18-Nov-2023

ବୀରମହାରାଜପୁର/ସୁବଳୟା ( ବିନୋଦ ପାଣ୍ଡେ ): ସ୍ବତନ୍ତ୍ର କୋଶଳ ପ୍ରଦେଶ ଦାବିରେ ଶନିବାର ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସୁବଳୟା ଅଞ୍ଚଳରେ ‌ଶାନ୍ତି ଶୃଙ୍ଖଳା ସହ ବନ୍ଦ ପାଳନ କରାଯାଇଛି। ଦୀର୍ଘ ବର୍ଷରୁ ପଶ୍ଚିମ ଓଡିଶାର ୧୧ ଗୋଟି ଜିଲ୍ଲାକୁ ନେଇ ସ୍ୱତନ୍ତ୍ର କୋଶଲ୍ ରାଜ୍ୟ ଗଠନ ଦାବି କରି ଆସୁଥିବା କୋଶଲ ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ଆଜି ପୁଣି ୧୨ ଘଣ୍ଟିଆ କୋଶଲ ମହାବନ୍ଦ ଡାକରା ଦେଇଛି।  ଏଥିରେ ସ୍କୁଲ, କଲେଜ୍,  ବ୍ୟାଙ୍କ, ପୋଷ୍ଟ ଅଫିସ, ସରକାରୀ ବେସରକାରୀ କାର୍ଯ୍ୟlଳୟ ଗୁଡ଼ିକ ବନ୍ଦ ରହି ଥିବା ବେଳେ ଦୋକାନ ବଜାର ସହ ଜାନବହନ ଚଳାଚଳ ମଧ୍ୟ ବନ୍ଦ ରହିଛି। ଅଞ୍ଚଳର ସୁବଳୟା,କମିରାଛକ, ଖଣ୍ଡହତା, ମୁର୍ଷୁଣ୍ଢୀ ଓ ଅମରପାଲି ପ୍ରଭୁତି ସ୍ଥାନ ମାନଙ୍କରେ ଜନସାଧାରଣ ସମର୍ଥନ କରି ବନ୍ଦ ପାଳନ ହୋଇଥିବା ଜଣାଯାଇଛି। କୋଶଳ ସେନା ପକ୍ଷରୁ  ସମସ୍ତ ସରକାରୀ ଓ ବେସରକାରୀ କାର୍ଯ୍ୟଳୟ ବନ୍ଦ କରାଯାଇଥିବା ବେଳେ କୋଶଳ ସେନା ସହର ର ବିଭିନ୍ନ ଛକ ରେ ରାସ୍ତାରୋକ କରିଛନ୍ତି। ଏହି ମହାବନ୍ଦ ସହିତ ସହରର ସମସ୍ତ ବର୍ଗ ର ଲୋକଙ୍କ ସହ ବିଭିନ୍ନ କ୍ରିୟାନୁଷ୍ଠାନ ଯୋଡି ହୋଇପଡିବା ଫଳରେ କେବଳ ଜରୁରୀ କାଳୀନ ସେବା ବ୍ୟତୀତ ଅନ୍ୟ ସମସ୍ତ ଅନୁଷ୍ଠାନ  ବନ୍ଦ ଥିବା ଦେଖା ଯାଇଛି l ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି  ପୋଲିସ୍ ପକ୍ଷରୁ ବ୍ୟାପକ ବନ୍ଦୋବସ୍ତ ହୋଇଥିବା ଦେଖିବାକୁ ମିଳିଛି l ଏଥିରେ ରାଜେଶ ସେଠୀ, ଶେଷଦେବ ବାରିକ, ବିନୋଦ ପାଣ୍ଡେ, ସୁଦାମ ଚରଣ ମେହେର, ପ୍ରହଲ୍ଲାଦ ବିହାରି ଦାସ, ଉପେନ୍ଦ୍ର ଦାସ, ଶରତ ମିଶ୍ରଙ୍କ ସହ ଜନସାଧାରଣ  ସାମିଲ ହୋଇଥିଲେ।