10-Nov-2023

ବଲାଙ୍ଗିର, ୧୦.୧୧- ବର୍ତ୍ତମାନର ସଂଯୁକ୍ତ ଆଂଚଳିକ କେନ୍ଦ୍ର, ବଲାଙ୍ଗୀର ୨ଠ୧୫ ମସିହାରେ ସ୍ୱାମୀ ବିବେକାନନ୍ଦ ଜାତୀୟ ପୁନର୍ବାସ ପ୍ରଶିକ୍ଷଣ ଓ ଅନୁସନ୍ଧାନ କେନ୍ଦ୍ରରେ ନାମିତ ହୋଇ ବଲାଙ୍ଗୀରରେ ସ୍ଥାପିତ ହୋଇଥିଲା, ଭାରତ ସରକାର ଅଧୀନସ୍ଥ ସାମାଜିକ ନ୍ୟାୟ ଓ ସଶକ୍ତିକରଣ, ନୂଆଁଦିଲ୍ଲୀ ଯାହାର ଏକ ନୂତନ କୋଠା୨ଠ୧୮ରେ ନିର୍ମିତ ହୋଇଛି । ଏଠାରେ ବିକଳାଙ୍ଗ ଓ ମୂକବଧୀର ମାନଙ୍କ ପାଇଁ ଅଙ୍ଗପ୍ରତିରୋପଣ ତଥା ଯନ୍ତ୍ରାଶୟ ଆଦି ମାଗଣାରେ ଦିଆଯାଏ । ସେହିପରି ସାଧାରଣ ଜନତାକୁ ସଚେତନ କରିବା , ବିଭିନ୍ନ ବ୍ଲକରେ ଶିବିର ଜରିଆରେ ବିକଳାଙ୍ଗ ଶିଶୁ ଓ ମାନସିକ ବିକୃତ ରୋଗୀ ମାନଙ୍କୁ ପୁନର୍ବାସ କେନ୍ଦ୍ର ଉପରେ ଜନସାଧାରଣଙ୍କୁ ଅବଗତ କରି ଚିକିତ୍ସା କରିବା ସହ ବିଭିନ୍ନ କୁଶଳୀ ଅନୁଷ୍ଠାନ ଏଠାରେ କାର୍ଯ୍ୟ କରେ । ଏପରି କେନ୍ଦ୍ର ଭାରତରେ ମାତ୍ର ୪ଟି ସ୍ଥାନ ଯଥା ରାଂଚି, ଗୌହାଟି ଓ ଇମ୍ଫାଲ ଠାରେ କେନ୍ଦ୍ର ସରକାରଙ୍କ ଦ୍ୱାରା ସ୍ଥାପିତ ହୋଇଛି ।

ଏହା ବ୍ୟତିତ ଓଲଟପୁରର ଏକ ବ୍ରାଂଚ ରୂପେ ବଲାଙ୍ଗୀର ଠାରେ ଏହି ସଂସ୍ଥା କାର୍ଯ୍ୟ କରୁିଛି । ପଶ୍ଚିମ ଓଡ଼ିଶାରେ ଶିଶୁ ମୃତ୍ୟୁହାର, ବିକଳାଙ୍ଗ ହାର ଓ ଜନ୍ମରୁ ବିଭିନ୍ନ ରୋଗରେ ଆକ୍ରାନ୍ତ ରୋଗୀଙ୍କ ସଂଖ୍ୟା ସର୍ବାଧିକ ଥିବାରୁ ଏହି ପ୍ରତିଷ୍ଠାନ ବହାୁତ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି । ବର୍ତ୍ତମାନ ବହୁ ଅସୁବିଧା ସତ୍ତ୍ୱେ ଆଖପାଖ ୧୧ଟି ଜିଲ୍ଲାରୁ ରୋଗୀ ମାନେ ଆସି ଚିକିତ୍ସିତ ହେଉଛନ୍ତି । ଏଠାରେ କେବଳ ଏସିଷ୍ଟାଣ୍ଡ ପ୍ରଫେସର ଡ.ମୀନତି ମହାପାତ୍ର ଇନଚାର୍ଜ ଡାକ୍ତର ଭାବେ ଦାୟିତ୍ୱ ତୁଲାଉଛନ୍ତି ଓ  ଅଙ୍ଗପ୍ରତ୍ୟଙ୍ଗ ରୋପଣ ବିଶେଷଜ୍ଞ ଡ.ସୁରେନ୍ଦ୍ର ଭୋଇ, ଏ ଦୁଇ ଜଣଙ୍କ ଭରସାରେ ଅନୁଷ୍ଠାନ ଟି ଚାଲିଛି । କିନ୍ତୁ ଏଠାରେ ଅତି କମରେ ଓକୋପେସନ୍ ଥେରୋପିଷ୍ଟ , ଫିଜିଓଥରେରୋପିଷ୍ଟ, ସାଇକୋଲୋଜିଷ୍ଟ ଓ ସ୍ପିକଥେରୋପିଷ୍ଟ ବ୍ୟତିତ ୧୯ଜଣ କର୍ମଚାରୀ ରହିବା କଥ।। ଅବଶ୍ୟ ଡ.ମହାପାତ୍ରଙ୍କ କହିବା ଅନୁସାରେ ସମସ୍ତ ପଦବୀର ଚୟନ ହୋଇ ସାରିଛି ଓ ଏହା ଡିସେମ୍ବର ସୁଦ୍ଧା  ପୂରଣ ହେବ ବୋଲି ବଲାଙ୍ଗୀର ନାଗରିକ କମିଟି ସଭାପତି ଇଂ. ବେଲାରସିଂ ଭୋଇ ଓ ସଂପାଦକ ମନୋରଂଜନ ସାହୁଙ୍କୁ ଜଣାଇଛନ୍ତି । ଆହୁରି ଏଠାରେ ବିଇଡି, ଏମ୍‌ଇଡି, ୟୁପିଏସ୍‌ସି, ଓଟିଇଟି, ନିଟ୍ ଇତ୍ୟାଦିର ପ୍ରଶିକ୍ଷଣ

