14-Nov-2023

ରେଢାଖୋଲ (ଅନିଲ ପୃଷ୍ଟି ) ଓଡିଆ ଶିଶୁ ସାହିତ୍ୟ ଜଗତରେ ଚହଳ ପକାଇଥିବା ବିଶିଷ୍ଟ ଶିଶୁ ସାହିତ୍ୟିକ ଡଃ ଶୁଭେନ୍ଦ୍ର ମୋହନ ଶ୍ରୀ ଚନ୍ଦନ ସିଂହ ଗତ ରାତି ୧ଟା ୨୩ ମିନିଟରେ ନାଗପୁରରେ ମୃତ୍ୟୁବରଣ କରିଥିବା ଜଣା ପଡିଛି l ମୃତ୍ୟୁ ବେଳକୁ ତାଙ୍କୁ ୯୦ ବର୍ଷ ହୋଇଥିଲା l

ଶିଶୁ ସାହିତ୍ୟିକ ଡଃ ଚନ୍ଦନ ଓଡିଆ ଶିଶୁ ସାହିତ୍ୟର ଜଣେ ସଫଳ ସାରସ୍ବତ ସାଧକ l ସେ ୧୯୩୩ ମସିହା ଅଗଷ୍ଟ ୬ ରେ ଅନୁଗୋଳ ଜିଲ୍ଲାର ଆଠମଲ୍ଲୀକର ପାପସରା ଗ୍ରାମରେ ଜନ୍ମଗ୍ରହଣ କରିଥିଲେ l ସେ ୧୦୦ ରୁ ଉଦ୍ଧ୍ବ ପୁସ୍ତକ ରଚନା କରିଛନ୍ତି l ପୁସ୍ତକ ଗୁଡିକ ମଧ୍ୟରେ ଟିକିପରୀ, ଗବେଷଣା

ପ୍ରସଙ୍ଗ, ହୋ ହୋ ରାଣୀ,ଲାଲ୍ ଟୁକୁନିର କଥା,କଥା ଶତକ, ମୁଁ ମୋ ମାତ୍ରୁଭାଷା ମୋ ଜୀବନ (ଆତ୍ମଜୀବନୀ) , ଅନଳ (ଗଳ୍ପ) , ନାରୀ ବନାମ ସୁନନ୍ଦା (ଗପ) , ଗାୟତ୍ରୀ ନିଳୟେ ଅଶୁଭ ରାତ୍ରୀ (ଉପନ୍ୟାସ), ନରଖାଦକର ଆହ୍ବାନ (ଅନୁବାଦ), ଆଦି ଅନ୍ୟତମ l ସେ ୨୦୧୭ ମସିହାରେ କେନ୍ଦ୍ର ସାହିତ୍ୟ ଏକାଡେମୀ ତରଫରୁ ବାଲ୍ ସାହିତ୍ୟ ପୁରସ୍କାର ପାଇଥିଲେ l ୨୦୧୦ ମସିହାରେ "ଟିକିପରି" ପୁସ୍ତକ ପାଇଁ ଓଡିଶା ସାହିତ୍ୟ ଏକାଡେମୀ ତରଫରୁ ମଧ୍ୟ ପୁରସ୍କାର ପାଇବା ସହ ଓଡିଶାର ବହୁ ଅନୁଷ୍ଠାନରୁ ପୁରସ୍କାର ପାଇଥିଲେ l ସେ ମାଧ୍ୟମିକ ଶିକ୍ଷା ପରିଷଦର ଓଡିଆ ଭାଷା ବିଶେଷଜ୍ଞ ଭାବରେ ମଧ୍ୟ କାର୍ଯ୍ୟ କରି ଅବସର ନେଇଥିଲେ l
 

ଡଃ ଚନ୍ଦନ ନାଗପୁରରେ ପୁଅ ପ୍ରଫେସର ଡଃ ଶିଳାଦିତ୍ୟ ବିକାଶ ଶ୍ରୀଚନ୍ଦନ ସିଂହ ପାଖରେ ଦୀର୍ଘ ଦିନ ହେଲା ରହି ଆସୁଥିଲେ ା ରେଢାଖୋଲରେ ମଧ୍ୟ ନିଜ ପୁତ୍ର ଅଧ୍ୟାପକ ଡଃ ବାଳାଦିତ୍ୟ ବିକାଶ ଶ୍ରୀ ଚନ୍ଦନଙ୍କ ପାଖରେ କିଛି ବର୍ଷ ଅବସ୍ଥାନ କରିଥିଲେ ା ଜୀବନ ର ଶେଷ ପର୍ଯ୍ୟନ୍ତ ସେ ଲେଖନୀ ଚାଳନା କରିଥିଲେ ା ତାଙ୍କ ମ୍ରୁତ୍ୟୁରେ ଓଡିଆ ସାହିତ୍ୟର ଅପୂରଣୀୟ କ୍ଷତି ହୋଇଛି l ମୃତ୍ୟୁ ଶଯ୍ୟା ନିକଟରେ ପତ୍ନୀ , ପୁଅ , ପୁତ୍ର ବଧୂ ଆଦି ଉପସ୍ଥିତ ଥିଲେ ା