15-Nov-2023

ବଲାଙ୍ଗିର / ଆଜି ସକାଳ ପ୍ରାୟ ୭ ଟା ସମୟରେ ବଲାଙ୍ଗିର ଜିଲ୍ଲା ଓକିଲ ସଂଘ ର ସମ୍ପାଦକ ତଥା ଉଦୀୟମାନ ଯୁବ ନେତା ଅମନ ନାଗ ଙ୍କ ହୃଦଘାତରେ ଅକାଳ ବିୟୋଗ ଘଟିଛି l ମୃତ୍ୟୁ ସମୟରେ ତାଙ୍କୁ ମାତ୍ର ୫୨ ବର୍ଷ ହେଉଥିଲା l ଗତକାଲି ଅମନ ଙ୍କ ଛାତି ରେ ଯନ୍ତ୍ର୍ରଣା ହେବାରୁ ତାଙ୍କୁ ସଙ୍ଗେ ସଙ୍ଗେ ବରଗଡ଼ ବିକାଶ ହସ୍ପିଟାଲ ରେ ଭର୍ତ୍ତି କରାଯାଇଥିଲା l ତେବେ ଡାକ୍ତରଙ୍କ ସମସ୍ତ୍ ପ୍ରଚେଷ୍ଟା ସତ୍ତ୍ୱେ ଆଜି ସକାଳେ ଅମନ ସବୁ ଦିନ ପାଇଁ ଆର ପରିକୁ ଚାଲିଗଲେ l ସମ୍ବଲପୁର ବିଶ୍ଵବିଦ୍ୟାଳୟ ଛାତ୍ର ସଂସଦ ସମ୍ପାଦକ ଭାବରେ ଅମନ ନାଗ ଛାତ୍ର ରାଜନୀତି ରୁ ନିଜର ରାଜନୈତିକ କ୍ୟାରିଅର ଆରମ୍ଭ କରିଥିଲେ l ଅମନ ନାଗ ତିନି ତିନି ଥର ଧରି ଜିଲ୍ଲା ଓକିଲ

ସଂଘ ର ସମ୍ପାଦକ ପଦ ତୁଲାଇ ଆସିଥିଲେ l ନିକଟରେ ଷ୍ଟେଟ୍ ବାର କାଉନସିଲ ନିର୍ବାଚନରେ ସଭ୍ଯ ପଦ ପାଇଁ ପ୍ରତିଦ୍ୱନ୍ଦିତା କରି ଥିବା ବେଳେ ବଲାଙ୍ଗିର ମୁନିସିପାଲିଟି ନିର୍ବାଚନରେ ତାଙ୍କ ସ୍ତ୍ରୀ ଅଧ୍ୟକ୍ଷା ଆସନରେ ବିଜେପି ରୁ ପ୍ରତିଦ୍ୱନ୍ଦିତା କରିଥିଲେ l ଜଣେ ସଫଳ ସଂଗଠକ,କ୍ରୀଡା ପ୍ରେମୀ ଓ ମେଳାପୀ ମଣିଷ ଭାବେ ଅମନ ବେଶ୍ ଜଣାଶୁଣା ଥିଲେ l ଅସମୟରେ ଯୁବ ନେତା ଅମନ ନାଗ ଙ୍କ ପରଲୋକ ରେ ଜିଲ୍ଲା ଓକିଲ ସଂଘ ପକ୍ଷରୁ ଗଭୀର ଶୋକ ପ୍ରକାଶ କରାଯାଇଛି l