13-Nov-2023

ବଲାଙ୍ଗିର (ମଳୟ ମିଶ୍ର ଙ୍କ ରିପୋର୍ଟ ):  ବର୍ଷ ବର୍ଷ ଧରି ଅନ୍ ଲାଇନ୍ ଜୁଆଖେଳ ବା ସଦ୍ୟତମ ଘଟଣା ଅନୁଯାୟୀ  ଆଇପିଏଲ୍ କ୍ରିକେଟ୍ ବେଟିଂ ଚାଲିଛି ।  କଣ୍ଟାବାଞ୍ଜିର କେତେକ ଜୁଆଖେଳାଳୀ ପଡୋଶୀ ଛତିଶଗଡର ରାୟପୁରରେ ବସି ଏହି କୋଟି କୋଟିଟଙ୍କାର ଅନ୍ ଲାଇନ୍ ଜୁଆଖେଳ ମନିଟର କରୁଛନ୍ତି । ଏହାକୁ କେତେକ ବ୍ୟବସାୟୀ ସହଯୋଗ କରୁଛନ୍ତି । ନିକଟରେ ଏଭଳି ଏକ ଘଟଣାରେ ବରଗଡ ପୁଲିସ୍ ପ୍ରାୟ ଏକକୋଟି ଟଙ୍କାର ଠକେଇ ଅଭିଯୋଗରେ ବରଗଡରେ ରହୁଥିବା ବଙ୍ଗୋମୁଣ୍ଡାର ଜଣେ ଖୁଦବେପାରର କମିଶନ ଏଜେଣ୍ଟଙ୍କୁ ଗିରଫ କରି ବାହାବା' ନେଉଥିବା ବେଳେ ଏହି ସାଇବର ଜୁଆ ବନାମ ଠକେଇର ଜାଲଖେଳି ଅନେକ ଛୋଟମୋଟ ବେପାରୀଙ୍କୁ ଫସାଇ ଏହାର ଅସଲ ଅପରାଧୀଙ୍କୁ ଛାଡିଦେଇଛି । ଏହି ମାମଲାରେ ପ୍ରଥମ ଏତଲାକୁ ଆଡେଇଦେଇ ଉଦ୍ଦେଶ୍ୟମୂଳକ ଦ୍ବିତୀୟ ଏତଲାକ୍ରମେ ବରଗଡ ପୁଲିସ୍ ଏହି ଜୁଆଡି କଣ୍ଟାବାଞ୍ଜିର ହିତେଶ ଜୈନ , ତାର କକା ସୁନୀଲ ଜୈନ  ଓ ସହଯୋଗୀ ମୁଖ୍ୟ ଖୁଦବ୍ୟବସାୟୀ କଣ୍ଟାବାଞ୍ଜିର ମୁରାରୀ ଅଗ୍ରବାଲଙ୍କୁ ଡକାଇ ବଣ୍ଡ୍ ଜାମିନରେ ଛାଡିଥିବା ଜଣାଯାଇଛି ।  ଏଥିରେ ବଙ୍ଗୋମୁଣ୍ଡାର କନଖି ଦଲାଲ ସୁନୀଲ ଅଗ୍ରବାଲ ବିରୁଦ୍ଧରେ ଦଫା ଋଜୁ ପୂର୍ବକ ଗିରଫ କରି କୋର୍ଟ ଚାଲାଣ କରିଛି । କଣ୍ଟାବାଞ୍ଜି ପୁଲିସ୍ ମଧ୍ୟ ଉପରୋକ୍ତ ଅଭିଯୁକ୍ତମାନଙ୍କୁ ଥାନାକୁ ନେଇ ପଚରାଉଚୁରା ଆଳରେ ହାତଚିକ୍କଣ କରିଥିବା ଚର୍ଚ୍ଚା ହେଉଛି । ଆଶ୍ଚର୍ଯ୍ୟର ବିଷୟ ଯେ ଏହି ମାମଲାରେ ରାୟପୁରରେ ବସି ଆଇପିଏଲ୍ କ୍ରିକେଟ୍ ସଟ୍ଟା ଡନ୍ ହିତେଶ ଜୈନ ସେ ଏହି ବେଟିଂ କରୁଥିବା ଓ ତିନିବର୍ଷତଳେ ଏକାଧିକବାର ଗିରଫ ହେଲାପରେ ଆଉ ଏବେ ଖେଳାଉ ନଥିବାର ସଫେଇ ଦେଲାପରେ ତଦନ୍ତକାରୀ ପୁଲିସ୍ ତା ବିରୁଦ୍ଧରେ କୌଣସି ମାମଲା ଋଜୁ କରିନାହିଁ  ! ସେହିପରି ମୁରାରୀ ଅଗ୍ରବାଲଙ୍କ ଠାରୁ ଏହି ଉଦ୍ଦେଶ୍ୟରେ ହିତେଶର କକା ଓ ବାପା ପ୍ରମୁଖ ଲକ୍ଷ ଲକ୍ଷ ଟଙ୍କା ନେଇ ରାୟପୁରରେ ବସି ଏହା ଖେଳାଉଥିବା ହିତେଶ ପାଖକୁ ପଠାଇଥିବା ଥାନାରେ ସ୍ବୀକାର କରିଥିବା ସତ୍ତ୍ୱେ ସେମାନଙ୍କ ବିରୁଦ୍ଧରେ ମଧ୍ୟ ମାମଲା ଋଜୁ କରାଯାଇନାହିଁ  ! ଉଲ୍ଲେଖନୀୟ ଯେ , କୋଟି କୋଟି ଟଙ୍କାର ଅନ୍ ଲାଇନ୍ ଜୁଆଖେଳ ଚଳାଇଆସୁଥିବା ଜୁଆଡି ବା ସହଯୋଗୀଙ୍କ କ୍ଷେତ୍ରରେ ଜୁଆପରି ଏକ ସାମୁହିକ ଅପରାଧର ପ୍ରମାଣ ଓ ସ୍ବୀକାରୋକ୍ତି ପରେ ମଧ୍ୟ ବରଗଡ ଓ କଣ୍ଟାବାଞ୍ଜି ପୁଲିସ୍  ନିଜଆଡୁ ବା  ଏଥିରେ ବରବାଦ ହୋଇ ଆତ୍ମହତ୍ୟା କରିବାକୁ ଯାଇ ମାସାଧିକକାଳ ନିଖୋଜ୍ ରହିବା ପରେ ନିଜେ ଆତ୍ମସମର୍ପଣ କରିଥିବା ଶିକାର ହୋଇଥିବା  ଜଣେ ତଥାକଥିତ ଅଭିଯୁକ୍ତକୁ ଗିରଫ ମାମଲାରେ ଆରମ୍ଭରୁ ତାଙ୍କ ସ୍ବାମୀଙ୍କୁ ଉକ୍ତ ଜୁଆଡିମାନେ ଫସାଇ କୋଟି କୋଟି ଟଙ୍କା ହଡପ କରି ଅପହରଣ ସନ୍ଦେହର ଅଭିଯୋଗ କଲାପରେ ବି ପୁଲିସ୍ ର କାରସାଦୀକୁ ଲୋକେ ସମାଲୋଚନା କରିଛନ୍ତି । ଏ ସମ୍ପର୍କରେ ଜଣେ ବରିଷ୍ଠ ସାମ୍ବାଦିକଙ୍କୁ କଣ୍ଟାବାଞ୍ଜି ଏସଡିପିଓ ଏହି ମାମଲାଟି ଉଭୟ ଜିଲ୍ଲାରେ ସରଗରମ ଥିଲାସମୟରେ ଏକ ଅନୌପଚାରିକ ଆଲୋଚନାରେ ଏଭଳି ସାଇବର ଜୁଆଖେଳର ଆଇନଗତ ଦିଗର ଅନଭିଜ୍ଞତା ସଫେଇ ଦେଇଥିବା ଆଶ୍ଚର୍ଯ୍ୟ କରିଥିଲା । ଏଣୁ ଏହି ମାମଲାରେ କ୍ଷତିଗ୍ରସ୍ତ ମିଲର୍ସମାନେ ସେମାନଙ୍କ ଲକ୍ଷ ଲକ୍ଷ ଟଙ୍କା ଫେରିପାଇବାକୁ ଏଭଳି ଧୂର୍ତ୍ତ ପୁଲିସ୍ ଉପରେ ଭରସା ନକରି ସିଧାସଳଖ ସେମାନଙ୍କ ଠାରୁ ମାଲ୍ ନେଇ ସେମାନଙ୍କୁ କାହିଁକି ପାଉଣା ନଦେଇ ଏହି ଟଙ୍କା ବେଟିଂରେ ଲଗାଯାଉଥିବା ଜାଣିସୁଦ୍ଧା ଖୁଦବ୍ୟବସାୟୀ ଏକ କମିଶନ ଦଲାଲକୁ ଦେଉଥିଲେ , ଏହାର ପ୍ରକୃତ ଅପରାଧୀଙ୍କ ବିରୁଦ୍ଧରେ ପୁଲିସ୍ ର ଉଚ୍ଚଅଧିକାରୀ ଓ ଆଇନ ଅଦାଲତରେ ଅଭିଯୋଗ କରିବା ଆବଶ୍ୟକ ବୋଲି ଚର୍ଚ୍ଚା ହେଉଛି  ।