13-Nov-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ )ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ୟୁଥ ଫ୍ରେଣ୍ଡସ ଆସୋସିଏସନ କଲରାକୋଠା ର ୩୫ତମ ସାର୍ବଜନୀନ ମା ଶ୍ୟାମା କାଳୀପୂଜା ଅବସରରେ ଆୟୋଜିତ ମହିଷାସୁର ଦରବlରର ଦ୍ୱିତୀୟ ସଂଧ୍ୟାର ରଙ୍ଗସଭାରେ ରାଜକୀୟ ଅତିଥିଭାବେ ପୂର୍ବତନ ଜିଲ୍ଲାପରିଷଦ ଅଧ୍ୟକ୍ଷା ଶ୍ରୀମତୀ ମମତା ନାୟକ, ସାମ୍ବାଦିକ ଜୟ କୁମାର ମହାରଣା, କଣ୍ଟାମାଳ ସମିତିସଭ୍ୟା ଶ୍ରୀମତୀ ସନ୍ତୋଷିନୀ ବାଘ ପ୍ରମୁଖ ଯୋଗଦେଇ କାର୍ଯ୍ୟକ୍ରମ ର ଆୟୋଜନ ସମ୍ପର୍କରେ ବକ୍ତବ୍ୟ ରଖିଥିଲେ l ମହିଷାସୁର ଙ୍କ ଆଦେଶ କ୍ରମେ ରଙ୍ଗସଭାକୁ ଧାରଣୀସେନ ସାହୁ ପରିଚାଳନା କରିଥିଲେ l ସେହିପରି ପ୍ରଥମ ଦିନ ଦରବାରରେ ଅତିଥିଭାବେ କଣ୍ଟାମାଳ

ଓକିଲ ସଂଘ ସଭାପତି ଦୂତିଆ ଚରଣ ସାହୁ, ସମାଜସେବୀ ପବିତ୍ର ରଣା, ପ୍ରତିଷ୍ଠାତା ସଦସ୍ୟ ଶକ୍ତି ପ୍ରସାଦ ନାୟକ ପ୍ରମୁଖ ଯୋଗଦେଇ ମହିଷାସୁର ଦରବାରକୁ ଉଦ୍ଘାଟନ କରିଥିଲେ l ଦ୍ୱିତୀୟ ସଂଧ୍ୟାରେ ବ୍ରହ୍ମlଙ୍କ ଦ୍ୱାରା ବରପ୍ରାପ୍ତି ପରେ ମହିଷାସୁର ଙ୍କ ସ୍ବର୍ଗଲୋକ ଆକ୍ରମଣ ଓ ସ୍ବର୍ଗଲୋକ ବିଜୟ l ଉଚ୍ଚଇଶ୍ରବl ଅଶ୍ୱ, ପାରିଜାତ ପୁଷ୍ପ,ଐରାବତ ହସ୍ତୀ ଏବଂ ରମ୍ଭା ନାରୀଙ୍କୁ ନେଇ ନିଜ ରାଜ୍ୟକୁ ପ୍ରତ୍ୟାବର୍ତ୍ତନ ନାଟକ ମଞ୍ଚସ୍ଥ ହୋଇଥିଲା l ମହିଷାସୁର ଭୂମିକାରେ ଅଭିନୟ କରିଥିବା କଳାକାର ମନୋରଞ୍ଜନ ଚିରଗୁଣି ଙ୍କ ନିଖୁଣ ଅଭିନୟ ଦର୍ଶକମାନଙ୍କୁ

ମନ୍ତ୍ରମୁଗ୍ଧ କରିଥିଲା l ଦର୍ଶକ ଓ ଶ୍ରଦ୍ଧାଳୁ ମାନେ ମହିଷାସୁର ଦରବାରରେ ରଙ୍ଗାରଙ୍ଗ ନୃତ୍ୟ ସଙ୍ଗୀତ ଓ ପୌରାଣିକ କଥାବସ୍ତୁ ଉପରେ ଆଧାରିତ ନାଟକ କୁ ମନଭରି ଉପଭୋଗ କରିବା ସହ ମିନlବଜାର ବୁଲି ମନପସନ୍ଦ ଜିନିଷ କିଣିବା ସହ ସୁସ୍ୱାଦୁ ଖାଦ୍ୟର ମଜା ଉଠାଇଥିଲେ l କାର୍ଯ୍ୟକ୍ରମ କୁ କମିଟି ସଭାପତି ପ୍ରଫୁଲ୍ଲ ସାହୁ, ସମ୍ପାଦକ ପ୍ରକାଶ ଚନ୍ଦ୍ର ରଣା ସମେତ ସମସ୍ତ ସଦସ୍ୟ ପରିଚାଳନା ରେ ସହଯୋଗ କରିଥିଲେ l