘଟଣାରେ ପ୍ରାୟ ୫ଲକ୍ଷ ଟଙ୍କା ମୂଲ୍ୟର ସୁନା ଓ ରୂପା ଗହଣା ଲୁଟ ହୋଇଥିବା ନେଇ ଘଣ୍ଟାପଡା ଥାନାରେ ଅଭିଯୋଗ ହୋଇଛି l ପୁଲିସ ଅଭିଯୋଗକାରୀଙ୍କୁ ଚିକିତ୍ସା ଯୋଗାଇବା ସହିତ ତଦନ୍ତ ଚଳାଇଥିବା ଥାନାଧିକାରୀ ବଳଭଦ୍ର ଗଣ୍ଡା ସୂଚନା ଦେଇଛନ୍ତି l