18-Nov-2023

ସମ୍ବଲପୁର,୧୮/୧୧(ସଂଜିପ ପାଣିଗ୍ରାହୀଙ୍କ ରିପୋର୍ଟ): ଓଡିଶା ସାମ୍ବାଦିକ ସଂଘ (ଓଜେୟୁ) ରୁ ବହିସ୍କୃତ ହୋଇଛନ୍ତି ସମ୍ବଲପୁର ଜ଼ିଲ୍ଲା ଶାଖା ର କାର୍ଯ୍ୟକାରୀ ସଭାପତି ରବୀନ୍ଦ୍ର ପ୍ରସାଦ ଦାନୀ I ଶୁକ୍ରବାର ଏ ନେଇ ସଂଘର ଏକ ଜରୁରୀ କାର୍ଯ୍ୟକାରୀ କମିଟି ବୈଠକ ଅନୁଷ୍ଠିତ ହୋଇଥିଲା I ବୈଠକରେ କାର୍ଯ୍ୟକାରୀ ସଭାପତି ରହିଥିବା ରବୀନ୍ଦ୍ର ପ୍ରସାଦ ଦାନୀ ସଂଘରେ ବିଶୃଙ୍ଖଳା ସୃଷ୍ଟି କରିବା ନେଇ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା I ସଂଘର ପ୍ରାନ୍ତୀୟ ସମ୍ପାଦକ (ପଶ୍ଚିମ ଓଡିଶା) ଶ୍ରୀ ରମାକାନ୍ତ ବିଶ୍ୱାଳ ଏବଂ ରାଜ୍ୟ ଉପ ସଭାପତି ଶ୍ରୀ ସୁଶାନ୍ତ ମହାପାତ୍ର ଙ୍କ ଉପସ୍ଥିତିରେ ସଂଘରେ ବିଶୃଙ୍ଖଳା କରିବା ଅଭିଯୋଗ ଆଧାରରେ ରାଜ୍ୟ ସଂଘର ସ୍ୱୀକୃତି କ୍ରମେ ଶ୍ରୀ ଦାନୀ ଙ୍କୁ ଓଡିଶା ସାମ୍ବାଦିକ ସଂଘ (ଓଜେୟୁ) ର ପ୍ରାଥମିକ ସଦସ୍ୟ ତଥା ଜ଼ିଲ୍ଲା କାର୍ଯ୍ୟକାରୀ ସଭାପତି ପଦବୀରୁ ବହିସ୍କୃତ କରାଯାଇଥିବା ଜ଼ିଲ୍ଲା ସଭାପତି ଶ୍ରୀ ହିମାଂଶୁ ଶେଖର ମିଶ୍ର ଏବଂ ସାଧାରଣ ସମ୍ପାଦକ ଶ୍ରୀ ସରୋଜ ସାହୁ ପ୍ରେସ୍ ବାର୍ତ୍ତା ମାଧ୍ୟମ ରେ ଜଣାଇଛନ୍ତି I