15-Nov-2023

ବୋଡ଼େନ  (ଡୋଲେସ୍ୱର ବାଗ)
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଲିଟିସର୍ଗି ରାଜୀବ ଗାନ୍ଧୀ ନିର୍ମାଣ କେନ୍ଦ୍ରଠାରେ ଲିଟି ସର୍ଗି ପଞ୍ଚାୟତର ସମସ୍ତ ସ୍ଵୟଂ ସହାୟିକା ଗୋଷ୍ଠୀର ମହିଳା , ସି ଏଲ ଏଫ୍ ମେମ୍ବର,ମହାସଂଘର ଇ ସି ମେମ୍ବର ,ପ୍ରାଣୀ ମିତ୍ର,କୃଷି ମିତ୍ରଙ୍କୁ ନେଇ ଉତ୍କଳ ଗ୍ରାମୀଣ ବ୍ୟାଙ୍କ୍ କରଙ୍ଗାମାଳ ଶାଖା ଦ୍ଵାରା ଏକ ଋଣ ମେଳାର ଆୟୋଜନ ହୋଇଥିଲା ।ଏହି ମେଳାରେ  ଏଲ ଡି ଏମ ନୂଆପଡ଼ା ଶ୍ରୀଯୁକ୍ତ ସୀତାରାମ ମେହେର ଅଧ୍ୟକ୍ଷତା କରିଥିବାବେଳେ ବ୍ୟାଙ୍କ ପରିଚାଳକ ସୌଭାଗ୍ୟ କୁମାର ବିଶ୍ଵାଳ,ବି ପି ଏମ ଖଗେଶ୍ବର ମେହେର ,ଏଲ ଏସ ପି ଡମ୍ବରୁ ଧର ଧରୂଆ, ବ୍ୟାଙ୍କ୍ କ୍ୟାସିଅର୍ ଡମ୍ବରୁ ଧର ଶବର,ବ୍ୟାଙ୍କ୍ ମିତ୍ର ସବିତା ବାଗ,ଏମ ବି କେ ଚମ୍ପା ବାଗ ମଞ୍ଚାଷିନ ଥିଲେ । ଏଲ ଡି ଏମ ପ୍ରତ୍ୟେକ ପ୍ରକାର ଋଣ ଏବଂ ଋଣ କିଭଳି ପରିଶୋଧ କରାଯିବ ତା'ର ପ୍ରକ୍ରିୟା ଗୁଡ଼ିକ ବୁଝାଇବା ସହିତ ଏସ ଏଚ୍ ଜି ଗୁଡ଼ିକ କିପରି ଅର୍ଥ ଉପାର୍ଜନ କରିବେ ତା ପାଇଁ ବିଭିନ୍ନ ଉପାୟ ସବୁ କହିଥିଲେ ।ନିଜେ ବଞ୍ଚିବା ଓ ଆଗାମୀ ପିଢ଼ିକୁ ବଞ୍ଚାଇବା ଏବଂ ସାମାଜିକ ସୁରକ୍ଷା ପାଇଁ ଦୃଢ ମନୋଭାବ ରଖିବାକୁ ଅନୁରୋଧ କରିଥିଲେ ।ଜୀବନ ବୀମା ଗୁଡ଼ିକ ଆମ ନିଜ ପରିବାରକୁ କିପରି ସହଯୋଗ କରେ,ଜୀବନ ବୀମା କରିବା ଦ୍ଵାରା ଆମର କ'ଣ ଲାଭ ହୁଏ ତାକୁ ବିସ୍ତୃତ ଭାବରେ ବୁଝାଇଥିଲେ ।ବ୍ୟାଙ୍କ୍ ମିତ୍ର ସମସ୍ତ ସ୍ଵୟଂ ସହାୟିକା ଗୋଷ୍ଠୀର ମହିଳା ଙ୍କୁ କହିଲେ ଯେ ସେମାନଙ୍କ ନିଜର,ତାଙ୍କ ପରିବାରର ଅନ୍ୟ ସଦସ୍ୟଙ୍କର ତଥା ନିଜ ନିଜ ଆଞ୍ଚଳିକ ମଂଚର ସମସ୍ତଙ୍କ ଜୀବନ ବୀମା କରିବାକୁ ବିଶେଷ ଅନୁରୋଧ କରିଥିଲେ ।ଅଟଳ ବୀମା ଦ୍ଵାରା ହିତାଧିକାରୀ ତଥା ତାର ଉତ୍ତରାଧିକାରୀର ଲାଭ ସମାଜ ପ୍ରତି କେତେ ଜରୁରୀ ଅଟେ ତାହା ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ଆଜି ୯ ଟି ସ୍ଵୟଂ ସହାୟିକା ଗୋଷ୍ଠୀକୁ ସମୁଦାୟ ୨୪ ଲକ୍ଷ ଟଙ୍କା ଋଣ ଦେବାକୁ ଅନୁମୋଦନ କରିବା ସହ ଚିଠି ପ୍ରଦାନ କରାଗଲା ।ନିୟମିତ ସଞ୍ଚୟ ସହିତ ନିୟମିତ ଋଣ ପରିଶୋଧ କରିବାକୁ ବ୍ୟାଙ୍କ୍ ପରିଚାଳକ ଜଣାଇଛନ୍ତି ।କହିଛନ୍ତି କି ଋଣ ଟଙ୍କା ଗୁଡ଼ିକୁ ବ୍ୟବସାୟ କରି ଅଧିକ ଅର୍ଥ ଉପାର୍ଜନ କରିବାପାଇଁ ପ୍ରୟାସ କରିବା ପ୍ରତ୍ୟେକ ଏସ ଏଚ୍ ଜି ର ମୂଳ ଲକ୍ଷ ହେବା ଆବଶ୍ୟକ ।