25-Nov-2023

ବୀରମହାରାଜପୁର,(ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡର ବିଭିନ୍ନ ଗ୍ରାମରେ ପାରମ୍ପରିକ କାଳିସୀ ଯାତ୍ରା ଅନୁଷ୍ଠିତ ହୋଇଯାଇଛି।  କାର୍ତ୍ତିକ ଦଶମୀ ତିଥିରେ ଦେଉଳବରି ପର୍ବ ମହା ଆଡ଼ମ୍ବରରେ ଅନୁଷ୍ଠିତ ହୋଇଥିଲା। ଗୁରୁବାର ଏକାଦଶୀ ତିଥିରେ ଦେବୀଙ୍କ ସ୍ନାନ ଯାତ୍ରା ଓ ନିଶା ପୂଜା ସମ୍ପନ୍ନ ହୋଇଥିବା ବେଳେ ଶୁକ୍ରବାର ଦ୍ବାଦଶୀରେ ଦେବୀ କଲାସୀ ନଗର ପରିକ୍ରମା ସହ ନିଜ ଗୁଡି (ମନ୍ଦିର) କୁ ପ୍ରତ୍ୟାବର୍ତ୍ତନ କରିଥିଲେ ।  ବ୍ଳକର ଝାରକୁମୁଣ୍ଡା,ଉଫୁଲା,ଲାତୁରପେଟ, ସୁବଳୟା,ଲଖନୀ, କମଳପୁର,ମୁର୍ଷୁଣ୍ଢୀ, କମିରା,  ବଡବର୍ଡାକଟା,ବୁଠିପଦର,ରାମ୍ଭିପାଲି,ଦନ୍ତାପାଲି, ଖଣ୍ଡହତା, ଜଟେସିଂହା, ବାଗବର, ତେନ୍ତୁଲିମହଦା,କେନଝରିଆପାଲି ଓ ସୁନରିବେନୀ ଆଦି ବହୁ ଗ୍ରାମରେ କାଳିସୀ ଯାତ୍ରା ଅନୁଷ୍ଠିତ ହେଉଥିବା ଜଣାଯାଇଛି। ଝାରକୁମୁଣ୍ଡା , ସୁବଳୟା ଓ  ସୁନାରିବେନୀ ଠାରେ ବହୁ ସଂଖ୍ୟକ ଲୋକ ଯାତ୍ରା ଦେଖିବାକୁ ସମାଗମ ହୋଇଥିବା ଦେଖିବାକୁ ମିଳିଛି। ଏଠାରେ ବରୁଆ ମାନଙ୍କ ଦୋଳି ଖେଳ ମଧ୍ୟ ଅନୁଷ୍ଠିତ ହୋଇଥିଲା। ଯାତ୍ରା ସକାଶେ ବିଭିନ୍ନ ଗ୍ରାମରେ ଦଣ୍ଡ, ପାଲା, ସଂର୍କୀନ ବୈଠକି ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା।