15-Nov-2023

ବୀରମହାରାଜପୁର,(ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବରିଷ୍ଠ ନାଗରିକ ସଂଗଠନ କାର୍ଯ୍ୟାଳୟ ଠାରେ  ମହାନଦୀ ନେତ୍ର ଚିକିତ୍ସାଳୟ ଓ ବରିଷ୍ଠ ନାଗରିକ ସଂଘ ମିଳିତ ଆନୁକୂଲ୍ୟରେ ମଙ୍ଗଳବାର ବିଶ୍ଵ ମଧୁମେହ ଦିବସ ତଥା ପଣ୍ଡିତ ଜବାହରଲାଲ ନେହେରୁଙ୍କ ଜନ୍ମ ଦିନ ପାଳିତ ହୋଇଯାଇଛି । ବରିଷ୍ଠ ନାଗରିକ ସଂଗଠନର ସଭାପତି ଡ଼.ପ୍ରଫୁଲ୍ଲ ରଥଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଡାକ୍ତର ମନୋଜ ମାରାଠେ ମୁଖ୍ୟ ଅତିଥି ଓ ଡାକ୍ତର ସୁଜିତ ଥାପା ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ଦ୍ୱୀତିକୃଷ୍ଣ ପଣ୍ଡା ସଭାର ସଂଯୋଜନା କରିଥିବାବେଳେ ସମ୍ପାଦକ ସନ୍ତୋଷ ଷଡ଼ଙ୍ଗୀ ସ୍ବାଗତ ଜଣେଇ ଥିଲେ । ଦିଲ୍ଲୀପ ତ୍ରିପାଠୀ ଅତିଥି ପରିଚୟ ପ୍ରଦାନ କରିଥିଲେ । ଏହି ପରିପ୍ରେକ୍ଷୀରେ ନେତ୍ର ଚିକିତ୍ସାଳୟର କର୍ମଚାରୀଙ୍କ ଦ୍ଵାରା ବରିଷ୍ଠ ନାଗରିକମାନଙ୍କୁ ମାଗଣା ଚକ୍ଷୁ ଚିକିତ୍ସା କରାଯାଇଥିଲା । ଏଥିରେ ୪୭ ଜଣ ବରିଷ୍ଠ ନାଗରିକଙ୍କ ଚକ୍ଷୁ ପରୀକ୍ଷା କରାଯାଇଥିଲା । ଶେଷରେ ନିରୁ ଭୋଇ ଧନ୍ୟବାଦ ଅର୍ପଣ କରିଥିଲେ । ପିଙ୍କି ବାଘ, ସୌମ୍ୟରଞ୍ଜନ ମହାପାତ୍ର, ମହେଶ ବେହେରା, ବିଭୁପ୍ରସାଦ ବଳିୟାର ସିଂ ପ୍ରମୁଖ ଏଥିରେ ସହଯୋଗ କରିଥିଲେ । ଧ୍ରୁବଚରଣ ଦାଶ, ଜୟ ସାହୁ, ଚମରା ମହାକୁର, ଗୋପୀନାଥ ମହାକୁର, ରାଧେଶ୍ୟାମ ରାଏ, ଶ୍ୟାମସୁନ୍ଦର ସେଠୀ, ଆଶ୍ରୟ ମହାନନ୍ଦ, ରଘୁନାଥ ପଧାନ, ଅକ୍ରୁର ଦନ୍ତା, ଦୟାନିଧି ହୋତା ପ୍ରମୁଖ ଏଥିରେ ଉପସ୍ଥିତ ଥିଲେ ।