16-Nov-2023

ବଲାଙ୍ଗିର,  ସ୍ଥାନୀୟ ବିଜୁଳି ସଂଘ କାର୍ଯ୍ୟାଳୟ ଠାରେ ବିଭିନ୍ନ କୋଶଳ ସଂଗଠନକୁ ନେଇ ଗଠିତ ସଂଯୁକ୍ତ କ୍ରିୟାନୁଷ୍ଠାନ କମିଟି ଆନୁକୂଲ୍ୟରେ ଆସନ୍ତା ୧୮ ତାରିଖ ହେବାକୁ ଥିବା କୋଶଳ ମହାବନ୍ଦ କୁ ନେଇ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । କୋଶଳବାଦୀ ନେତା ମନୋରଂଜନ ସାହୁଙ୍କ ଆବାହକତ୍ୱରେ ଅନୁଷ୍ଠିତ ଏହି ବୈଠକରେ କୋଶଳ ରାଜ୍ୟ ସମନ୍ୱୟ ସମିତିର ଅଧ୍ୟକ୍ଷ ପ୍ରମୋଦ କୁମାର ମିଶ୍ର ଯୋଗ ଦେଇ କୋଶଳାଂଚଳରେ ଲାଗିରହିଥିବା ବିଭିନ୍ନ ସମସ୍ୟାର ସମାଧାନ ପାଇଁ କେବଳ ସ୍ୱତନ୍ତ୍ର ରାଜ୍ୟ ଗଠନ ହିଁ ଏକମାତ୍ର ବିକଳ୍ପ ବୋଲି କହିଥିଲେ । କୋଶଳ ରାଜ୍ୟ ଦାବିକୁ ନେଇ ଆସନ୍ତା ୧୮ ତାରିଖ କୋଶଳାଂଚଳର ସମସ୍ତ ଜିଲ୍ଲାରେ ମହାବନ୍ଦକୁ ଜୋରଦାର୍ ରୂପେ ପାଳନ କରିବାକୁ ଆହ୍ୱାନ ଦେଇଥିଲେ । ଏଥିରେ ସରପଂଚ କୌସ୍ତୁବ ସାହୁ, କ୍ରିୟାନୁଷ୍ଠାନ କମିଟିର ଗୋପାଳଜୀ ପାଣିଗ୍ରାହୀ, ବିନୋଦ କାଲାସାଏ, ଟ୍ରେଡ୍ ୟୁନିୟନ ନେତା ବିଭୁଦତ୍ତ ମିଶ୍ର, ରବିଶଙ୍କର ମିଶ୍ର, ବିଜୁଳି ସଂଘର ବିଭୂତି ବିନ୍ଧାଣି, ଜ୍ୟୋତି ମହାନ୍ତି, ରାମଚନ୍ଦ୍ର ଶତପଥୀ, ରିଲୁ ରଥ, ଡୋଳାମଣି ପ୍ରଧାନ, କଳାକାର କପିଳେଶ୍ୱର ଖମାରୀ , ମହମ୍ମଦ ବବଲୁ କୁରେସୀ, କୋଶଳ ମୁକ୍ତି ମୋର୍ଚ୍ଚାର ସଭାପତି ବିକାଶ ସା ପ୍ରମୁଖ ଯୋଗ ଦେଇଥିଲେ । ଶେଷରେ ରଣରାଜ ସିଂଦେଓ ଧନ୍ୟବାଦ ଜ୍ଞାପନ କରିଥିଲେ ।