ଦିଆଯିବାର ପ୍ରସ୍ତାବ ଅଛି । ବିଭିନ୍ନ ପ୍ରକାରର ବିକଳାଙ୍ଗ, ମାନସିିକ ବିକୃତି ଶିଶୁ ଯଥା ଜନ୍ମଗତ ଭିନ୍ନକ୍ଷମ ରୋଗୀ ମାନଙ୍କୁ  କିଛି ପରିମାଣରେ ସାହାଯ୍ୟ ମିଳିଲେ ନୂତନ ଜୀବନ ଲାଭ କରି ପାରିବେ ବୋଲି ଏହି ଅନୁଷ୍ଠାନର ଉଦ୍ଦେଶ୍ୟ । ସରକାର ଓ ପ୍ରଶାସନର ଉଦାସୀନତା ମନୋଭାବା ଯୋଗୁଁ ଏ ଅଂଚଳର ବହୁ ଶିଶୁ ବିକଳାଙ୍ଗ ନୂତନ ଜୀବନ ପାଇବାରୁ ବଂଚିତ ହେଉଛନ୍ତି । ସରକାରଙ୍କ ତରଫରୁ ବର୍ତ୍ତମାନ ୩ ଏକର ଜମି ଏ ଅନୁଷ୍ଠାନ ପାଇଁ ଯୋଗାଇ ଛନ୍ତି । ୩ ବର୍ଷରୁ ଅଧିକ ହେଲାଣି ଆହୁରି ୨ ଏକର ଜମି ମିଳିବା ପ୍ରସ୍ତାବ ଥିବା ବେଳେ ତାହା ବର୍ତ୍ତମାନ ଜବରଦଖଲ କବଳରେ ରହିଛ, ଯେଉଁଥିରେ ହସ୍ପିଟାଲ, ପ୍ରଶିକ୍ଷଣ ରୋଗୀଙ୍କ ପାଇଁ ଆଶ୍ରୟସ୍ଥଳୀ ଓ କର୍ମଚାରୀ ମାନଙ୍କ ପାଇଁ କୋଠା ହୋଇ ପାରିବ । ଏହି କେନ୍ଦ୍ର ଟି ସହରରୁ ଦୂରରେ ରହିଥିବାରୁ ଗ୍ରାମାଂଚଳର ଗିରିବ ପରିବାର ମାନେ ଆସି ଯାତାୟତ ଅସୁବିଧା ଯୋଗୁଁ ଚିକିତ୍ସା ସୁବିଧା ପାଇ ପାରୁ ନାହାନ୍ତି । ଜିଲ୍ଲା ପ୍ରଶାସନ ତଥା ସଂସଦ ପାଣ୍ଠିରୁ କିଛି ଖର୍ଚ୍ଚ କରି ବେଟେରି ଚାଳିତ ଏକ ଯାନର ସୁବ୍ୟବସ୍ଥା କଲେ ଗରିବ ଶ୍ରେଣୀ ର ବିକଳାଙ୍ଗ ମାନେ ଉପକୃତ ହେ।।ଇ ପାରିବେ ବୋଲି ମତପ୍ରକାଶ ପାଇଛି । ଏ ସମସ୍ତ ସମସ୍ୟା ସମ୍ବନ୍ଧରେ ବିଭାଗୀୟ ଉଚ୍ଚ କର୍ତ୍ତୃପକ୍ଷ ଓ ବିଭାଗୀୟ ମନ୍ତ୍ରୀଙ୍କୁ ଦୃଷ୍ଟି ଆକର୍ଷଣ କରାଯିବ ବୋଲି କମିଟି ର ସଭାପତି ଇଂ ବେଲାରସିଂ ଭୋଇ ଓ ସଂପାଦକଲ ମନୋରଂଜନ ସାହୁ ସୂଚନା ଦେଇଥିବା ବେଳେ ବିମଳ ଚକ୍ରବର୍ତ୍ତି ଏଥିରେ ସହଯୋଗ କରିଥିଲେ ।