13-Nov-2023

ନୂଆପଡ଼ା (ଡୋଲେସ୍ବର ବାଗ)- ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଲର୍କା ଗ୍ରାମପଞ୍ଚାୟତଠାରେ ବୋଡ଼େନ ବିଡିଓ ପ୍ରିୟରଞ୍ଜନ କୁମାର ଓ  ତହସିଲଦାର ସରିତା ଗୁପ୍ତାଙ୍କ ଯୁଗ୍ମ  ଅଧ୍ୟକ୍ଷତାରେ ଗାଁରେ ପ୍ରଶାସନ କାର୍ଯ୍ୟକ୍ରମରେ ଅଭିଯୋଗ ଅନୁଯାୟୀ 
ଜନଶୁଣାଣୀ ଶିବିର ଅନୁଷ୍ଠିତ ହୋଇଥିଲା ।ଏହି ଶିବିରରେ ସମୁଦାୟ ୧୧ ଟି ଅଭିଯୋଗ ମଧ୍ୟରେ ମାତ୍ର ଗୋଟିଏ ସାମୁହିକ ଅଭିଯୋଗ ଲର୍କା ଗ୍ରାମରେ ଖେଳ ପଡିଆ ପାଇଁ ଦାଖଲ ହୋଇଥିଲା ଓ ଅନ୍ୟ ଅଭିଯୋଗ ଗୁଡ଼ିକ ବ୍ୟକ୍ତିଗତ ଭତ୍ତା ପାଇଁ,ବାସଗୃହ ପାଇଁ,ଜମି ପାଇଁ,ଖାଉଟି କାର୍ଡ ପାଇଁ,ଶ୍ରମିକଙ୍କ ମଜୁରୀ ପାଇଁ ଥିଲା ।ସୁନ୍ଦର ଶାସନ ପାଇଁ ପ୍ରଶାସନ ଆପଣେଇଥିବା ଏହି ଗାଁରେ ପ୍ରଶାସନ କାର୍ଯ୍ୟକ୍ରମ ପ୍ରତି ଲୋକଙ୍କ  ଆସ୍ଥା କମି କମି ଯାଉଛି କିମ୍ବା ଲୋକ ନିଜ ନିଜ କାମଧନ୍ଦାରେ ବ୍ୟସ୍ତ ଥିବେ ବୋଧହୁଏ ଯେଉଁଥି ପାଇଁ କି ଅଭିଯୋଗ ପୂର୍ବ ଅପେକ୍ଷା କମିବାରେ ଲାଗିଛି ।

ଆଜି ଏହି ଅଭିଯୋଗ ଶୁଣାଣି ଶିବିରରେ ଲର୍କା
ସରପଂଚ ଜୟଶ୍ରୀ ପଟେଲ,ସହାୟକ ନିର୍ବାହୀ ଯନ୍ତ୍ରୀ ଆଶୁତୋଷ ରାଉତ , ଏ ପି ଓ ରବିନାରାୟଣ ରାଉତ,ଓ ଏଲ ଏମ ବି ପି ଏମ  ଖଗେଶ୍ବର ମେହେର,ବି ଏସ ଏସ ଓ ହିତେଶ ଆଡବାହି,ବି ପି ସି ରୁଦ୍ରସ୍ଵର  ନାଗ,ଖାଉଟି ଅଧିକାରୀ ସୁଧୀର କୁମାର ପୋଡ଼,ପଞ୍ଚାୟତ ନିର୍ବାହୀ ଅଧିକାରୀ ବାବୁଜୀ ମାଝୀ,ଜି ଆର୍ ଏସ ଗୋପାଳ ଦାସ,ସି ଆର୍ ସି ସି ସଂଯୋଗ ବାଗ,ଜଳ ଓ ପରିମଳ ବିଭାଗ କନିଷ୍ଠ ଯନ୍ତ୍ରୀ ବାଲମୁଚୁ ବାବୁ ,କନିଷ୍ଠ ଯନ୍ତ୍ରୀ ଯୋଗେଶ୍ୱର୍ ନାଏକ,ବି ଆର୍ ସି ହେରାମ୍ବ ବିଶ୍ଵାଳ,ପ୍ରାଣୀ ସମ୍ପଦ ବିଶେଷଜ୍ଞ କଳ୍ପନା ମଙ୍ଗରାଜ ,ବି ଆର୍ ଟି ତୁଳସୀ ରାମ ବାଗ ଉପସ୍ଥିତ ରହି ଅଭିଯୋଗ ଗୁଡ଼ିକର ସମାଧାନ ପାଇଁସହଯୋଗ କରିଥିଲେ ।ଅଞ୍ଚଳର ସମାଜ ସେବୀ କୃତ୍ତି ବାସ ପଟେଲ ପ୍ରତି ଜନ ଶୁଣାଣିରେ ଲୋକଙ୍କୁ ସହଯୋଗ କରିବା ସହ ପଞ୍ଚାୟତର ପ୍ରତିଟି ବିକାଶ ମୂଳକ କାମରେ ସହଯୋଗ କରି ଆସୁଛନ୍ତି ।