10-Nov-2023

ନାକଟିଦେଉଳ(କନ୍ଦର୍ପ ବେହେରା)- ସମ୍ବଲପୁର ଜିଲ୍ଲା ରେଢ଼ାଖୋଲ ବନଖଣ୍ଡ ଅନ୍ତର୍ଗତ ଗିରିଶ୍ଚନ୍ଦ୍ରପୁର ରେଞ୍ଜ ଅଧୀନ ମଙ୍ଗଳପୁର ଗ୍ରାମରେ ୮ ଗୋଟି ଛେଳି କୁ ମାରି ଖାଇଲା କଲରାପତରିଆ ବାଘ, ବନ ବିଭାଗ ସ୍ଥିତି ଅନୁଧ୍ୟାନ କରି ତଦନ୍ତ ଆରମ୍ଭ କରିଛି। ସୂଚନା ଯୋଗ୍ୟ ଯେ ଗିରିଶ୍ଚନ୍ଦ୍ରପୁର ରେଞ୍ଜ ଅଧୀନ ମଙ୍ଗଳପୁର ଗ୍ରାମର ଯୋଗେଶ ଲାକ୍ରା ଗ୍ରାମ ନିକଟ ରେ ଥିବା ସଂରକ୍ଷିତ ଜଙ୍ଗଲକୁ ଛେଳି ଚଳାଇବାକୁ ଯାଇଥିଲେ। ସନ୍ଧ୍ୟା ସମୟରେ ଘରକୁ ଫେରି ଛେଳି ଗୋଠରେ ଛେଳି ଦେଖିଲା ବେଳେ ସେଥି ମଧ୍ୟରୁ ୮ ଗୋଟି ଛେଳି ମିଳିନଥିଲା। ଆଜି ସକାଳୁ ଯୋଗେଶ  ଜଙ୍ଗଲକୁ ଯାଇ ଛେଳି ଖୋଜାଖାଜି କରୁଥିବା ବେଳେ ଏକ କଲରାପତରିଆ ବାଘ ଛେଳି ଗୁଡ଼ିକୁ ଖାଉଥିବା ଦେଖିବାକୁ ପାଇଥିଲେ। ଜଙ୍ଗଲରୁ ଘରକୁ ଫେରିଆସି ବନ ବିଭାଗ କୁ ଖବର ଦେଇଥିଲେ। ବନ ବିଭାଗ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରି ଛେଳି ଗୁଡ଼ିକୁ ଶବ ବ୍ୟବଚ୍ଛେଦ କରି ତଦନ୍ତ ଆରମ୍ଭ କରିଥିବା ଜଣାପଡ଼ିଛି। ଏହା ବାଘ ନା ଆଉ କିଛି ହିଂସ୍ର ଜୀବ ବନ ବିଭାଗ ତଦନ୍ତ ଚଳାଇଥିବା ଜଣା ପଡିଛି ା