25-Nov-2023

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ତେତେଲମୁଣ୍ଡା ପଞ୍ଚାୟତ ର ଡେବ୍ରିପାଲି ଗାଁ ରେ ଚାଲିଥିବା ଫୁଟବଲ ଟୁର୍ଣ୍ଣାମେଣ୍ଟ ଆଜି ଫାଇନାଲ ମ୍ୟାଚ ରେ ପହଞ୍ଚି ଯାଇଛି। ସୂଚନା ଅନୁସାରେ ଗତ ୧୬ ତାରିଖ ଦିନ ଠାରୁ ଆରମ୍ଭ ହୋଇଥିବା ବେଳେ ୨୪ ତାରିଖ ଦିନ ଶେଷ ହୋଇଛି। ଉକ୍ତ ପ୍ରତିଯୋଗିତାରେ ୧୬ ଟି ଦଳ ଅଂଶଗ୍ରହଣ କରିଥିବା ବେଳେ ସମସ୍ତଙ୍କୁ ପଛରେ ପକାଇ ତେତେଲମୁଣ୍ଡା ଓ ସଲଣ୍ଡି ଦଳ ଫାଇନାଲ ମ୍ୟାଚ ପାଇଁ ଉତ୍ତୀର୍ଣ୍ଣ ହେବାପରେ ଦୁଇ ଦଳ ମଧ୍ୟରେ ସଂଘର୍ଷ ଲଢ଼େଇ ହୋଇଥିଲା। ସଂଘର୍ଷ ଲଢ଼େଇ ରେ କେହି ପରାଜିତ ହୋଇନଥିବାରୁ ପ୍ଳାଣ୍ଟିକ ରେ ତେତେଲମୁଣ୍ଡା ବିଜୟ ହାସଲ କରିଛନ୍ତି। ଉକ୍ତ

ପ୍ରତିଯୋଗିତାରେ  ଆଦିବାସୀ ନେତା ତଥା ରାଜ୍ୟସଭା ସାଂସଦ ନିରଞ୍ଜନ ବିଶି ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ୨୬ ନମ୍ବର ଜୋନ୍ ଜିଲ୍ଲା ପରିଷଦ ସଭ୍ୟା ଅନିମା ଦାଶ, ସାଂସଦ ପ୍ରତିନିଧି ପ୍ରଶାନ୍ତ ଦାଶ, ୨୬ ନମ୍ବର ଜୋନ ସଭାପତି କୁନୁ ମୁଣ୍ଡା, ଆଦିବାସୀ ସଂଘ ର ଯୁଗ୍ମ ସମ୍ପାଦକ ଗିରିଧାରୀ ଭୋଇ ମଞ୍ଚାସୀନ ଥିଲେ। ମୁଖ୍ୟ ଅତିଥି ନିଜ ବକ୍ତବ୍ୟ ରେ ଉପସ୍ଥାପନା କରିଥିଲେ କି ଅଞ୍ଚଳର ଖେଳାଳୀ ଆହୁରି ଆଗକୁ ବଢ଼ିବା ସହିତ ଯେଉଁ ମାନେ ଭଲ ଖେଳୁଛନ୍ତି ସେମାନଙ୍କୁ ରାଜ୍ୟ ସ୍ତରୀୟ ରେ ଅଂଶ ଗ୍ରହଣ କରିବାକୁ ସମ୍ପୂର୍ଣ୍ଣ ସହଯୋଗ କରିବେ ।ବିଜୟୀ ଦଳଙ୍କୁ ମୁଖ୍ୟ ଅତିଥି ନିରଞ୍ଜନ ବିଶି ଙ୍କ କରକମଳରେ ପୁରସ୍କାର ଦିଆଯାଇଥିଲା ଓ ସମ୍ମାନୀତ ଅତିଥି ଅନିମା ଦାଶ ପରଆଜଇ ପ୍ରାର୍ଥୀଙ୍କୁ ପ୍ରଦାନ କରିଛନ୍ତି।ପରେ ରାଜ୍ୟସଭା ସାଂସଦ ନିରଞ୍ଜନ ବିଶି ଡେବ୍ରିପାଲି ଗାଁ ର ପାରାୟଣ କାର୍ଯ୍ୟକ୍ରମରେ ଯୋଗଦାନ କରି ଆଶିର୍ବାଦ ନେଇଥିବା ସହ ପଞ୍ଚକ ସ୍ନାନ କରୁଥିବା ସ୍ଥାନରେ ଦର୍ଶନ କରିଥିଲେ। ଗାଁ ର ମଧ୍ୟସ୍ଥଳରେ ତାଙ୍କୁ ଗ୍ରାମବାସୀମାନେ ସ୍ବାଗତ ସମ୍ବର୍ଦ୍ଧନା ଦେଇ ଏକ ସଭା

ଅନୁଷ୍ଠିତ ହୋଇଥିଲା। ଉକ୍ତ ସଭାରେ ରାଜ୍ୟସଭା ସାଂସଦ ନିରଞ୍ଜନ ବିଶି ନିଜ ଅଭିଭାଷଣରେ ଆଦିବାସୀ ମାନଙ୍କ ପାରମ୍ପାରିକ ପୂଜା ବିଧି, ଆଦିବାସୀ ମାନେ ଶିକ୍ଷା କ୍ଷେତ୍ରରେ ଆଗେଇବା ବୋଲି ପରାମର୍ଶ ଦେଇଛନ୍ତି। ଏବଂ ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ସମ୍ପର୍କରେ ଲୋକଙ୍କୁ ଅବଗତ କରାଇଥିଲେ। ଗାଁରେ ଲୋକଙ୍କ ସୁବିଧା ପାଇଁ ଏକ ମଣ୍ଡପ ତିଆରି କରିବାକୁ ପ୍ରତିଶୃତି ଦେଇଥିବା ଯୋଗୁଁ ରାଜ୍ୟସଭା ସାଂସଦ ନିରଞ୍ଜନ ବିଶି ଙ୍କୁ ଗ୍ରାମବାସୀ କୃତଜ୍ଞତା ଜଣାଇଛନ୍ତି।