18-Nov-2023

ଧର୍ମଗଡ଼  (ଜ୍ୟୋତିରଞ୍ଜନ ବେମାଲ )
କୋଶଲ ରାଜ୍ୟ ଗଠନ ଦାବିରେ ଆଜି ପଶ୍ଚିମ ଓଡିଶା ବନ୍ଦ ଡାକରା ପାଳନ କରୁଛି । କୋଶଲ ରାଜ୍ୟ କ୍ରିୟାନୁଷ୍ଠାନ କମିଟି ତରଫରୁ ଏହି ବନ୍ଦ ଡାକରା ଦିଆ ଯାଇଛି । ପଶ୍ଚିମ ଓଡିଶା କୁ ଅବହେଳା, ବୈମାତୃକ ମନୋଭାବ, ଭାଷା କୁ ବିରୋଧ, ସଂସ୍କୃତିକୁ ବିରୋଧ, ପଶ୍ଚିମ ଓଡିଶାର କଳାକାର କୁ ବିରୋଧ ଏପରି ଅନେକ ଅଭିଯୋଗ ଆଣି ସ୍ୱତନ୍ତ୍ର କୋଶଲ ରାଜ୍ୟ ଗଠନ ଦାବୀ କରାଯାଉଛି । ସ୍ୱତନ୍ତ୍ର କୋଶଲ ରାଜ୍ୟ ଗଠନ ସହ ପଶ୍ଚିମ ଓଡିଶାର ଉନ୍ନତି, ପଶ୍ଚିମ ଓଡିଶାର ଲୋକଙ୍କ ହକ୍ ଏବଂ କୋଶଲ ଅଞ୍ଚଳର ଭାବ ବେଗ କୁ ପ୍ରସଙ୍ଗ କରି ଏହି ମହାବନ୍ଦ ଡାକରା ଦିଆ ଯାଇଥିବା କମିଟି ପକ୍ଷରୁ କୁହାଯାଇଛି । ତେବେ ଏହି ପରିପ୍ରେକ୍ଷୀରେ କଳାହାଣ୍ଡି ଜିଲ୍ଲାର ଅନେକ ବ୍ଲକରେ ବନ୍ଦ୍ ଡାକରା ଥିବା ବେଳେ ଧର୍ମଗଡରେ ମଧ୍ୟ ବନ୍ଦଡାକରା ଦିଆଯାଇଛି । ଏହି ବନ୍ଦ ଡ଼ାକରାରେ କୋଶଳ ମୁକ୍ତି ମୋର୍ଚ୍ଚା, ଅନେକ କୋଶଳ ରାଜ୍ୟ ସମର୍ଥକ, ବିଭିନ୍ନ ସଂଗଠନ ଯୋଗଦେଇଥିବାର ଦେଖିବାକୁ ମିଳିଛି । ଧର୍ମଗଡ ର ପ୍ରାୟ ଅନେକ ଦୋକାନ ବଜାର,ସ୍କୁଲ କଲେଜ,ଅଫିସ ମହଲ ବନ୍ଦ ଥିବାବେଳେ ଧର୍ମଗଡ ଚାରିଛକ ଠାରେ କମିଟି ତରଫରୁ  ରାସ୍ତା ରୋକ ଆନ୍ଦୋଳନ କରାଯଇଥିବା ଦେଖିବାକୁ ମିଳିଛି । ଫଳରେ ଗମନାଗମନ ବାଧାପ୍ରାପ୍ତ ହୋଇଛି । ସରକାର ସର୍ବଦା ପଶ୍ଚିମ ଓଡିଶା କୁ ଅଣଦେଖା କରୁଛନ୍ତି ଶିକ୍ଷା, ସ୍ୱାସ୍ଥ୍ୟ, କୃଷି, ସରକାରୀ ଅନୁଦାନ, ନିଯୁକ୍ତି,  ହାଇକୋର୍ଟ ର ସ୍ଥାୟୀବେଞ୍ଚ ପ୍ରତିଷ୍ଠା ଏପରି ଅନେକ କ୍ଷେତ୍ରରେ ଓଡିଶା ସରକାର ପଶ୍ଚିମ ଓଡିଶା ସହ ସାବତ ପୁଅ ନୀତି ଗ୍ରହଣ କରିବା ସହ ବୈମାତୃକ ମନୋଭାବ ପୋଷଣ କରୁଛନ୍ତି ଏବଂ  ପଶ୍ଚିମ ଓଡିଶା ଏବଂ ପଶ୍ଚିମ ଓଡିଶାର ଜନସାଧାରଣଙ୍କ ସହ ଅନ୍ୟାୟ କରୁଛନ୍ତି ବୋଲି କୋଶଳ ସଂଗ୍ରାମୀ ମାନେ କ୍ଷୋଭ ପ୍ରକାଶ କରିଛନ୍ତି । ଏଥିପାଇଁ ସ୍ୱତନ୍ତ୍ର କୋଶଳ ରାଜ୍ୟ ଦାବି କରିବା ସହ ଆଜି ସମଗ୍ର ପଶ୍ଚିମ ଓଡ଼ିଶାରେ ବନ୍ଦ ଡାକରା ଦିଆଯାଇଛି । ଧର୍ମଗଡ କୋଶଳ କମିଟି ତରଫରୁ ତଥା ଧର୍ମଗଡ ଉପଖଣ୍ଡ ଯାଦବମହା ସଭାର ସଂପାଦକ ଡାକେସ୍ଵର୍ ଲହଜଲ, ସନ୍ତୋଷ ପାଢ଼ୀ, ଆକାଶ ସୁନାନୀ, ଚନ୍ଦନ ପାଢ଼ୀ, ଗୁଲୁ ନାଏକ, ରିନା ଭୋଇ, ରାଧେ ଶ୍ୟାମ ମାଝୀ, ଧୀରେନ୍ଦ୍ର ମାଝୀ, ଦୟାନିଧି ମାଝୀ ପ୍ରମୁଖ ବହୁ ସଂଖ୍ୟକ ଭାବେ ଉପସ୍ଥିତ ରହି ଡାକରାର ସାମିଲ୍ ହୋଇଥିବା ବେଳେ ଗାଡ଼ି ମଟର ଠପ୍ ହୋଇଛି । ଧର୍ମଗଡ଼ ସହରରେ ବନ୍ଦ ପାଳନର ବେଶ ପ୍ରଭାବ ଦେଖିବାକୁ ମିଳିଛି ।