11-Nov-2023

ଲୋଇସିଂହା, (ପ୍ରେରଣା ଖବର) ଲୋଇସିଂହା ସରସ୍ବତୀ ଶିଶୁ ମନ୍ଦିର ଠାରେ ଅଯୋଧ୍ୟା ରାମମନ୍ଦିର ପ୍ରାଣ ପ୍ରତିଷ୍ଠା ପାଇଁ ଲୋଇସିଂହା ବ୍ଲକସାରା ଜନଜାଗରଣ ସକାଶେ ଏକ ପ୍ରସ୍ତୁତି ବୈଠକ ବ୍ଲକ ସଂଯୋଜକ ରାମଚନ୍ଦ୍ର ପଟେଲଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି l ଏଥିରେ ପର୍ଯ୍ୟବେକ୍ଷକ ଭାବେ ଲୋଇସିଂହା ଖଣ୍ଡପାଳକ ଯୋଗୀନ୍ଦ୍ର ଦାଶ ଯୋଗଦେଇଥିଲେ l ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟ , ବଲାଙ୍ଗିର ଶାଖାର ସଂଯୋଜନାରେ ଜିଲ୍ଲାର ସମସ୍ତ ବ୍ଲକରେ ଏହା ହେଉଥିବାର ସେ ସୂଚନା ଦେଇଥିଲେ l ଏହାପରେ ଲୋଇସିଂହା ବ୍ଲକର ସମସ୍ତ ଗ୍ରାମ ପଞ୍ଚାୟତ ପାଇଁ ସଂଯୋଜକ ଓ ସହ ସଂଯୋଜକ ମନୋନୀତ କରାଯାଇଥିଲା l ଏହି କାର୍ଯ୍ୟକ୍ରମରେ ଯୋଡି ହେବାପାଇଁ ପ୍ରତି ପରିବାରକୁ ନିମନ୍ତ୍ରଣ ସକାଶେ ନିଷ୍ପତ୍ତି ନିଆଯାଇଛି l ୨୨ ଜାନୁୟାରୀ ୨୦୨୪ ଦିନ ପ୍ରତ୍ୟକ ଗ୍ରାମରେ ଥିବା ମନ୍ଦିରକୁ ସଜାଇ ଏକ ଉତ୍ସବର ପରିବେଶ ସୃଷ୍ଟି ପାଇଁ ଯୋଜନା କରାଯାଇଛି l ଏହି ବୈଠକରେ ଅଯୋଧ୍ୟାରେ କରସେବାରେ ଯୋଗ ଦେଇଥିବା କନିଷ୍ଠ କିଶୋର ସାହୁ ତାଙ୍କର ଅନୁଭୂତି କହିଥିଲେ l ବ୍ଲକର ବିଭିନ୍ନ ଅଞ୍ଚଳରୁ ବୈବସ୍ଵତ ବିଶ୍ଵାଲ, ରଘୁନାଥ ସାହୁ, ସାଇଦେବ ପଟେଲ, ବିଶ୍ବରଂଜନ ବହିଦାର, ଅରକ୍ଷିତ ପଧାନ, ସତ୍ୟନାରାୟଣ ପୁଟେଲ, ଶିବପ୍ରସାଦ ପୁଟେଲ, ଦେବାଶିଷ ସାହୁ ଆଦି ଯୋଗଦେଇଥିଲେ l ଶେଷରେ ବ୍ଲକ ସହ ସଂଯୋଜକ ଗଉରନିତେଇ ପଥ୍ରୀମାଳୀ ଧନ୍ୟବାଦ ଅର୍ପଣ କରିଥିଲେ l