17-Nov-2023

 ବୋଡ଼େନ   (ଡୋଲେସ୍ବର ଵାଗ )ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ବୋଡ଼େନ ଶିଶୁ ମନ୍ଦିର ଠାରେ ଇ ବିମାନ ଟ୍ରାନ୍ସପୋର୍ଟ ପ୍ରାଇଭେଟ୍  ଲିମିଟେଡ କମ୍ପାନୀର ଶୁଭ ଉଦ୍ଘାଟନ ହୋଇଯାଇଛି ।  ଏହି ଅବସରରେ  ବୋଡ଼େନ ପଞ୍ଚାୟତ ସମିତି ଅଧ୍ୟକ୍ଷା ପ୍ରେମ ଶିଳା ନାଗ ମୁଖ୍ୟ ଅତିଥି ଭାବରେ ଯୋଗଦେଇ ଇ ବିମାନ ଟ୍ରାନ୍ସପୋର୍ଟର ଶୁଭ ଉଦ୍ଘାଟନ କରିଛନ୍ତି।  ସମ୍ମାନିତ ଅତିଥି ଭାବେ ଅବସର ପ୍ରାପ୍ତ ବି ଇ ଓ ସରୋଜ ବେହେରା ,  ବୋଡ଼େନ ବି ଇ ଓ  ରୁଦ୍ରମାଧବ ମେହେର , ସିଆରପିଏଫ୍ ୨୧୬ ବାଟାଲିୟନର ଡେପୁଟି କମାନଡେଣ୍ଟ ଅମିତ୍ କୁମାର , ଶିଶୁ ମନ୍ଦିର ସମ୍ପାଦକ ରୋହିତ କୁମାର ଦଣ୍ଡସେନା , ବୋଡ଼େନ ବ୍ଲକ ସାମ୍ବାଦିକ ସଙ୍ଗଠନର ସଭାପତି ବିଶିକେଶନ ପଣ୍ଡା , ସହ କୋଷାଧ୍ୟକ୍ଷ ଗଣେଶ ଚନ୍ଦ୍ର ବାଗ , ବରିଷ୍ଠ ସାମ୍ବାଦିକ ଟିକେଶ୍ୱର୍ ନାଗ  , ଶିକ୍ଷକ ବୈଷ୍ଣବ ଦୂରିଆ ଉପସ୍ଥିତ ଥିବା ବେଳେ ବୋଡ଼େନ ଅଞ୍ଚଳର ବହୁ ଗୁଣି , ଜ୍ଞାନୀ , ବୁଦ୍ଧିଜୀବୀ ତଥା ସାଧାରଣ ଜନତା ଉପସ୍ଥିତଥିଲେ । ଉଦ୍ଗାଟନି ଉତ୍ସବରେ ଇ ବିମାନର ପ୍ରତିଷ୍ଠାତା ନିର୍ଦ୍ଦେଶକ ଅଭିଜିତ ମହାନ୍ତିଙ୍କର ଉଦ୍ୟମକୁ ସମସ୍ତେ ପ୍ରଶଂସା କରିବା ସହ ଯାତାୟାତରେ ଏକ ବିପ୍ଳବ ଆଣିବ ବୋଲି ଅତିଥି ମାନେ ମତ ପ୍ରକାଶ କରିଥିଲେ ।ଗୋଟିଏ ଆପରେ ଅନ୍ ଲାଇନ୍ ବୁକିଂ କରି ଅଳ୍ପ ମୂଲ୍ୟରେ ଯାତାୟାତରେ ସମ୍ଭବ ସାଙ୍ଗକୁ ନିଯୁକ୍ତି ସୁବିଧା ଏହାର ମୁଖ୍ୟ ଉଦ୍ଦେଶ୍ୟ ବୋଲି ଇ ବିମାନ ଟ୍ରାନ୍ସପୋର୍ଟ କମ୍ପାନୀର ନିର୍ଦ୍ଦେଶକ ଅଭିଜିତ ମହାନ୍ତି ମତ ରଖିଥିଲେ । ପୁନଃ ଏହି କମ୍ପାନିରେ ନିଜ ଗାଡିରେ ରେଜିଷ୍ଟେସନ କରିଥିବା ମାଲିକ ମାନେ ବେଶ ରୋଜଗାର ପାଇବା ସାଙ୍ଗକୁ ଅଳ୍ପ ଖର୍ଚ୍ଚରେ ଯାତ୍ରୀ ମାନେ ଯାତାୟତରେ ସୁବିଧା ପାଇପାରିବେ ବୋଲି ଆଶା ପ୍ରକାଶ କରିଛନ୍ତି। ଇ ବିମାନ ଟ୍ରାନ୍ସପୋର୍ଟ କମ୍ପାନୀର ନିର୍ଦ୍ଦେଶକ  ହେଉଛନ୍ତି ବୋଡ଼େନ ବିଜୁ ପଟ୍ଟନାୟକ ଉଚ୍ଚ ମାଧ୍ୟମିକ ବିଦ୍ୟାଳୟର ଇତିହାସ ଅଧ୍ୟାପକ ଗୟାଧର ମହାନ୍ତି ଓ ସଂଯୁକ୍ତା ମହାନ୍ତିଙ୍କ ସୁପୁତ୍ର ଅଭିଜିତ ମହାନ୍ତି ।