25-Nov-2023

କୋଦଳା(ଭଗବାନ ପାଢୀ ): ଶୁକ୍ରବାର, କୋଦଳା, ଲକ୍ଷ୍ମୀନାରାୟଣ ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଧ୍ୟକ୍ଷ ଡଃ. ଦତ୍ତାରାମ ବିଶୋୟୀଙ୍କ ତତ୍ତ୍ବାବଧାନରେ ସମନ୍ଵିତ ଯୁବ ବିକାଶ କାର୍ଯ୍ୟକ୍ରମ ଉଦ୍ ଘାଟିତ ହୋଇଯାଇଛି। ଅନୁଷ୍ଠାନର ପ୍ରାକ୍ତନ ସମ୍ପାଦକ ପ୍ରଫୁଲ କୁମାର ରଥ ଆନୁଷ୍ଠାନିକ ରୂପେ ଉଦ୍ ଘାଟନ କରିଥିଲେ । ଅଧ୍ୟାପକ ସରୋଜ କୁମାର ଆଚାର୍ଯ୍ୟ, ଡି ଇ ଓ  ସମୀର ପରିଡା କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ପ୍ରଧ୍ୟାପକ ହୃଷୀକେଶ ପ୍ରହରାଜ, (ନୋଡାଲ ଅଫିସର) କାର୍ଯ୍ୟକ୍ରମର ଆଭିମୁଖ୍ୟ ଏବଂ ସରକାରଙ୍କ ଯୁବ ନେତୃତ୍ଵର ଉଦେଶ୍ୟ ସମ୍ପର୍କରେ ଉପସ୍ଥାପିତ କରିଥିଲେ l କାଳନ୍ଦି ଚରଣ ଦାଶ(ପ୍ରୋଗ୍ରାମ ଅଫିସର ସଂସ୍କୃତିକ) ମଞ୍ଚ ସଞ୍ଚାଳନା କରିଥିଲେ ଏବଂ ସଂସ୍କୃତିକ କାର୍ଯ୍ୟକ୍ରମର ଆଭୁମୁଖ୍ୟ ସମ୍ପର୍କରେ ଆଲୋକପାତ କରିଥିଲେ । ପ୍ରୋଗ୍ରାମ ଅଫିସର କ୍ରିଡା ଆଦିତ୍ୟ ପ୍ରସନ୍ନ ମହାପାତ୍ର ଛତ୍ର ଛାତ୍ରୀଙ୍କୁ କ୍ରିଡାର ଗୁରୁତ୍ଵ ସମ୍ପର୍କରେ ସୂଚନା ଦେଇଥିଲେ। ପ୍ରୋଗ୍ରାମ ଅଫିସର ସାମାଜିକ କାର୍ଯ୍ୟକ୍ରମ  ଶ୍ରୀମତୀ ସୁଦର୍ଶନା ପ୍ରଧାନ ଏକ ସୁସ୍ଥ ସମାଜ ଗଠରେ ଛାତ୍ରଛାତ୍ରୀଙ୍କ ଭୂମିକା ସମ୍ପର୍କରେ ଉଲ୍ଲେଖ କରିଥିଲେ । ସୁଶ୍ରୀ ସୁନିତା ପାଣ୍ଡି ଛାତ୍ରଛାତ୍ରୀଙ୍କ ସହଯୋଗରେ ମଞ୍ଚ ସାଜସଜ୍ଜା  କରିଥିଲେ । ଅନୁଷ୍ଠାନର ସମସ୍ତ କର୍ମଚାରୀ ଏବଂ ଛାତ୍ରଛାତ୍ରୀ ବୃନ୍ଦ କାର୍ଯ୍ୟକ୍ରମକୁ ସାଫଲ୍ୟ ମଣ୍ଡନ କରିଥିଲେ । ପରିଶେଷରେ ଓଡିଆ ଅଧ୍ୟାପିକା ଶ୍ରୀମତୀ ମୌସୁମୀ ମିଶ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରି ସଭାକାର୍ଯ୍ୟ ଶେଷ କରିଥିଲେ । 

ଉଦ୍ଘାଟନୀ  ଉତ୍ସବରେ ଯୋଗ କାର୍ଯ୍ୟକ୍ରମ ପ୍ରୋଗ୍ରାମ ଅଫିସର ଶ୍ରୀମତୀ ସୁଦର୍ଶନା ପ୍ରଧାନଙ୍କ ଦ୍ଵାରା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଯୋଗ ଗୁରୁ ସନ୍ତୋଷ କୁମାର ପାଢୀ, କୃଷ୍ଣ ଚନ୍ଦ୍ର ପ୍ରଧାନ ଏବଂ ଅଶୋକ ବିଶୋଇ  ଛାତ୍ରଛାତ୍ରୀଙ୍କୁ ବିଭିନ୍ନ ଯୋଗ ଓ ପ୍ରାଣାୟମ ଶିକ୍ଷା ଦେଇଥିଲେ।   

କ୍ରିଡା ପ୍ରତିଯୋଗୀତାକୁ ଶ୍ରୀ ପ୍ରଫୁଲ କୁମାର ରଥ ଉଦ୍ଘାଟନ କରିଥିଲେ। ପ୍ରୋଗ୍ରାମ ଅଫିସର (କ୍ରୀଡା) ଶ୍ରୀ ଆଦିତ୍ୟ ପ୍ରସନ୍ନ ମହାପାତ୍ରଙ୍କ ଦ୍ଵାରା କବାଡି ପ୍ରତିଯୋଗୀତା ଅନୁଷ୍ଠିତ ହୋଇଥିଲା ଏବଂ ଏହି ପ୍ରତିଯୋଗୀତାକୁ ସରୋଜ କୁମାର ଆଚାର୍ଯ୍ୟ, ଡି ଇ ଓ ସମୀର ପରିଡା କାର୍ଯ୍ୟକ୍ରମକୁ ପରିଚାଳନା କରିଥିବା   ଏହି କାର୍ଯ୍ୟକ୍ରମ ତା.୨୪/୧୧/୨୦୨୩ ରିଖ ଠାରୁ ତା.୧୦/୧୨/୨୦୨୩ ରିଖ ପର୍ଯ୍ୟନ୍ତ ଚାଲିବ।